ကျွန်တော် အားလုံးဟာ ဖြတ်သန်းတဲ့ရတဲ့လူ့ဘဝသက်တမ်းတစ်လျောက်မှာ အကောင်းဆုံးနေထိုင်ချင်ကြပြီး အသက်အရွယ်အိုမင်းလာချိန်အထိဘဝကို ပျော်ပျော်ရွှင်ရွှင်နေသွားချင်ကြသူတွေပဲ မဟုတ်လား။ ဒီလိုဆိုရင်တော့ ငယ်ရွယ်စဉ်ကတည်းက လိုက်နာစောင့်ထိန်းရမယ့် ဆောင်ရန်ရှောင်ရန်အချက်လေးတွေရှိပါတယ်။
အသက်ငယ်တုန်းမှာ အခုပြောပြမယ့် အချက်လေးတွေကို လိုက်နာမယ်ဆိုရင် အသက်အရွယ်အိုမင်းလာချိန်ထိ သေချာပေါက်ပျော်ရွှင်တဲ့ ဘဝကိုပိုင်ဆိုင်နိုင်မှာပါ။
(၁) မိသားစုနဲ့ သူငယ်ချင််းတွေကို ဦးစားပေးပါ
Photo : All Pro Dad
လူမှုဆက်ဆံရေးဟာ အသက်အရွယ်အရ ပျော်ရွှင်မှုရဲ့သော့ချက်တစ်ခုဖြစ်ပါတယ်။ ငယ်ရွယ်စဉ်မှာ ချစ်ရတဲ့မိသားစုဝင်တွေ သူငယ်ချင်းအပေါင်းအသင်းတွေနဲ့ ကောင်းမွန်တဲ့ ဆက်ဆံရေး တည်ဆောက်ထားကြမယ်ဆိုရင် အသက်ကြီးချိန်မှာ စိတ်ဓာတ်ကျခြင်း အထီးကျန်ခြင်းတွေ ကင်းဝေးစေမှာပါ။ ဒါကြောင့် မိသားစုနဲ့ သူငယ်ချင််းတွေကိုအချိန်ပေးပါ။
(၂) ကျန်းမာရေး ဂရုစိုက်ပါ
Photo : Healthline
ကျန်းမာခြင်းဆိုတာ ငယ်တုန်းမှာသတိမထားမိပေမယ့် အသက်ကြီးလာချိန်မှာ စကားပြောလာပါလိမ့်မယ်။ မကျန်းမာရင် ဘယ်လောက်ပဲချမ်းသာပြည့်စုံနေပါစေ စိတ်ချမ်းသာပျော်ရွှင်မှုကို ရမှာမဟုတ်ပါဘူး။ ဒါကြောင့် ငယ်ရွယ်စဉ်မှာ ကျန်းမာရေးကိုအထူးဂရုစိုက်ပြီး Healthy Lifestyle တစ်ခုရအောင် နေထိုင်သင့်ပါတယ်။
(၃) ပျော်ရွှင်ရယ်မောစရာတွေဖန်တီးပါ
Photo : The Spruce
အသက်ကြီးလာတာနဲ့အမျှ ပျော်စရာတွေနည်းလာတယ်လို့ ပြောကြတာကြားဖူးကြမှာပါ။ ဘဝရဲ့အလှည့်အပြောင်းတွေ လောကဒဏ်တွေကြောင့် ငယ်တုန်းကလောက်မပျော်နိုင်ကြပေမယ့် ငယ်တုန်းမှာ ပျော်စရာကောင်းတဲ့ အမှတ်တရတွေများများဖန်တီးကြမယ်ဆိုရင် တချိန်မှာ ပျော်စရာတွေအဖြစ် အမြဲအမှတ်တရဖြစ်စေမှာပါ။
(၄) သီးခြားကမ္ဘာလေးထဲက အပြင်ထွက်လိုက်ပါ
Photo : Travel + Leisure
တစ်ကိုယ်တည်း သီးသီးသန့်သန့် နေထိုင်ရတာကောင်းတယ်ဆိုပေမယ့်လို့ တချို့အချိန်တွေမှာ ကိုယ့်ရဲ့သီးခြားကမ္ဘာလေးထဲက အပြင်ကိုထွက်သင့် ပါတယ်။ ပြင်ပလောကမှာရှိတဲ့ သဘာဝအလှတရားတွေ လူသစ်တွေ ပတ်ဝန်းကျင်အသစ်တွေကို သွားရောက်ဖို့ပါတယ်။ အပြင်လောကမှာ လှပတဲ့သဘာဝတရားတွေ အတွေ့အကြုံအသစ်အဆန်းတွေ စိတ်ဝင်စားစရာအသစ်တွေ မိတ်ဆွေအသစ်တွေ အမြဲရှိပါတယ်။ ဒါကြောင့် ငယ်တုန်းမှာ ခရီးတွေထွက်ပါ ၊ အတွေ့အကြုံအသစ်တွေရှာဖွေပါ ၊ လူသစ်တွေနဲ့မိတ်ဆွေဖွဲ့ပါ။ ပျော်ရွှင်တဲ့ ဘဝသစ်တစ်ကို ရစေမှာပါ။
(၅) ကြိုတင် Plan ချထားပါ
Photo : GOBankingRates
အသက်ကြီးလာချိန် အလုပ်တွေတာဝန်တွေကနေ အနားယူချိန်မှာ ဘယ်လိုပုံစံမျိုး ဖြတ်သန်း သွားတယ်ဆိုတာ ကိုယ့်ကိုယ်ကို ဆန်းစစ်ပါ။ အငြိမ်းစားယူတဲ့ အချိန်ကစလို့ ကမ္ဘာပတ်ခရီးစဉ်တွေ သွားမလား ၊ ဝါသနာပါတဲ့အရာတွေကိုပဲ ဇောက်ချလုပ်ကိုင်သွားမလား စသည်ဖြင့် အနာဂတ်မှာဖြတ်သန်းချင်တဲ့ ဘဝပုံစံကို ကြိုတင်အစီအစဉ်ဆွဲထားဖို့လိုပါတယ်။ နောင်ရေးအတွက် ပိုက်ဆံစုတာ ၊ လုပ်ချင်တဲ့အရာလေးတွေ စာရင်းပြုစုထားတာ စတဲ့ဖြင့် ကြိုတင် Plan ချထားမယ်ဆိုရင်အသက်ကြီးတဲ့အချိန်မှာ ပျော်ပျော်ရွှင်ရွှင်နဲ့ စိတ်ချမ်းသာစွာနေထိုင်နိုင်မှာပါ။
Featured Photo : iStock
