ကိုယ်အလေးချိန် လျော့ချချင်တာလား၊ အောင်မြင်ပျော်ရွှင်ရတဲ့ လုပ်ငန်းခွင်ဘဝကို ပိုင်ဆိုင်ချင်တာလား၊ ဒါမှမဟုတ် သာယာပျော်ရွှင်တဲ့ မိသားစုဘဝကို ထူထောင်ချင်တာလား စသည်ဖြင့် ကိုယ်ပိုင်ရည်မှန်းချက်အမျိုးမျိုးချမှတ်နိုင်ပါတယ်။
သင်ကိုယ်တိုင်ချမှတ်ထားတဲ့ ရည်မှန်းချက်ကို အမှန်တကယ်ဖြစ်မြောက်လာအောင် လုပ်ဆောင်ဖို့အတွက် အရေးကြီးဆုံးအချက်ကတော့ ဘယ်လိုလုပ်ရမလဲဆိုတာ သိဖို့ပါပဲ။
ပြင်ပက လွှမ်းမိုးမှုကြောင့် မရပ်တန့်လိုက်ပါနဲ့
အခြားသောသူတွေရဲ့ထင်မြင်ယူဆချက်များ၊ ဝေဖန်တိုက်ခိုက်မှုများကြောင့် သင့်ရဲ့ပန်းတိုင်ဆီသွားနေတာကို လက်မလျော့လိုက်ပါနဲ့။ ကိုယ့်ရဲ့ပစ်မှတ်တစ်ခုတည်းကိုပဲ အာရုံစိုက်ထားပါ။
ကိုယ့်အားကိုယ်ကိုးပါ
ကိုယ်ပိုင်ရည်မှန်းချက်ကို ချမှတ်ပြီးတဲ့နောက်မှာ နောက်လာမယ့်အရာတွေကိုလည်း ကိုယ့်ရဲ့ကိုယ်ပိုင်ဆုံးဖြတ်ချက်နဲ့ပဲ ချမှတ်နိုင်ရပါမယ်။ ကိုယ့်အားကိုယ်ကိုးဖို့လိုပါလိမ့်မယ်။ ဘယ်သူ့ ဘယ်သူ့ကိုမှ အားကိုးနေတာမျိုးမလုပ်ရပါဘူး။
သတိကြီးကြီးထားပါ
လူတိုင်းကို မယုံပါနဲ့။ ကိုယ် လုပ်မယ့်အရာတွေ ကိုယ့် အစီအစဉ်တွေကို လူတကာကို လိုက်မပြောပါနဲ့။ ကိုယ် ယုံကြည်ရတဲ့ လူနည်းစုကိုသာ ပြောချင်ပြောပါ။ ကိုယ့်နောက်ကျောကို ဓားနဲ့ ထိုးသွားတဲ့သူတွေက ကိုယ့်ရဲ့အရင်းနှီးဆုံးမိတ်ဆွေတွေပဲမဟုတ်လား။
ကိုယ့်ရဲ့အသက်က ဒီအပေါ်မှာ မှီတည်နေသလိုမျိုး ကြိုးစားပါ
သင့်ရဲ့ရည်မှန်းချက်နဲ့ ပတ်သက်လာရင် လေးလေးနက်နက်လုပ်ဆောင်တတ်ဖို့လိုပါလိမ့်မယ်။ ကိုယ့်ရဲ့အသက်က ဒီအပေါ်မှာ မူတည်နေသလိုမျိုး ရေကုန်ရေခမ်းကြိုးစားဖို့ လိုပါလိမ့်မယ်။
Source: Lifealth.com
Featured Image Source: istockphoto.com
