မျက်မှန်သမားတွေ အများဆုံးကြုံရတဲ့ ပြဿနာတစ်ခုက မှန်တွေ အကွက်ထခြင်းပဲ ဖြစ်ပါတယ်။ အခုလို မိုးရာသီမှာဆို မျက်မှန်မှာ မိုးရေစိုပြီး အကွက်ထတာ အဖြစ်များပါတယ်။ ဒါကြောင့် စိတ်ရှုပ်စရာကောင်းတဲ့ မျက်မှန်ပေါ်က အစွန်းအကွက်တွေကို ၅ မိနစ်အတွင်း ရှင်းလင်းနိုင်မယ့် နည်းလေးတွေ မျှဝေလိုက်ပါတယ်။
(၁) သန့်ရှင်းပေးပါ
Photo: TheManual
အရင်ဆုံး မျက်မှန်ကို အနုစား Microfiber အဝတ်စလေး သုံးပြီး သန့်ရှင်းရေး လုပ်ရမှာပါ။ မျက်မှန်သုတ်တဲ့ Microfiber နဲ့ Lens Cleaner တို့ကို သုံးပြီး မျက်မှန်ပေါ်က ဖုန်နဲ့ အညစ်အကြေးတွေကို သန့်ရှင်းပေးရမှာပါ။
(၂) မှန်ဆေးရည် ဖော်စပ်ပါ
Photo: TheManual
မှန်တွေ သန့်ရှင်းဖို့အတွက် အလွယ်ဆုံး မှန်ဆေးရည်ကို ကိုယ့်အိမ်မှာတင် လုပ်လို့ ရပါတယ်။ ဒီအတွက် ရေနဲ့ မုန့်ဖုတ်ဆိုဒါ တစ်ဇွန်းနှစ်ဇွန်းစာပဲ လိုပါတယ်။ မုန့်ဖုတ်ဆိုဒါနဲ့ ရေကိ ခပ်ပြစ်ပြစ်ဆေး Paste ရအောင် ဖျော်ထားပါ။
(၃) မျက်မှန်ပေါ် သုတ်ပါ
Photo: TheManual
ဒီ Paste ကို မှန်ပေါ်က အကွက်ထနေတဲ့ နေရာတွေပေါ် သုတ်ပြီး အမွေးနု Microfiber အဝတ်စ ဖြစ်ဖြစ် ဂွမ်းလုံး Cotton Ball နဲ့ ဖြစ်ဖြစ် အားသိပ်မသုံးဘဲ ညင်ညင်သာသာနဲ့ပဲ စက်ဝိုင်းပုံစံ ပွတ်ပေးရမှာပါ။
(၄) ဆေးပေးပါ
Photo: TheManual
မျက်မှန်တစ်ပြင်လုံးမှာ မှန်ဆေးရည် လောင်းပြီး သေချာသန့်ရှင်းပေးပြီးရင်တော့ ရေနဲ့ ဆေးချရမှာပါ။ ရေနဲ့ ဆေးပြီးတာနဲ့ မှန်ဆေးရည် Lens Cleaner ဗူးနဲ့ Microfiber အဝတ်စကို သုံးပြီး ထပ်ပြီး ဆေးကြောပေးရမှာပါ။ ဒီအဆင့်တွေအကုန်လုံးလုပ်ဖို့ ၄-၅ မိနစ်ထက် မကြာပါဘူး။ လွယ်ကူပြီး မြန်ဆန်တဲ့ မျက်မှန်တွေ သန့်ရှင်းတဲ့နည်း ဖြစ်ပါတယ်။
