ကျွန်တော်တို့ မြန်မာနိုင်ငံသားတော်တော်များများဟာ ထမင်းစားရင် သခွားသီးကို တို့စရာအဖြစ် စားလေ့ရှိကြပါတယ်။ တစ်ချို့ကတော့ အစာပြေသဘောအနေနဲ့ စားသုံးကြပါတယ်။ ဘယ်လိုပဲစားစား သခွားသီးမှာ အဟာရဓာတ်တွေပါဝင်တာကြောင့် ကျန်းမာရေးအတွက် အထောက်အကူပြုတယ်ဆိုတာ ပြောပြချင်ပါတယ်။
သခွားသီးမှာပါဝင်တဲ့ အာဟာရဓာတ်များ
Source: Bonnie Plants
သခွားသီးမှာ အမျှင်ဓာတ်၊ ဗီတာမင် စီ၊ ဗီတာမင် K ၊ မဂ္ဂနီဆီယမ်ဓာတ်၊ ပိုတက်စီယမ်ဓာတ် ကြွယ်ဝတယ်။ ကယ်လိုရီနဲ့ အဆီဓာတ်အလွန်နည်းလို့ ကိုယ်အလေးချိန်ကို မတက်စေသလို ဝိတ်ချချင်သူတွေအတွက်လည်း အဆင်ပြေစေပါတယ်။ သခွားသီးရဲ့ အာဟာရဓာတ်တွေ အပြည့်အဝရရှိဖို့ အခွံမခွာဘဲ စားပေးပါ။ ဒါပေမယ့် ရေနဲ့သေချာစွာ ဆေးကြောဖို့တော့ လိုအပ်ပါတယ်။
ရေဓာတ်ဖြည့်တင်းပေးတယ်
Source: HSL
သခွားသီးမှာ ရေဓာတ်ပါဝင်မှုနှုန်းက (၉၆) ရာခိုင်နှုန်းအထိတောင် ရှိနေပါတယ်။ ဒါကြောင့် ရေဓာတ်ခန်းခြောက်မှုကို ကာကွယ်ပေးပြီး ဆီးရွှင်စေတယ်။ ရေသောက်နည်းတဲ့လူတွေအတွက် သခွားသီးများများစားဖို့ အကြံပေးပါရစေ။
ကိုယ်တွင်း အင်္ဂါတွေအတွက် ကောင်းတယ်
Source: MasterClass
သခွားသီးမှာပါဝင်တဲ့ ဓာတ်တိုးဆန့်ကျင်ပစ္စည်းတွေဟာ နှလုံး၊ အဆုတ် ကျန်းမာရေးကို အထောက်အကူဖြစ်စေပါတယ်။ ပြီးတော့ ခုခံအားစနစ်ကို မြှင့်တင်ပေးပြီး ကိုယ်တွင်းအင်္ဂါတွေကို ဒုက္ခပေးနိုင်တဲ့ အဆိပ်အတောက်တွေကို ဖယ်ရှားပေးနိုင်ပါတယ်။
ဝိတ်ကျစေတယ်
Source: Specialty Produce
သခွားသီးမှာ ကယ်လိုရီပါဝင်မှုနှုန်းနည်းတာကြောင့် များများစားလည်း ကိုယ်အလေးချိန်ကို မတက်စေပါဘူး။ ဝိတ်ချဖို့ ကြိုးစားနေကြတဲ့သူတွေ Gym ကစားပြီးချွေးထွက်များတဲ့အခါ ဆုံးရှုံးသွားတဲ့ ရေဓာတ်ကို သခွားသီးနဲ့ အစားထိုးဖြည့်ပေးလို့ ရပါတယ်။
သခွားသီးဟာ သွေးတွင်းသကြားဓာတ်ကို ကျစေလို့ ဆီးချိုရောဂါ ရှိသူတွေအတွက်လည်း စားလို့ အဆင်ပြေစေပါတယ်။ အမျှင်ဓာတ်နဲ့ ရေဓာတ်ပါဝင်မှုများလို့ အစာကြေစေပြီး ဆီးနဲ့ဝမ်းကို မှန်စေတယ်။ ရေဓာတ်ကြောင့် ဝမ်းအမာတွေ မဖြစ်စေဖို့၊ ဝမ်းမချုပ်စေဖို့ ကူညီပေးတယ်။
