ကမ္ဘာ့အကောင်းဆုံးဘောလုံးသမားဆုကို ဘေယန်မြူးနစ်တိုက်စစ်မှူး လီဝန်ဒိုစကီး ဆွတ်ခူး
Source: Bundesliga
ဖီဖာ (FIFA) က ချီးမြှင့်တဲ့ (၂၀၂၀) ခုနှစ်အတွက် ကမ္ဘာ့အကောင်းဆုံးဘောလုံးသမားဆု ကို ဘေယန်မြူးနစ် တိုက်စစ်မှူး
ရောဘတ်လီဝမ်ဒိုစကီးကဆွတ်ခူး ရရှိသွားပါတယ်။ ဒီဆုကို မက်ဆီနဲ့ ရော်နယ်ဒိုတို့ကိုကျော်ဖြတ် ပြီးရရှိခဲ့ခြင်းလည်းဖြစ်ပါတယ်။
အကောင်းဆုံးနည်းပြဆုအတွက် နှစ် (၃၀) အတွင်းပထမဆုံးအကြိမ် လီဗာပူးကို ပရီးမီးယာလိဂ်ရရှိအောင် စွမ်းဆောင်ပေးနိုင်ခဲ့တဲ့ နည်းပြဂျာဂင်ကလော့ က ရရှိခဲ့ပါတယ်။
အလှဆုံး သွင်းဂိုးဆုကို စပါးတိုက်စစ်မှူးဆွန်ယောင်မင်က ဘန်လေနှင့်ပွဲတွင်စပါးဂိုးဧရိယာထိပ်မှ ပြိုင်ဘက်ကစားသမားများကို တစ်ကိုယ်တော် အစွမ်းဖြင့် ကျော်ဖြတ်သွင်းခဲ့သောဂိုးဖြင့် ရရှိသွားခဲ့ပါတယ်။
အကောင်းဆုံးဂိုးသမားဆုကို ဘိုင်ယန် ဂိုးသမား နူအာက လီဗာပူးဂိုးသမား အလက်ဆန်ဘက်ကာ နှင့် အက်သလက်တီကိုမက်ဒရစ်ဂိုးသမား အိုဘလက်တို့ကို ကျော်ဖြတ်ရရှိခဲ့ပါတယ်။
ဝိန်းရွန်နီရဲ့ သားအကြီးဆုံးဖြစ်သူ မန်ယူအသင်းနဲ့စာချုပ်ချုပ်ဆို
Source: INdia TV News
သရဲနီတွေရဲ့တိုက်စစ်မှူးဟောင်း ဝိန်းရွန်နီရဲ့ သားအကြီးဆုံးဖြစ်သူ ကိုင်ရွန်နီ (၁၁ နှစ်) ဟာ မန်ချက်စတာယူနိုက်တက် အသင်းနှင့် စာချုပ်ချုပ်ဆိုတယ်လို့သိရပါတယ်။
မိဘနှစ်ပါးနှင့်အတူ ကိုင် စာချုပ်လက်မှတ်ရေး ထိုးနေသည့်ပုံကို မန်ချက်စတာယူနိုက်တက် ဂိုးသွင်းစံချိန်ရှင် ဝိန်းရွန်နီက သူရဲ့လူမှု့ကွန်ရက်မှာ တင်ထားပါတယ်။
စီရော်နယ်ဒို ကမ္ဘာ့အကောင်းဆုံးဘောလုံးသမားဆုအတွက် ဘယ်သူတွေကိုမဲပေးခဲ့သလဲ
Source: Onze Mondial
၁. လီဝန်ဒေါစကီး
၂. မက်ဆီ
၃. ဘာပေး
စီရော်နယ်ဒိုရဲ့ စိတ်ဓာတ်ကတော့ လေးစားစရာကောင်းလှပါတယ်။
ကာဗာနီ (၃) ပွဲပယ်ခံရနိုင်တဲ့ အခြေအနေမှာရှိနေ
Source: Yahoo Finance
လူမှု့ကွန်ရက်အင်စတာဂရမ်ပေါ်မှာ လူမျိုးရေးခွဲခြားတဲ့ စကားလုံး သုံးစွဲခဲ့သော မန်ယူတိုက်စစ်မှူး ကာဗာနီကို အင်္ဂလန်ဘောလုံးအဖွဲ့ချုပ် က ဇန်နဝါရီ (၄) ရက်မတိုင်ခင် ဖြေရှင်းချက်ပေးဖို့တောင်းဆိုထားတယ်လို့သိရပါတယ်။
တကယ်လို့အပြစ်ရှိကြောင်းတွေ့ရှိခဲ့ပါက ကာဗာနီဟာ (၃) ပွဲပယ်ပြစ်ဒဏ် ချမှတ်ခံရဖွယ်ရှိနေကြောင်းလည်း သတင်းတွေကဖော်ပြနေကြပါတယ်။
AFC CHAMPION LEAGUE 2021 ပြိုင်ပွဲမှ အာဆီယံအသင်းများအခြေအနေ
Source: ASEAN FOOTBALL
AFC CHAMPION LEAGUE 2021 ပြိုင်ပွဲမှာ အာဆီယံဒေသအတွင်းမှ အသင်း (၆) ကတော့ အုပ်စုအဆင့်ကနေ ယှဉ်ပြိုင်ခွင့်ရရှိထားပါတယ်။ ဒီလေးသင်းကတော့ BG Pathum United (ထိုင်း) ၊ Port (ထိုင်း) ၊ United City (ဖိလစ်ပိုင်) ၊ Johor Darul Ta’zim (မလေးရှား) ၊Tampines Rovers (စင်ကာပူ) နဲ့ Viettel FC (ဗီယက်နမ်) တို့ပဲဖြစ်ပါတယ်။
Ratchaburi Mitr Phol (ထိုင်း) ၊ Chiangrai United (ထိုင်း) ၊Kaya–Iloilo (ဖိလစ်ပိုင်) Shan United (မြန်မာ) တို့ကတော့ ခြေစစ်ပွဲ ကစားရမှာပါ။
