အမျိုးသားဝတ်တွေထဲမှာ Semi-Formal နဲ့ Formal Dress ကို အလွယ်တကူ ရောတတ်ပါတယ်။ Semi-Formal ဝတ်စုံတွေဟာ ပိုသက်တောင့်သက်သာရှိတဲ့ Formal Dress Code ထဲမှာ ပါပြီး ညနေခင်းပွဲတက်ကနေ မင်္ဂလာဆောင်အထိ ဝတ်လို့ ရတဲ့ ဖက်ရှင် ဖြစ်ပါတယ်။

ဒီလို နေရာတိုင်းမှာ အဝတ်များတဲ့ Semi-Formal အဝတ်အစားမျိုး ဝတ်မယ်ဆိုရင် ဝတ်မယ့်အချိန်ကို လိုက်ပြီး အပြောင်းအလဲတစ်ချို့တော့ လုပ်ပေးဖို့ လိုပါတယ်။ နေ့ဘက်ပွဲတွေမှာ Semi-Formal နဲ့ ပွဲတက်မယ်ဆိုရင် ကာလာအဖျော့မျိုးကို ရွေးဖို့လိုပြီး ညပွဲတွေအတွက် အရောင်ရင့်ရင့် Suit Colors တွေ ဝတ်သင့်ပါတယ်။

Photo: godfatherstyle

Semi-Formal ဝတ်စုံမှာ နက်ခ်တိုင် ပါလို့လည်း ရသလို မပါလည်း ဖြစ်ပါတယ်။ ဒါကတော့ ကိုယ့်အနေနဲ့ ပိုပြီး သက်တောင့်သက်သာ ရှိချင်တဲ့အပေါ် မူတည်ပါတယ်။ ခါးပတ်ကို လယ်သာအညို သုံးတာက ပိုပြီး စမတ်ကျစေပါတယ်။ များသောအားဖြင့် အဖြူရောင် ရှပ်အင်္ကျီ ကိုမှ Mid-Night Blue ဒါမှမဟုတ် Dark Charcoal Suit ဝတ်သင့်ပါတယ်။

ကြည့်လိုက်ရင် ရိုးရှင်းနေဖို့က အဓိကအချက်ဖြစ်ပါတယ်။ Suit Pants မဝတ်ဘဲ Chino ဘောင်းဘီတွေပဲ ရွေးချယ်သင့်ပါတယ်။ Chino ကိုမှ သပ်ရပ်ပြီး သားနားတဲ့ အနက် ၊ နေဗီပြာ ၊ အဖြူ ၊ မီးခိုးနဲ့ အညိုကာလာတွေ ဝတ်သင့်ပါတယ်။ အပေါ်မှာ Suit မဝတ်ချင်ရင် Jacket ဝတ်လို့ ရပါတယ်။

Source : He Spoke Style

ဖိနပ်ကိုတော့ Dress Shoe အစား Monk Straps ၊ Loafer နဲ့ Brogues တွေ ရွေးချယ်ဖို့ လိုပါတယ်။ အရေးကြီးဆုံးအချက်က ဖိနပ်တွေ သန့်ရှင်းရေးလုပ်ဖို့ မမေ့သင့်သလို ကိုယ့်ကိုယ်ကိုယ်လည်း ပိုပြီး သပ်သပ်ရပ်ရပ် မွှေးမွှေးကြိုင်ကြိုင်နဲ့ နေဖို့လည်း လိုပါတယ်။ အနည််းဆုံး ဆံပင်လေးတွေ ဖြီးသင်သွားပြီး မုတ်ဆိတ်လေးတွေ သပ်သပ်ရပ်ရပ်တော့ တိ, သွားသင့်ပါတယ်။