သင့်ရဲ့အိပ်မက်ကို အကောက်အထည်ဖော်ဖို့အတွက် အရင်ဦးဆုံး သင် စိတ်ကူးယဉ်ထားတဲ့ သင့်ရဲ့အိပ်မက်ရှိရပါမယ်။ သင့်ရဲ့အိပ်မက်သည် သင်ကိုယ်တိုင် ပြုလုပ်နိုင်တဲ့ လက်တွေ့ကျတဲ့ အိပ်မက်ဖြစ်ရပါမယ်။
ဒီလိုအိပ်မက်ကို အထောက်အထည်ဖော်ဖို့အတွက် သင့်ရဲ့မာန်မာနနဲ့ အကြောက်တရားက နှောင့်ယှက်နေတတ်ပါတယ်။
အရင်ဦးဆုံး သင့်ရဲ့မာန်မာနကို ဖယ်ရှားလိုက်ပါ
မာန်မာနထောင်လွှားခြင်းက သင့်ကို စမတ်ကျတဲ့သူတစ်ယောက်မဖြစ်စေပါဘူး။ မာန်မာနများ ကြီးစိုးနေတဲ့အခါ အခြားသောသူများထံမှ အသစ်အသစ်သောအရာများကို သင်ယူလေ့လာနိုင်မှာမဟုတ်တော့ဘဲ သင့်ရဲ့တိုးတက်မှုကလည်း နှေးကွေးသွားနိုင်ပါတယ်။
အကြောက်တရားကိုလည်း ဖယ်ထုတ်ရပါမယ်
အောင်မြင်ချင်တဲ့သူက ရှုံးနိမ့်ရမှာကို ကြောက်ရွံ့နေလို့ မရပါဘူး။ ကိုယ့်ရဲ့ အမှားကနေ သင်ခန်းစာယူဖို့ကသာ အရေးကြီးပါတယ်။
အကြောက်တရားနဲ့ မာန်မာနကင်းဝေးပြီး အောင်မြင်မှုကို အရယူနိုင်ဖို့ ဘဝကို ဘယ်လိုခံယူချက်တွေနဲ့ ဖြတ်သန်းသင့်သလဲ။
မိမိရဲ့ဒေါသကို ချုပ်ထိန်းပါ
ကိုယ်က စိတ်ဆိုးဒေါသထွက်လွယ်လို့၊ ကိုယ့်ဒေါသကို မထိန်းချုပ်နိုင်လို့ဆိုပြီး အလွယ်လေး ဆင်ခြေပေးလိုက်လို့ရပါတယ်။ ဒါပေမဲ့ မိမိရဲ့ဒေါသကို ရှေ့တန်းတင်တဲ့သူတွေအနားမှာ ဘယ်သူမှ မနေချင်ကြဘူးဆိုတာ မမေ့ပါနဲ့။ သင့်ရဲ့အိပ်မက်များကို အကောင်အထည်ဖော်ဖို့ရန်အတွက် သင့်တစ်ယောက်တည်းအားနဲ့ မရပါဘူး။ မိတ်ဆွေအပေါင်းအသင်းများရဲ့အကူအညီများကိုလည်း သင် တစ်ချိန်ချိန်မှာတော့ အရယူရမှာပါ။ ဒီလိုအချိန်မျိုးမှာ သင့်ရဲ့ဒေါသကြောင့် ဘယ်သူမှ မကူညီချင်ကြတာမျိုး မဖြစ်ပါစေနဲ့။
အချိန်ဆွဲချင်တဲ့စိတ်
လူတိုင်းက တစ်နည်းမဟုတ် တစ်နည်းတော့ အချိန်ဆွဲတတ်ကြပါတယ်။ အချိန်ဆွဲခြင်းရဲ့နောက်ဆက်တွဲဆိုးကျိုးကတော့ အနားနီးမှာ ကပ်လုပ်ရမှာဖြစ်ပြီး အလုပ်တွေပုံသွားကာ စိတ်ဖိစီးမှုများကို ခံစားရခြင်းပဲဖြစ်ပါတယ်။ အချိန်ကြာလာတဲ့အခါ ကျန်းမာရေးကိုတောင် ထိခိုက်လာနိုင်ပါတယ်။ ဒါ့ကြောင့် အခုလုပ်ရမယ့်အလုပ်ကို အချိန်မဆွဲဘဲ ချက်ချင်းလုပ်ပါ။ အောင်မြင်မှုအသီးအပွင့်က သင့်ကို စောင့်ကြိုနေပါလိမ့်မယ်။
ပစ္စုပ္ပန်မှာသာ ရှင်သန်ပါ
အတိတ်ကာလက အမှားများကို သင်ယူပါ။ ပစ္စုပ္ပန်မှာ ဒီထက်ပိုကောင်းအောင် ကျင့်ကြံပါ။ အနာဂတ်အတွက် တွေးပူမနေပါနဲ့။ ဒါဆိုရင်တော့ သင့်ရဲ့အိပ်မက်များနဲ့ တဖြည်းဖြည်းနီးကပ်လာပြီး နောက်ဆုံးမှာတော့ အိပ်မက်များကို အကောင်အထည်ဖော်နိုင်သွားပါလိမ့်မယ်။
Source: Lifehack.org
Featured Image Source: Lifealth.com
