ကွီး တွေ အသက်ကြီးလာတာနဲ့အမျှ ဗိုက်ပူလာတာက သာမန်ကိစ္စတစ်ခုလို ဖြစ်နေတတ်ပေမယ့် ကျန်းမာရေးအတွက် အလွန်အန္တရာယ်ရှိတဲ့ ပြဿနာတစ်ခု ဖြစ်ပါတယ်။ အရေပြားအောက်မှာ ရှိတဲ့ အဆီတွေအပြင် ကိုယ်တွင်းအင်္ဂါတွေကို ပတ်ရံနေတဲ့ ဗိုက်တွင်းအဆီတွေကပါ ကျန်းမာရေးကို ဆိုးရွားစွာ ထိခိုက်စေနိုင်ပါတယ်။ ဒါကြောင့် ဗိုက်ပူလာရတဲ့ အကြောင်းရင်းတွေနဲ့ ကျန်းမာရေး ထိခိုက်မှုတွေကို နားလည်ထားဖို့ လိုအပ်ပါတယ်။

အဓိကအချက်တွေကတော့ အောက်ပါအတိုင်း ဖြစ်ပါတယ် -

🛑 အသက်အရွယ်ကြီးလာတာနဲ့အမျှ ကြွက်သားတွေ လျော့နည်းလာပြီး ကယ်လိုရီလောင်ကျွမ်းနှုန်း နှေးကွေးသွားတဲ့အတွက် ဗိုက်မှာ အဆီပိုတွေ စုပုံလာဖို့ ပိုလွယ်ကူစေပါတယ်။

🛑 ဗိုက်တွင်းအဆီတွေ များလာတာက သွေးတိုးရောဂါ၊ နှလုံးရောဂါ၊ ဆီးချိုရောဂါ၊ လေဖြတ်တာနဲ့ အသည်းအဆီဖုံးတာ စတဲ့ ပြင်းထန်တဲ့ ကျန်းမာရေးပြဿနာတွေကို ဖြစ်ပွားစေနိုင်ပါတယ်။

🛑 အရက်သောက်သုံးမှု များတာကလည်း အမျိုးသားတွေမှာ ဘီယာဗိုက် ခေါ်တဲ့ ဗိုက်ပူလာခြင်းကို ဖြစ်စေတဲ့ အဓိက အကြောင်းရင်းတစ်ခု ဖြစ်ပါတယ်။

🛑 အမျိုးသားတွေအနေနဲ့ ခါးအရွယ်အစားက ၄၀ လက်မထက် ကျော်လွန်နေမယ်ဆိုရင် ကျန်းမာရေးအန္တရာယ် ရှိနေတယ်လို့ သတ်မှတ်နိုင်ပါတယ်။

🛑 ဗိုက်အဆီတွေကို လျှော့ချဖို့အတွက် ဝမ်းဗိုက်လေ့ကျင့်ခန်းတွေ ချည်းသက်သက် လုပ်ရုံနဲ့ မလုံလောက်ဘဲ ကျန်းမာရေးနဲ့ ညီညွတ်တဲ့ အစားအသောက် စားသုံးခြင်းနဲ့ ကိုယ်လက်လှုပ်ရှားမှု ပုံမှန်လုပ်ဆောင်ခြင်းတို့ကို တွဲဖက်လုပ်ဆောင်ရမှာ ဖြစ်ပါတယ်။

Ref : Mayo Clinic