အရင်ကတော့ တရားထိုင်ခြင်းဆိုတာ ဘုန်းတော်ကြီးတွေနဲ့ လောကီကို ငြီးငွေ့သူတွေရဲ့ အလုပ်လို့ ယူဆခဲ့ကြတာပါ။ အခုခေတ်မှာ တရားထိုင်ခြင်းဟာ အဆင့်မြင့်တဲ့ လူနေမှုပုံစံတစ်ရပ် ဖြစ်လာပါပြီ။ တရားထိုင်ခြင်းကနေ ရရှိတဲ့ အကျိုးတွေကိုလည်း လူတော်များများ ခံစားတတ်လာပြီ ဖြစ်ပါတယ်။
နေ့စဉ်ပုံမှန်တရားထိုင်တဲ့ အလေ့အကျင့်လုပ်သူဟာ အခုပြောမယ့် ထူးခြားတဲ့ အကျိုးကျေးဇူးတွေ ရရှိမှာပါ။
(၁) ဦးနှောက်ကို နုပျိုစေတယ်
Photo: Freepik
ဟားဗတ်က အာရုံကြောသိပ္ပံပညာရှင်တွေဟာ တရားထိုင်ခြင်းကြောင့် ဦးနှောက်ရဲ့ ပြောင်းလဲမှုကို လေ့လာရာမှာ အသက် ၅၀ အရွယ် ရေရှည်တရားထိုင်လာသူတွေမှာ အသက် ၂၅ နှစ်တုန်းကလိုမျိုး ဦးနှောက်ရှေ့ခြမ်းမှာ ရှိတဲ့ ဆုံးဖြတ်ချက်ချခြင်းနဲ့ မှတ်သားနိုင်စွမ်းအတွက် သုံးတဲ့ ဆဲလ်ပမာဏတွေ တွေ့ရတယ်လို့ ဆိုပါတယ်။ ဒါကြောင့် တရားကို ပုံမှန်အားထုတ်သူဟာ အာရုံကြောပျက်စီးမှုနှုန်း နှေးကွေးတယ်လို့ မှတ်ချက်ချခဲ့ပါတယ်။
(၂) နာကျင်မှုကို ၅၇% အထိ သက်သာစေပါတယ်
Photo: Freepik
သတိဉာဏ်ကို စူးစိုက်ပြီး အလုပ်ပေးတဲ့ တရားအားထုတ်မှုဟာ သာမန်လူတွေထက် နာကျင်တဲ့ ဒဏ်ကို ၅၇%ပို ခံနိုင်ရည်ရှိတယ်လို့ ဆိုပါတယ်။ တရားထိုင်ချိန်မှာ ရုပ်ပိုင်းဆိုင်ရာ နာကျင်မှုတွေကို စိတ်ခံစားချက်ပေါ် မသက်ရောက်အောင် ဦးနှောက်က ခွဲထုတ်ထားလို့ ဖြစ်ပါတယ်။
(၃) နိုးကြားတဲ့ ဘဝတစ်ဝက် ပြန်ရတယ်
Photo: Freepik
လူတွေဟာ အတွေးတွေကြောင့် ဘဝရဲ့ ၄၇% သောအချိန်တွေကို ပြုန်းတီးလေလွင့်စေခဲ့တယ်လို့ ဟားဗတ်သုတေသီတွေက ဆိုပါတယ်။ တရားထိုင်ချိန်မှာ အတွေးတွေကို ဖယ်ခွာပြီး လက်ရှိအခြေအနေမှာပဲ စူးစိုက်တဲ့ စိတ်နဲ့ နေထိုင်တာ ဖြစ်လို့ အတိတ်/အနာဂါတ်အပေါ် စိတ်ကူးယဉ် နေ့ခင်းအိပ်မက် မက်နေတာမျိုးလည်း ရှိတော့မှာ မဟုတ်ပါဘူး။
(၄) သောကနည်းလာတယ်
Photo: Freepik
အခုခေတ်လို စိတ်ရှုပ်စရာတွေနဲ့ ပြည့်နေတဲ့ ခေတ်ကြီးမှာ စိတ်နှလုံးအေးချမ်းဖို့ဆိုတာ အထူးပဲ အရေးကြီးလာပါတယ်။ စိတ်နှလုံး ချမ်းသာမှုမရရင် ဘယ်လောက်ပဲ အောင်မြင်ကျော်ကြားသည် ဖြစ်စေ ချမ်းချမ်းသာသာ နေနိုင်မှာ မဟုတ်ပါဘူး။
(၅) ကိုယ်ခံအားစနစ် ပိုကောင်းလာတယ်
Photo: Freepik
ဘယ်သူမှ ဖျားနာချင်မှာ မဟုတ်ပါဘူး။ လက်ဆေးတာကို အဖျားအနာကနေ ကာကွယ်နိုင်တယ်ဆိုပြီး ကျွန်တော်တို့ အလေးအနက်ထားသလိုမျိုး တရားရှုမှတ်မှုကိုလည်း ကိုယ်စိတ်နှစ်ပါးစလုံး ကိုယ်ခံအား မြှင့်ပေးနိုင်တဲ့ နည်းအဖြစ် လက်တွေ့ အသုံးချသင့်ပါတယ်။
ခေတ်ပေါ် ဆေးသုတေသနလေ့လာမှုတွေမှာလည်း တရားထိုင်ခြင်းဟာ ခန္ဓာကိုယ်တွင်းစနစ် အားကောင်းစေတယ်လို့ ထောက်ခံထားပါတယ်။ ဆေးသုတေသနပညာရှင်တွေရဲ့ အဆိုအရ ၈ ပတ်ကြာ တရားထိုင်ခြင်းဟာ ပဋိဇီဝတွေ သိသိသာသာ ထုတ်ပေးနိုင်တယ်လို့ လက်ခံထားပါတယ်။
