ညဘက်တွေမှာ အဝတ်မဲ့ အိပ်စက်ဖူးပါသလား။ အဝတ်ဗလာနဲ့ အိပ်စက်ခြင်း Naked Sleeping ကို လုပ်ဆောင်တဲ့သူ နည်းပါလိမ့်မယ်။ ဒီအလေ့အထဟာ ကျန်းမာရေးအမြင်အရ ကြည့်မယ်ဆိုရင် ကောင်းကျိုးတွေ အများကြီးပေးပါတယ်။
(၁) နှစ်နှစ်ခြိုက်ခြိုက် ပိုအိပ်စက်စေတယ်
Photo: runsociety
အဝတ်အစားမဝတ်ဘဲ အိပ်စက်မယ်ဆိုရင် ခန္ဓာကိုယ်အပူချိန်ဟာ အကျမြန်ပါတယ်။ အပူချိန် ကျတာနဲ့အမျှ အမြန်အိပ်ပျော်ဖို့အတွက်လည်း အထောက်အကူဖြစ်ပါတယ်။ ညဘက်အိပ်စက်ရာမှာ အဝတ်အစားနဲ့ အိပ်တာထက် အဝတ်မပါဘဲ အိပ်စက်တာက အိပ်လို့လည်း ပိုပြီး နှစ်နှစ်ခြိုက်ခြိုက် အိပ်ပျော်စေနိုင်ပါတယ်။
(၂) စိတ်ဖိစီးမှုနဲ့ ရှုပ်ထွေးမှု လျော့ကျစေတယ်
Photo: runsociety
အိပ်ရေးဝသူတွေဟာ စိတ်ဖိစီးမှုနည်းတယ်ဆိုတာ အတော်များများ သိမှာပါ။ အပေါ်မှာ ပြောခဲ့သလို အဝတ်မပါဘဲ အိပ်တာကြောင့် အိပ်လို့ကောင်းတာကြောင့် စိတ်ကျန်းမာရေးပိုကောင်းလာပြီး ဖြစ်တတ်တဲ့ စိတ်တင်းကြပ်ဖိစီးမှုတွေ လျော့ပါးသွားနိုင်ပါတယ်။
(၃) ယုံကြည်မှု ပိုမြင့်လာမယ်
Photo: mensjournal
အဝတ်မဲ့ အိပ်စက်ခြင်းဟာ ကိုယ့်ကိုယ်ကိုယ် ယုံကြည်မှု ပိုမြင့်လာစေလည်း အထောက်အကူဖြစ်ပါတယ်။ ကိုယ်လုံးတီးအိပ်စက်မှုအလေ့အထဟာ ကိုယ့်ကိုယ်ကိုယ် အထင်ကြီးမှုနဲ့ ကိုယ့်ခန္ဓာကိုယ်ပေါ် စိတ်ကျေနပ်မှု ပိုတိုးလာစေနိုင်ပါတယ်။
(၄) အမျိုးသားတွေ မျိုးအောင်မှု မြင့်တယ်
Photo: savvyrest
အောက်ခံဘောင်းဘီဝတ်အိပ်စက်ခြင်းဟာ သုတ်ပိုးအရေအတွက်နဲ့ မျိုးအောင်နိုင်စွမ်းပေါ် သက်ရောက်မှု ရှိပါတယ်။ တင်းကြပ်တဲ့ အောက်ခံအဝတ်အစားတွေ ဝတ်ပြီး အိပ်စက်ခြင်းဟာ ကိုယ်ခန္ဓာအပူချိန် မြင့်မားစေပြီး သုတ်ပိုးတွေ သေကြေပျက်စီးစေနိုင်ပါတယ်။
(၅) ချစ်မှုရေးရာ ပိုကောင်းတယ်
Photo: RSVP
အဝတ်အစား မဝတ်ဘဲ အိပ်စက်ခြင်းဟာ ချစ်သူစုံတွဲတွေအကြား လိင်မှုကိစ္စကို အားပေးတယ်လို့ ဆိုပါတယ်။ လေ့လာမှုတွေအရ အိပ်နေစဉ် အသားချင်းထိတွေ့မှုဟာ ချစ်မှုရေးရာ ဟော်မုန်းဖြစ်တဲ့ Oxytocin ထွက်မှု လှုံ့ဆော်ပေးတယ်လို့ ဆိုပါတယ်။
