ကိုယ်ချစ်တဲ့သူကို ပျော်ရွှင်စေချင်တာ ချစ်သူကောင်းတို့ရဲ့ ပြယုဂ်တစ်ခုလို့ ပြောရမှာပါ။ ကွီးတို့လည်း ကိုယ့်ချစ်သူလေးကို ပျော်ရွှင်အောင်ထားချင်ကြတာပဲ မဟုတ်လား။ ဒါဆိုရင် အခုပြောပြမယ့် နည်းလမ်းလေးတွေက သင့်ချစ်သူကောင်မလေးကို အပြုံးပန်းတွေပွင့်လန်းပြီး အမြဲပျော်ရွှင်ရတဲ့ကောင်မလေးအဖြစ်မြင်တွေ့ရအောင် ကူညီပေးနိုင်ပါလိမ့်မယ်။
(၁) စိတ်လုံခြုံမှုပေးပါ
Photo : Crello
ကိုယ့်ရဲ့ပါတနာအပေါ် စိတ်ပိုင်းဆိုင်ရာလုံခြုံတယ်လို့ ခံစားရစေတာကလည်း တစ်နည်းအားဖြင့် ပျော်ရွှင်မှုပေးခြင်းပါပဲ။ စိုးရိမ်ပူပင်မှုတွေနဲ့ မလုံခြုံသလိုခံစားရတဲ့ Relationship တစ်ခုမှာ ဘယ်သူမှပျော်နိုင်မှာ မဟုတ်ပါဘူး။ ဒါကြောင့် ပူပင်သောကနဲ့ စိုးရိမ်မှုတွေမရှိပဲ သူမကိုစိတ်လုံခြုံမှုပေးနိုင်ဖို့ ကြိုးစားသင့်ပါတယ်။
(၂) သင့်ရင်ထဲမှာ သူမရှိတယ်ဆိုတာကို အသိပေးပါ
Photo : Crello
ကိုယ့်ရင်ထဲမှာ သူမအမြဲရှိတယ်ဆိုတာကို သိစေဖို့ အများကြီးစဉ်းစားနေစရာ မလိုပါဘူး။ သတိရတဲ့အခါတိုင်း ကိုယ့်ဘက်ကစပြီးဖုန်းခေါ်တာမျိုး ၊ စာတိုလေးတွေ မှန်မှန်ပို့တာမျိုး စသည်ဖြင့်ပေါ့။ ဒီအရာလေးတွေက အသေးအမွှားလေးတွေလို့ထင်ရပေမယ့် ကိုယ့်ရဲ့အချစ်တွေကို အထိရောက်ဆုံးဖော်ပြရာရောက်ပါတယ်။
(၃) သူမအပေါ်အာရုံစိုက်ပါ
Photo : Crello
အွန်လိုင်းပေါ်မှာ စကားပြောတဲ့အချိန်ဖြစ်စေ ၊ အပြင်မှာလူချင်းတွေ့ရင်ပဲဖြစ်စေ သူမအပေါ် အာရုံစိုက်ဖို့လည်း ဂရုပြုသင့်ပါတယ်။ သူမရဲ့မေးခွန်းတွေ ၊ သူမပြောတဲ့စကားလေးတွေ အပေါ် တုန့်ပြန်မှု ကောင်းကောင်းလုပ်နိုင်တာမျိုး ၊ အပြင်မှာတွေ့တဲ့အချိန်မှာလည်း သူမရဲ့ဖက်ရှင်အပြင်ဆင်အပေါ် ကောင်းတဲ့ချီးမွှန်းမှုပေးတာမျိုး စသည့်ဖြင့် လုပ်သင့်ပါတယ်။ ဒါမှလည်း သူမအပေါ်အပြည့်အဝအာရုံစိုက်မှုရှိတယ်ဆိုတာ သူမခံစားရစေမှာပါ။
(၄) လက်ဆောင်လေးတွေပေးပါ
Photo : Crello
လက်ဆောင်လေးတွေက မိန်းကလေးတွေအတွက် ပျော်ရွှင်မှုပေးနိုင်တဲ့အရာလေးတွေဖြစ်သလို ကွီးတို့ချစ်သူနှစ်ဦးကြားအမှတ်တရတွေလည်း တိုးစေမှာပါ။ အထူးသဖြင့် သူမလိုချင်တယ်လို့ပြောဖူးတဲ့ အရာလေးတွေ ၊ သူမရဲ့ favourite အဖြစ်ဆုံးပစ္စည်း လေးတွေကိုမှတ်ထားပြီး အမှတ်တရအနေနဲ့ ဝယ်ပေးတာမျိုးလုပ်ပါ။ သူမရဲ့ပျော်ရွှင်တဲ့အပြုံးတွေ မြင်ရပါလိမ့်မယ်။
Featured Photo Source : Crello
