လူတိုင်းကတော့ ဘဝမှာကြွယ်ဝချမ်းသာချင်ကြတဲ့ သူတွေချည်းပါပဲ။ ဘဝမှာအောင်မြင်ပြီး ချမ်းသာကြွယ်ဝဖို့ အသက်အရွယ်အကန့်အသတ်မရှိတာမှန်ပေမယ့် အသက်ငယ်ငယ်နဲ့ ချမ်းသာတဲ့ သူဌေးသူကြွယ်တစ်ယောက် ဖြစ်ချင်ရင်တော့ သူများတွေထက်ပိုပြီး ကြိုးစားအားထုတ်မှုတွေလုပ်ရမှာ အမှန်ပါ။ သင်ဟာ လက်ရှိအသက် ၂၀ ဝန်းကျင် လူငယ်လူရွယ်တစ်ယောက်ဖြစ်ပြီး နောက်လာမယ့်အနာဂတ်မှာငွေရေးကြေး ရေး မကြောင့်မကျနဲ့ ကြွယ်ဝချမ်းသာသူ တစ်ယောက်ဖြစ်ချင်ရင်တော့ အခုပြောမယ့်အချက်တွေကို လိုက်နာဖို့လိုပါလိမ့်မယ်။
(၁) အပိုဝင်ငွေလမ်းကြောင်းရှာပါ
Photo Source : Freepik
လုပ်နိုင်ကိုင်နိုင်စွမ်းရှိတဲ့ လူငယ်အရွယ်မှာ ဝင်ငွေလမ်းကြောင်းတစ်ခုတည်းကိုပဲ မှီခိုအားထားတာမျိုးမလုပ်သင့် ပါဘူး။ အပိုဝင်ငွေရနိုင်မယ့် အခြားသော အချိန်ပိုင်းအလုပ်တွေကိုလည်း တွဲဖက်လုပ်ကိုင်သင့်ပါတယ်။ သင့်ရဲ့ ကိုယ်စွမ်းဉာဏ်စွမ်း အားအင်တွေကို သင့်ဘဝရဲ့အလုပ်ထဲမှာ မြုပ်နှံထားပြီး ဝင်ငွေလမ်းကြောင်းကိုအမြဲ အာရုံ စိုက်ထားသင့်ပါတယ်။
(၂) ရင်းနှီးမြုပ်နှံပါ
Photo Source : Time Conti Sheffield
လူငယ်ဘဝမှာ ငွေကုန်စရာကိစ္စတွေက ခပ်များများရယ်ပါ။ သို့သော် ကိုယ်ရှာလို့ရတဲ့ဝင်ငွေကို သုံးပစ်တာထက် စုနိုင်သလောက်စုတာ ၊ ပြန်လည်ရင်းနှီးမြုပ်နှံတာမျိုးတွေ ပိုလုပ်သင့်ပါတယ်။ အကောင်းဆုံးကတော့ ငွေပေါ်ငွေ ဆင့်ပြီး တိုးပွားလာစေမယ့် ရင်းနှီးမြုပ်နှံခြင်းဆိုင်ရာလုပ်ငန်းတွေမှာ ငွေကိုထည့်ထားတာ ကောင်းပါတယ်။
(၃) တိုးတက်အောင်လုပ်ပါ
Photo Source : Techdee
ဝင်ငွေကို ရင်းနှီးမြုပ်နှံသလို ကိုယ့်ကိုယ်ကို တိုးတက်အောင်လည်း ရင်းနှီးမြုပ်နှံသင့်ပါတယ်။ အလုပ်ကို ကြိုးကြိုး စားစားလုပ်ကိုင်ပြီး အားလပ်ချိန်ရတိုင်းမှာ အသိပညာဗဟုသုတ တိုးစေမယ့်အရာတွေ ကိုယ့်အရည်အချင်းကို တိုး တက်လာစေမယ့်အရာတွေ လုပ်ဆောင်ပေးဖို့ လိုပါတယ်။ တိုးတက်မှုကို အမြဲရှာဖွေလုပ်ဆောင်နေသူအတွက် အောင်မြင်မှုဆိုတာ မဝေးတော့တဲ့ အနာဂတ်တစ်ခုပါပဲ။
(၄) အပေါင်းအသင်းကောင်းတွေရှာပါ
Photo Source : Crello
ဘဝမှာ အောင်မြင်ချမ်းသာဖို့ အပေါင်းအသင်းကဏ္ဍကလည်း အရေးပါပါတယ်။ အဓိကအားဖြင့် ကြိုးစားချင် စိတ်ရှိသူတွေ အောင်မြင်ချမ်းသာလိုစိတ်ရှိသူတွေနဲ့ အချိန်များများ ကုန်ဆုံးသင့်ပါတယ်။ အတွေ့အကြုံရင့်သန်ပြီး အထိုက်အလျောက်အောင်မြင်ထွန်းပေါက်နေသူတွေနဲ့ မိတ်ဆွေဖွဲ့ထားတာဟာ ကိုယ့်အတွက် အကြံဉာဏ်ကောင်း တွေ၊ အခွင့်အလမ်းကောင်းတွေလည်း ရစေမှာပါ။
(၅) ကျရှုံးမှာ မကြောက်ပါနဲ့
Photo Source : Freepik
ဘဝဟာအမြဲတမ်း အဆင်ပြေချောမွေ့နေဖို့ဆိုတာ မဖြစ်နိုင်ပါဘူး။ ကျရှုံးမှုတွေနဲ့လည်း ကြုံလာနိုင်ပါတယ်။ ဒါပေမယ့် လူငယ်တစ်ယောက်အတွက် ကျရှုံးမှုဆိုတာ တွန်းအားတစ်ခုပါပဲ။ ကျရှုံးမှုတွေကနေ အကောင်းဆုံး သင်ခန်းစာယူပြီး နောက်ထပ်တစ်ကြိမ် ကြိုးစားရမှာပါ။ ဒါမှလည်း ကိုယ်ရည်မှန်းထားတဲ့ အနာဂတ်ပန်းတိုင်ကို သေချာပေါက်ရောက်နိုင်မှာပါ။
Featured Photo Source : Bibleinfo.com
