တက်တူးတိုင်းမှာ အဓိပ္ပါယ်ကိုယ်စီ ရှိကြောင်း အထပ်ထပ်အခါခါ ပြောခဲ့ပြီးသွားပါပြီ။ တက်တူးထိုးကြသူတွေဟာလည်း တက်တူးကို လက်လွတ်စပယ် ထိုးလိုက်တာမဟုတ်ဘဲ သူတို့ရဲ့ စိတ်ခံစားမှုအလျှောက် သူတို့ရဲ့ အရေပြားပေါ် ထိုးထွင်းပုံဖော်လိုက်ကြတာဖြစ်ပါတယ်။
ဒီတစ်ခေါက်ပြောပြမယ့် တက်တူးအမျိုးအစားကတော့ မျက်လုံးပုံ တက်တူးတွေအကြောင်းပြောပြမှာ ဖြစ်ပါတယ်။ မျက်လုံးပုံတက်တူးအမျိုးအစားတွေနဲ့အတူ အဲဒီတက်တူးတွေရဲ့ အဓိပ္ပါယ်ကိုယ်စီကို ဖော်ပြပေးလိုက်ပါတယ်။
ရှီရှားကြောင် မျက်လုံးပုံ တက်တူး
Source: pre00.deviantart.net
ဒီရှီရှားကြောင်မျက်လုံးက နည်းနည်းတော့ ဆိုက်ကိုဖောက်တဲ့ပုံစံမျိုးပါ။ အထူးသဖြင့် ငယ်ဘဝအကြောင်းအရာတွေထဲက စိတ်ထဲက အမြစ်တွယ်စွဲလမ်းနေတဲ့ အကြောင်းအရာတစ်ခုနဲ့ ချိတ်ဆက်ထားတဲ့ ရည်ညွှန်းမှုပုံစံမျိုးလို့ ဆိုပါတယ်။ တစ်ခုခုပေါ် ရူးသွပ်နေတာမျိုးတွေကိုလည်း ရည်ညွှန်းပါတယ်။ သူများနဲ့မတူ ထူးခြားတဲ့ ပင်ကိုယ်စရိုက်ရှိသူတွေဟာ ဒီတက်တူးအမျိုးအစားပုံစံကို အထူး နှစ်ခြိုက်ကြပါတယ်။
ငိုနေတဲ့ မျက်လုံးပုံ တက်တူး
Source: www.askideas.com
ငိုကြွေးနေတဲ့ မျက်လုံးပုံတက်တူးကတော့ ဆုံးရှုံးသွားရမှုတွေကို ကိုယ်စားပြုတာပါ။ အထူးသဖြင့် အချိန်တွေ ကုန်ဆုံးသွားမှုအတွက် နောင်တရတဲ့ ပုံစံမျိုးပါ။ ချစ်ရသူ ဆုံးရှုံးတာ ၊ မိသားစုထဲက တစ်ယောက်ယောက်ကို ဆုံးရှုံးသွားရတာမျိုးတွေမှာ ဒီ တက်တူးနဲ့ သက်သေပြုပြီး ဆုံးရှုံးရမှုတွေအတွက် ကိုယ်စားပြု ထိုးထွင်းထားတဲ့ နာကျင်မှု အမှတ်အသားပဲ ဖြစ်ပါတယ်။
လင်းယုန်မျက်လုံးပုံ တက်တူး
Source: i.pinimg.com
ဒီလင်းယုန်မျက်လုံးပုံတက်တူးကတော့ ထူးချွန်ထက်မြက်မှုစွမ်းရည်တွေကို ပြသထားတာဖြစ်ပါတယ်။ ရဲစွမ်းသတ္တိ ၊ ပြတ်သားမှု နဲ့ ယုံကြည်မှုတွေကို ရည်ညွှန်းတဲ့ တက်တူးအမျိုးအစားပါ။ ကြုံတွေ့လာရတဲ့ ဒုက္ခတွေ ၊ သောကတွေ နဲ့ လောကဒဏ်တွေကို ကြံ့ကြံ့ခံနိုင်စွမ်းအပြည့်ရှိတယ်ဆိုတဲ့ အဓိပ္ပါယ်ပဲဖြစ်ပါတယ်။
နတ်ဆိုးမျက်လုံးပုံ တက်တူး
Source: i.pinimg.com
သူကတော့ သူ့ရဲ့ အမည်နဲ့ ဆန့်ကျင်ဘက်အဖြစ် ကိုယ့်ဆီရောက်လာမယ့် မကောင်းတဲ့အရာတွေကို ပြန်နှင်တဲ့ အသွင်ပုံစံမျိုးပါ။ ဒါအပြင် မကောင်းတဲ့ အစွဲတွေကို ချွတ်ဖို့ဆိုတဲ့ အဓိပ္ပါယ်လည်း ရပါတယ်။ ဓါတ်ကြမ်းကို ဓါတ်ကြမ်းနဲ့ ပြန်တိုက်တဲ့ သဘောပါ။
