အောင်မြင်တဲ့လူတွေကျတော့ နေရာတိုင်းမှာ အောင်မြင်နေပြီး မအောင်မြင်တဲ့လူတွေကျတော့ ဘာ့ကြောင့် စောစောစီးစီးနဲ့ အလွယ်တကူ လက်လျော့လိုက်ကြသလဲဆိုတာကို စဉ်းစားဖူးပါသလား။
အောင်မြင်တဲ့ အုပ်စုနှင့် မအောင်မြင်တဲ့ အုပ်စုနှစ်ခုကြား ကွဲပြားခြားနားချက်တွေကတော့ အများကြီးပါပဲ။ ဒါပေမဲ့ သတင်းကောင်းလေးတစ်ခုကတော့ သင်သည် ဒီစာဖတ်နေစဉ်မှာ မအောင်မြင်သေးဘူးဆိုရင်တောင်မှ သင့်ရဲ့အကျင့်စရိုက်အချို့ကို ပြန်လည်ပြောင်းလဲလိုက်မယ်ဆိုရင်တော့ အောင်မြင်ခြင်းကို ဆွတ်ခူးနိုင်ပါလိမ့်မယ်။
အခုဆက်လက်ဖော်ပြပေးမှာကတော့ အောင်မြင်တဲ့သူတစ်ယောက်ချင်းစီသည် ဘာ့ကြောင့် သူတို့ရဲ့ပန်းတိုင်ကို ဆွတ်ခူးနိုင်သလဲဆိုတာပဲဖြစ်ပါတယ်။
သူတို့မှာ တိကျပြတ်သားတဲ့ ဦးတည်ချက် (သို့) အမြင်အာရုံ (သို့) ပန်းတိုင်တွေ ရှိကြတယ်
သင့်မှာ ဦးတည်ချက်မရှိဘူးဆိုရင် သင် ရပ်နေတဲ့နေရာမှာပဲ စမ်းတဝါးဝါး လမ်းပျေက်သွားပါလိမ့်မယ်။ ဒီလို လမ်းမပျောက်ဖို့ရန်အတွက် ခြောက်လအတွင်း (သို့) တစ်နှစ်ကြာတဲ့အခါ သင့်ကိုယ်သင် ဘယ်နေရာမှာ ရောက်နေမလဲဆိုတာ ပုံဖော်ကြည့်လိုက်ပါ။ သင့်စိတ်ကူးထဲက ပုံဖာ်ထားတဲ့သူမျိုးဖြစ်သွားအောင်လို့ ဘယ်လိုအကျင့်တွေကို ပြောင်းလဲရမလဲဆိုတာ သိသွားပါလိမ့်မယ်။
သူတို့က ဇွဲကောင်းကြတယ်
ဇွဲကောင်းခြင်းသည် ရလာဒ်ကောင်းများကို ဆောင်ကျဉ်းပေးပါတယ်။ ကိစ္စတစ်ခုကို စစလုပ်ခြင်းမှာ အကျိုးရလာဒ်များက သိသာမှာမဟုတ်ပါဘူး။ အချိန်အတိုင်းအတာတစ်ခုအထိ ပေးဆပ်ပြီးမှသာလျှင် အောင်မြင်ခြင်းအသီးအပွင့်ကို ခံစားရမှာပါ။
ဥပမာ သင်က ဝိတ်လျော့ချင်တဲ့သူ ဆိုပါစို့။ သင် တစ်ရက်တည်း အစာရှောင်ရုံနဲ့ ချက်ချင်းကြီး ဝိတ်ကျသွားမှာမဟုတ်ပါဘူး။ ရက်အနည်းငယ်၊ လအနည်းငယ်ကြာမှသာလျှင် ဝိတ်ကျခြင်းရလာဒ်ကို မြင်တွေ့ရမှာပါ။
သူတို့က သူတို့ပတ်ဝန်းကျင်ကို ပြောင်းလဲလိုက်ကြတယ်
သင့်ရဲ့ဘဝကို သာမန်အတိုင်း မဖြတ်သန်းချင်ဘဲ ကြီးကျယ်ခမ်းနားတဲ့ အရာများကို ရရှိပိုင်ဆိုင်ချင်တယ်ဆိုရင် သင့်ရဲ့ပတ်ဝန်းကျင်ကို အောင်မြင်မှုများနဲ့ လွှမ်းခြုံထားဖို့လိုပါတယ်။ ဆိုလိုတာကတော့ သင့်ရဲ့ပတ်ဝန်းကျင်မှာ အမြင်ကျဉ်းမြောင်းသူများ၊ အဆိုးမြင်စိတ်ရှိသူများ၊ သူတစ်ပါးနောက်ကွယ်မှာ အတင်းအဖျင်း ပြောဆိုတတ်သူများ မရှိအောင် ဖယ်ရှားပစ်ရမှာပါ။ ထိုအရာတွေအားလုံးသည် သင့်ရဲ့ဝေဖန်ဆုံးဖြတ်နိုင်စွမ်း၊ သင့်ရဲ့စွမ်းအင်များ၊ ကျန်းမာရေးနှင့် အောင်မြင်မှုတို့အပေါ် အကျိုးသက်ရောက်စေလို့ပဲဖြစ်ပါတယ်။
ဆင်ခြင် ဆင်လတ် မပေးတတ်ကြဘူး
ချက်ချင်းလုပ်သင့်တဲ့အရာကို ချက်ချင်းမလုပ်ဘဲ အချိန်ဆွဲပြီး ဆင်ခြေပေါင်းစုံပေးဖို့ ကြံနေပြီဆို သေချာပါတယ်။ ထိုသူသည် ဘယ်တော့မှ အောင်မြင်နိုင်မှာမဟုတ်ပါဘူး။ ဆင်ခြေဆင်လတ်များသည် သင် ကိုယ်တိုင် ဖန်တီးထားတာဖြစ်တဲ့အတွက်ကြောင့် သင် ကိုယ်တိုင်ပဲ အလွယ်တကူ ဖျက်ဆီးနိုင်ပါတယ်။ ဒါ့ကြောင့် ဒီနေ့ကစပြီး ဆင်ခြေပေါင်းစုံပေးတတ်တဲ့အကျင့်ကို ဖျောက်ဖျက်လိုက်ကြရအောင်။
အသစ်သောအရာများကို အမြဲတမ်း သင်ယူနေကြတယ်
အသစ်သောအရာများကို သင်ယူဖို့ နောက်တွန့်နေမယ်။ ပျင်းရိနေမယ်ဆိုရင် အောင်မြင်မှုနဲ့ ဝေးသထက် ဝေးသွားပါလိမ့်မယ်။ ကြွယ်ဝချမ်းသာသူများ၊ အလုပ်ကြိုးစားတဲ့ စွန့်ဦးတီထွင်သူများ၊ အောင်မြင်ကျော်ကြားတဲ့ အနုပညာရှင်များအားလုံးသည် ဘဝရဲ့ကျောင်းသားတွေပဲဖြစ်ပါတယ်။ သူတို့သည် အခြားသော သူများထံမှသော်လည်းကောင်း၊ မိမိ အတိတ်ကအမှားများထံမှသော်လည်းကောင်း၊ စာဖတ်နေရင်၊ ခရီးသွားနေရင်းနဲ့သော်လည်းကောင်း အသစ်သောအရာများကို သင်ယူလေ့လာရင်း မိမိရဲ့အသိဉာဏ်ပညာများကို မြင့်မားလာအောင် လုပ်ဆောင်လေ့ရှိကြပါတယ်။
Source: Everydaypower.com
Featured Image Source: Freepik.com
