သင်က သည်းထိတ်ရင်ဖို ရုပ်ရှင်ဇာတ်လမ်း(Horror Movie) တွေ ကြည့်ရတာကြိုက်တဲ့သူတစ်ယောက်လား။ ကြောက်စရာရုပ်ရှင်ဇာတ်လမ်းတွေက ကြည့်တဲ့သူတွေကို စိတ်ဖိစီးမှုဖြစ်စေတယ်ဆိုပေမယ့် ဘာလို့လူကြိုက်များရတာလဲဆိုတဲ့ အချက်တွေရှိနေပါတယ်။ တကယ်တော့ Horror Movie တွေ ကြည့်တာက စိတ်ဖိစီးမှုဖြစ်စေတယ်ဆိုပေမယ့် ကောင်းတဲ့စိတ်ဖိစီးမှုကိုပဲဖြစ်စေတာပါ။ Horror Movie တွေကပေးတဲ့ တခြားကောင်းတဲ့အချက်တွေလည်း ရှိပါသေးတယ်။
(၁) ကယ်လိုရီကျစေတယ်
Source : The South African
၂၀၁၂ခုနှစ်က လေ့လာမှုတခုအရ UK မှာရှိတဲ့ တက္ကသိုလ်တခုကသုတေသီတွေက လူတွေ Horror Movie တွကြည့်တဲ့အခါ အောက်ဆီဂျင်နဲ့ ကာဗွန်ဒိုင်အောက်ဆိုက်ရှူထုတ်မှုများတဲ့အတွက် ကယ်လိုရီလောင်ကျွမ်းတာကို တွေ့ပါတယ်။ အသံထွက်အော်မိအောင် စိတ်လှုပ်ရှားရတဲ့ Horror ရုပ်ရှင်တကားကြည့်တာက မိနစ် ၄၀ ကြာလမ်းလျှောက်ပေးတာနဲ့ ညီမျှတယ်လို့တောင်ဆိုပါတယ်။
(၂) ကောင်းတဲ့ကြောက်လန့်မှုကိုဖြစ်စေတယ်
Source : Getty Images
လူမှုဗေဒကျွမ်းကျင်သူတွေသုံးသပ်ချက်အရ စိတ်လှုပ်ရှားဖွယ်ကောင်းတဲ့ စွန့်စားခန်းတွေက လူတွေကိုကြောက်ရွံစေပေမယ့် စိတ်ခံစားချက်ကိုမြှင့်တင်ပေးနိုင်တယ်လို့ဆိုပါတယ်။ လူတွေဟာ ကြောက်စရာအတွေ့အကြုံတခုနဲ့တွေ့ကြုံပြီးတဲ့အခါ ပိုသက်တောင့်သက်သာနဲ့ပျော်ရွှင်မှုကိုပိုခံစားရပါတယ်။ ဒါပေမယ့် ဒါက ကြောက်စိတ်ဖြစ်တာကိုကြိုက်နှစ်သက်တဲ့သူတွေအတွက်ပဲဖြစ်ပြီး သဘောမကျတဲ့သူတွေအတွက်မဟုတ်နိုင်ဘူးလို့ဆိုပါတယ်။
(၃) လူတွေနဲ့ ပိုရင်းနှီးစေတယ်
Source : Bustle
သဲထိတ်ရင်ဖိုရုပ်ရှင်တစ်ကား ကြည့်ပြီးသွားတဲ့အခါ အချင်းချင်းပိုရင်းနှီးသွားစေတယ်လို့ ဆိုပါတယ်။ ဘာလို့လဲဆိုတော့ လူတွေကြောက်တဲ့အခါ လူတွေရဲ့ခန္ဓာကိုယ်ကနေ ကိုယ့်ဘေးနားမှာရှိတဲ့လူတွေနဲ့ ပိုရင်းနှီးလာစေတဲ့ oxytocin ဓါတ်ကိုထုတ်လွှတ်ပေးပါတယ်။ ဒါဟာ လူတွေရဲ့ရှင်သန်မှုဆိုင်ရာဗီဇအရ ကိုယ့်ရဲ့ရှင်သန်မှုအတွက်တခြားသူတွေနဲ့ဆက်သွယ်ရမယ်ဆိုတာကိုအချက်ပြတာပဲ ဖြစ်ပါတယ်။ ဒါ့ကြောင့် ချစ်သူစုံတွဲတွေ date လုပ်တဲ့အခါ အတူတူကြည့်သင့်တယ်လို့အကြံပြုကြတာဖြစ်ပါတယ်။
(၄) စိုးရိမ်မှုတွေကိုကျော်လွှားဖို့ အကူအညီပေးတယ်
Source : ABC News
တကယ်လို့သင်က အမြင့်ကြောက်တဲ့လူတစ်ယောက်လား ဒါမှမဟုတ် ပင့်ကူကြောက်တဲ့လူတစ်ယောက်လား။ သင်ကြောက်တဲ့အရာတစ်ခုကို တမင်တကာရင်ဆိုင်ခြင်းက ကြောက်ရွံ့မှုကိုကျော်လွှားဖို့ ကူညီနိုင်ပါတယ်။ ဒါကို စိတ်ပညာရှင်တွေအသုံးပြုတဲ့ ထိတွေ့ကုထုံးလို့ခေါ်ပါတယ်။ ကိုယ့်ရဲ့ကြောက်ရွံ့မှုတွေကို ရင်ဆိုင်တာကစိတ်ဖိစီးမှုဖြစ်စေနိုင်ပေမယ့် ရင်ဆိုင်လိုက်တာက အများကြီးပိုကောင်းစေပါတယ်။ ဒါ့ကြောင့် Horror movie တွေကြည့်တာက သင့်ရဲ့စိုးရိမ်မှုတွေကိုကျော်လွှားဖို့ အကူအညီပေးကောင်းပေးနိုင်မှာပါ။
