နတ်သမီး၊ နတ်သားပုံ တက်တူးများထဲတွင် အဓိပ္ပာယ်အများကြီး ရှိပါတယ်။ ယေဘုယျအားဖြင့်တော့ ကောင်းသောအရာများ၊ အပြစ်ကင်းစင်ခြင်း၊ မျှော်လင့်ခြင်းနှင့် ကာကွယ်စောင့်ရှောက်မှုပေးခြင်းတို့ကို ရည်ညွှန်းပါတယ်။
နတ်သားတောင်ပံလေးပဲ ရေးထိုးထားတယ်ဆိုရင်တော့ ထိုတက်တူးသည် အသစ်ပြန်လည်မွေးဖွားခြင်း၊ ကာကွယ်စောင့်ရှောက်မှုအောက်တွင် ရှိနေခြင်း အစရှိသည်တို့ကို ရည်ညွှန်းပါတယ်။ အချို့ကလည်း မိမိ တန်ဖိုးထားချစ်ခင်ရသူ တစ်ယောက်ယောက် ဆုံးပါးသွားပါက ထိုပုဂ္ဂိုလ်၏အမည်ကို တောင်ပံတက်တူးနှင့် တွဲဖက်၍ ရေးထိုးလေ့ရှိကြပါတယ်။
နတ်သားငယ်တက်တူးကတော့ ငယ်ရွယ်နုပျိုခြင်း၊ ကျန်းမာခြင်းနှင့် ပျော်ရွှင်ရခြင်းကို ကိုယ်စားပြုပါတယ်။ လောလောလတ်လတ်မိဘဖြစ်သွားတဲ့ မိဘများအနေနဲ့လည်း ထိုနတ်သားငယ်တက်တူးမျိုး ရေးထိုးလေ့ရှိကြပါတယ်။
သင့်အနေနဲ့ မိမိရဲ့အကြိုက်ပေါ် မူတည်ပြီး နတ်သမီး၊ နတ်သားပုံ တက်တူးဒီဇိုင်းအမျိုးမျိုးကို မိမိခန္ဓာကိုယ်ပေါ်တွင် ရွေးချယ်ရေးထိုးနိုင်ပါတယ်။
Source: Thetrendspotter.net
