အရင်ဆုံး Chelsea Boots အကြောင်း နည်းနည်းလောက် ပြောချင်ပါတယ်။ Chelsea Boots ဆိုတာ Ankle-High လယ်သာ Boots မျိုး ဖြစ်ပြီး ဘေးနှစ်ဖက်မှာ ဖိနပ်ချွတ်လို့ စီးလို့ ရစေမယ့် Elastic panel လေးတွေ ပါပါတယ်။ ဒါ Chelsea Boots တွေပါပဲ။ အမျိုးသားတွေအပြင် အမျိုးသမီးတွေလည်း Chelsea Boot ကို နှစ်ခြိုက်ကြပါတယ်။ အရင်ကတော့ မြင်းစီးဖိနပ်တွေလို့ လူသိများပါတယ်။ အကြမ်းခံပြီး ရာဘာအောက်ခံ Sole အထူနဲ့လာပါတယ်။ အလုပ်လုပ်ရင်း ဝတ်တဲ့ Chelsea Boot တွေကတော့ ထိပ် Toe Caps နေရာမှာ စတီးနဲ့ အုပ်ထားတတ်ပါတယ်။

Photo: manofmany

Chelsea Boot စီးရင် ချက်ချင်း လူက မြင့်မတ်သွားတယ် ခံစားရပါတယ်။ ဒါကြောင့်ပဲ ဒီဖိနပ်အမျိုးအစားကို ထောင်ထောင်မောင်းမောင်း ပုံစံပေါက်ချင်သူတွေ အကြိုက်တွေ့တာ ဖြစ်ပါတယ်။ တကယ်တော့ Chelsea Boots တွေဟာ နေရာစုံ ဝတ်လို့ရတဲ့ ဖိနပ်တွေ ဖြစ်ပါတယ်။

ရုံးမှာ ဝတ်မယ်ဆိုရင်လည်း ရပါတယ်။ သင့်ရုံးက Suit နဲ့ Dress Code ဝတ်ပြီး ရုံးတက်ရတယ်ဆိုရင်တော့ လယ်သာညိုဗြောင် ဒါမှမဟုတ် အနက်ရောင် Chelsea Boots ရွေးသင့်ပါတယ်။ ရိုးရိုး T-Shirt နဲ့ Jeans ဆိုရင်တော့ အရောင်က သိပ်ပြဿနာ မရှိပါဘူး။ ဘောင်းဘီရဲ့ ဆိုဒ်နဲ့ ခြေထောက်အရှည်ပဲ နည်းနည်း ဂရုစိုက်ရမှာပါ။

Chelsea Boot ကို နောက်ထပ် ဝတ်လို့ရတဲ့ နေရာက ပါတီ နဲ့ အခမ်းအနားတစ်ချို့ပါပဲ။ ကောင်မလေးနဲ့ Dating နေရာတွေမှာ ၊ ဧည့်ခံပွဲတွေနဲ့ ပေါ့ပေါ့ပါးပါး ပါတီတွေမှာ ဒီဖိနပ်နဲ့ စတိုင်ထုတ်လို့ ရပါတယ်။ ဘယ်လို ဖက်ရှင်နဲ့ တွဲဝတ်ရမလဲဆိုရင် လယ်သာ Chelsea Boots နဲ့ ချည် Trouser ဘောင်းဘီရှည် ၊ ဘလေဇာကုတ်တို့နဲ့ တွဲဝတ်နိုင်ပါတယ်။

Photo: improb

တကယ်လို့ Casual ဖက်ရှင်မျိုး ဝတ်ချင်တယ်ဆိုရင်တော့ လယ်သာဂျာကင်နဲ့ ဂျင်းစ်ဘောင်းဘီ /Chino ကာလာရင့်ရင့်နဲ့လည်း တွဲဖက်လို့ ရပါတယ်။ T-Shirt ဖြူ ၊ Jeans ဖက်ရှင်နဲ့ Chelsea Boot တို့ တွဲဝတ်ရင်လည်း ဖက်ရှင်မိပါတယ်။ ဒါကြောင့် Chelsea Boot ဟာ စီးစရာ နေရာမရှားသလို စမတ်ကျလို့ တစ်ရံလောက်တော့ ဝယ်ထားသင့်တယ်လို့ ဆိုချင်ပါတယ်။