ကျွန်တော်တို့ ခန္ဓာကိုယ်ဟာ တစ်စုံတစ်ခုကို သတိပေးချင်တဲ့အခါ Signs တွေပြတက်ပါတယ်။ ဥပမာအားဖြင့် အိပ်ချင်စိတ်ဖြစ်လာပြီဆိုရင် ငိုက်မြည်းသမ်းဝေလာတာမျိုးပေါ့။ ဒီလို Sign မျိုးက ကျွန်တော်တို့နဲ့ရင်းနှီးပြီးသားဖြစ်တဲ့အတွက် အထူးတလည်အဖြေရှာနေဖို့မလိုပေမယ့် တစ်ခါတစ်လေမှာ ပဟေဌိဆန်တဲ့ လက္ခဏာမျိုးတွေပြပြီးလည်း ခန္ဓာကိုယ်ရဲ့လိုအပ်ချက်ကို သတိပေးလာတက်ပါတယ်။
ဒီတစ်ခေါက်ပြောပြပေးမှာက ကိုယ်လက်လှုပ်ရှားမှုလုပ်ဖို့ လိုနေကြောင်း သတိပေးလာတဲ့ လက္ခဏာတွေအကြောင်းပါ။
(၁) အိပ်ပျော်ရခက်လာတဲ့အခါ
Photo : Fight the New Drug
တစ်နေ့တာအတွင်း လုံလောက်တဲ့လှုပ်ရှားမှုမရှိဘူးဆိုရင် ညဘက်အိပ်ပျော်ရခက်တဲ့ ပြဿနာမျိုးနဲ့ ရင်ဆိုင်ရနိုင်ပါတယ်။ လေ့ကျင့်ခန်းလုပ်ခြင်းက ခန္ဓာကိုယ်ကိုပင်ပန်းစေပြီး ညဘက်အိပ်ပျော်ဖို့ ပိုလွယ်ကူစေနိုင်ပါတယ်။ သင့်အနေနဲ့ညဘက်တွေမှာကောင်းကောင်းအိပ်မပျော်တာမျိုးဖြစ်နေတယ်ဆိုရင် လေ့ကျင့်ခန်းလုပ်ဖို့ အကြံပြုပါစေ။
(၂) Mood Swing ဖြစ်နေတဲ့အခါ
Photo : The Vital Beat
Mood Swing လို့ခေါ်တဲ့ စိတ်အပြောင်းအလဲမြန်တဲ့ ပြဿနာဟာလည်း ကိုယ်လက်လှုပ်ရှားမှုအားနည်းခြင်းကြောင့်ဖြစ်လာတဲ့ လက္ခဏာတစ်ခုပါပဲ။ ခန္ဓာကိုယ်ဟာ လုံလောက်တဲ့လှုပ်ရှားမှုမရှိရင် စိတ်ပိုင်းဆိုင်ရာကျန်းမာရေးကို ထိခိုက်လာပြီး စိတ်ခံစားမှုအတက်အကျလွယ်တာ စိတ်ဖိစီးမှုများတာတွေ ဖြစ်နိုင်ပါတယ်။
(၃) မကြာခဏမောပန်းနွမ်းနယ်မှု ခံစားရတဲ့အခါ
Photo : Medical News Today
ကိုယ်လက်လှုပ်ရှားမှုကောင်းကောင်းမရှိရင် မကြာခဏသလို ပင်ပန်းနွမ်းနယ်သလို အားမရှိသလိုတွေ ခံစားနေရမှာဖြစ်ပါတယ်။ စိတ်ရောကိုယ်ပါ တက်ကြွမှုမရှိပဲ နည်းနည်းလှုပ်ရှားလိုက်တာနဲ့ကို မောပန်းပြီး လေးလံထိုင်းမှိုင်းနေမှာပါ။ ဒီလိုခံစားနေရပြီဆိုရင် အသေးစားလေ့ကျင့်ခန်းတွေ ကိုယ်လက်လှုပ်ရှားမှုတွေကို မဖြစ်မနေပြန်လုပ်သင့်ပါပြီ။
(၄) အာရုံစိုက်နိုင်စွမ်း ကျဆင်းလာတဲ့အခါ
Photo : Healthline
သင်ဟာ နေ့စဉ်ကိုယ်လက်လှုပ်ရှားမှုလေ့ကျင့်ခန်းတွေကို ပုံမှန်မလုပ်ဘူးဆိုရင် တစ်နေ့တာရဲ့လုပ်ငန်းဆောင်တာတွေကို ကောင်းစွာအာရုံစိုက်နိုင်မှာမဟုတ်ပါဘူး။ ဟားဗက်ဆေးဘက်ဆိုင်သုတေသီတွေရဲ့ လေ့လာမှုအရ ကိုယ်လက်လှုပ်ရှားမှုလေ့ကျင့်ခန်းမလုပ်သူတွေဟာ ဦးနှောက်စွမ်းဆောင်ရည်ကိုလျော့ကျစေပြီး အာရုံစိုက်နိုင်စွမ်းကျဆင်းလာတယ်လို့ဆိုပါတယ်။ ဒါကြောင့် ဘယ်အရာကိုမှကောင်းကောင်းအာရုံစိုက်မရ ဖြစ်နေတယ်ဆိုရင် လေ့ကျင့်ခန်းတစ်ခုခုစလုပ်ဖို့လိုနေတာပဲဖြစ်ပါတယ်။
(၅) နာကျင်ကိုက်ခဲလာတဲ့အခါ
Photo : Summit Orthopedics
အကြောင်းအရင်းမရှိပဲ ခန္ဓာကိုယ်မှာနာကျင်ကိုက်ခဲမှုတွေ ခံစားနေရတယ်ဆိုရင် ကိုယ်လက်လှုပ်ရှား ရှိမရှိကိုယ့်ကိုယ်ကို ပြန်မေးကြည့်ပါ။ သေချာတာက လှုပ်ရှားမှုအားနည်းတဲ့အခါ အထူးသဖြင့်နောက်ကျော ၊ ခါး ၊ ပခုံးနှင့် ဒူးဆစ်တွေမှာ နာကျင်ကိုက်ခဲတဲ့ဝေဒနာမျိုးခံစားလာရတက်ပါတယ်။ ဒီလိုဆိုရင်တော့ သင်ကိုယ်လက်လှုပ်ရှားမှုလေ့ကျင့်ခန်းတစ်ခုခုလုပ်ဖို့ လိုနေပြီဆိုတာသေချာပါပြီ။
Featured Photo : Medical News Today
