စုံတွဲတွေကြားက ဖြစ်လေ့ဖြစ်ထရှိတဲ့ ပြဿနာသေးသေးလေးတွေကို ဖြေရှင်းလို့ အဆင်ပြေပါတယ်။ ဒါပေမဲ့ ပြဿနာကြီးသွားရင်တော့ နှစ်ယောက်သား လမ်းခွဲတဲ့ထိဖြစ်သွားနိုင်ပါတယ်။ ဒီနေ့မှာတော့ ယိုင်နှဲ့နေတဲ့ Relationship တစ်ခုကို ဘယ်လိုပြန်တည်ဆောက်မလဲ ဆိုတာပြောပြပေးမှာပါ။
နာကြည်းစရာတွေကို မေ့လိုက်ပါ
Photo : YourTango
သင်တို့နှစ်ယောက်ကြားမှာ အတိတ်က တစ်ယောက်အပေါ်တစ်ယောက် နာကြည်းစရာ အဖြစ်အပျက်တွေ ရှိကောင်းရှိနိုင်ပါတယ်။ ဥပမာတခြားတစ်ယောက်နဲ့ မရိုးသားစကားတွေပြောခဲ့တာမျိုး ဒါမှမဟုတ်ဒိတ်ခဲ့တာမျိုးတွေ ရှိနိုင်ပါတယ်။ ဒီလိုအမှားတွေကို ရန်ဖြစ်တိုင်း ထောက်ပြပြီး စကားနိုင်လုတာမျိုးလုပ်မိပါစေနဲ့။ Relationships ပြန်အဖက်ဆယ်လို့ မရအောင်ဖြစ်သွားနိုင်ပါတယ်။ ပြဿနာတစ်ခုဖြစ်လာပြီရှိရင် ဘယ်သူ့အပြစ်လဲအရင်မရှာပဲနဲ့ ဘယ်လို ဖြေရှင်းရမလဲဆိုတာ အရင်အဖြေရှာပါ။
အရင်အချိန်တွေကို ပြန်ဖန်တီးပါ
Photo : The Gottman Institute
စတွဲတုန်းက ပျော်စရာအချိန်တွေကို ပြန်တွေးကြည့်ပါ။ ဘယ်အရာက သင်တို့နှစ်ယောက်ကို ချစ်ကျွမ်းဝင်စေခဲ့သလဲ။ အတူတူရိုက်ထားတဲ့ ဓာက်ပုံတွေ ဗီဒီရိုတွေ ပြန်ကြည့်ပါ။ အရင်က သွားလည်ခဲ့တဲ့ နေရာတွေကို ပြန်သွားလည်လိုက်ပါ။ပထမဆုံး ဒိတ်ခဲ့တဲ့ စားသောက်ဆိုင်တွေဆီ ပြန်သွားပါ။ အရင်ကကြည်နူးစရာကောင်းတဲ့ အရာတွေ ပြန်ဖန်တီးလိုက်ပါ။ ဒီအရာတွေကသင်တို့နှစ်ယောက် နောက်တဖန်ပြန် ချစ်ကျွမ်းဝင်ဖို့ အကူအညီပေးနိုင်ပါလိမ့်မယ်။
တစ်ယောက်အပေါ်တစ်ယောက် နားလည်မှုထားပါ
Photo : PhotoDune
Relationship တစ်ခုပြိုကွဲမှာကို မလိုလားဘူးဆိုရင်တော့ တစ်ယောက်အပေါ်တစ်ယောက် စာနာနားလည်မှုရှိဖို့ အရေးကြီးပါတယ်။ ဆိုလိုတာကတော့ တစ်ခုခုဖြစ်တိုင်း သင့်ပါတနာနေရာကနေ ဝင်ခံစားကြည့်လိုက်ပါ။ ဒီလိုအခြေအနေမျိုးမှာ ငါသာသူ့နေရာမှာဆိုရင် ဘယ်လိုခံစားရမလဲ။ ငါတစ်ခြားတစ်ယောက်နဲ့ စကားပြောနေတာ ချိန်းတွေ့နေတာ သူသိသွားရင်ဘယ်လိုနေမလဲ။ ဒီလိုစာနာနားလည်မှုရှိတာတွေက Relationship ပြိုကွဲသွားမှာကို ရှောင်ရှားနိုင်ပါလိမ့်မယ်။
