လူ့ဘဝရဲ့ သက်တမ်းတစ်လျှောက်မှာ လုံလောက်စွာ အိပ်စက်အနားယူဖို့ ဆိုတာက ကျန်းမာရေးအတွက် မရှိမဖြစ် အရေးပါလှပါတယ်။
ခန္ဓာကိုယ်ရဲ့ ဇီဝကမ္မဖြစ်စဉ်တွေ မှန်ကန်ဖို့နဲ့ အသက်အရွယ်ကြီးလာတာနဲ့အမျှ ဖြစ်တတ်တဲ့ ရောဂါတွေကို ကာကွယ်ဖို့အတွက် အိပ်စက်ချိန် မှန်ကန်ဖို့ လိုအပ်ပါတယ်။
ဒါပေမဲ့ ခေတ်မီလူ့အသိုင်းအဝိုင်းမှာတော့ အိပ်ရေးပျက်တာတွေ၊ အိပ်ချိန်မမှန်တာတွေနဲ့ အသက်ရှူရပ်တာတွေက အဖြစ်များလာပါတယ်။
အဲဒီလို အိပ်စက်မှု ပြဿနာတွေက အမျိုးသားတွေရဲ့ ဟော်မုန်းစနစ်အပေါ် ဘယ်လို သက်ရောက်မှုရှိလဲဆိုတာကို အခု ဆောင်းပါးမှာ လေ့လာတင်ပြထားပါတယ်။
🛑အိပ်စက်ချိန်နဲ့ အမျိုးသားဟော်မုန်း (Testosterone) ကျဆင်းခြင်း
အိပ်ရေးပျက်တာနဲ့ အိပ်ချိန်နည်းပါးတာတွေက လူငယ်ရော လူကြီး အမျိုးသားတွေမှာပါ သွေးတွင်းအမျိုးသားဟော်မုန်းပမာဏကို ကျဆင်းစေပါတယ်။ အထူးသဖြင့် အသက်ကြီးတဲ့ အမျိုးသားတွေမှာ အိပ်စက်မှုကန့်သတ်လိုက်တဲ့အခါ ဟော်မုန်းထွက်ရှိတဲ့ ကြိမ်နှုန်းတွေပါ လျော့နည်းလာတာကို တွေ့ရှိရပါတယ်။
🛑စိတ်ဖိစီးမှုဟော်မုန်း (Cortisol) မြင့်တက်လာခြင်း
ညဘက်မှာ အိပ်ချိန်မလုံလောက်တာက နောက်တစ်နေ့ နေ့လယ်ပိုင်းနဲ့ ညနေပိုင်းတွေမှာ စိတ်ဖိစီးမှုဟော်မုန်း ပမာဏကို မြင့်တက်စေပါတယ်။ အဲဒီလို ညနေပိုင်းတွေမှာ ဟော်မုန်းပမာဏ မြင့်မားလာတာက ခန္ဓာကိုယ်မှာ အင်ဆူလင် မတုံ့ပြန်နိုင်တော့တဲ့ ပြဿနာတွေကို ဖြစ်စေပါတယ်။
🛑ဟော်မုန်း မညီမျှခြင်းနဲ့ ဇီဝကမ္မ ထိခိုက်မှုများ
အမျိုးသားဟော်မုန်း ကျဆင်းသွားတာနဲ့ စိတ်ဖိစီးမှုဟော်မုန်း မြင့်တက်လာတာတွေက တစ်ခုနဲ့တစ်ခု ဆက်စပ်နေပြီး ခန္ဓာကိုယ်ရဲ့ လုပ်ငန်းဆောင်တာတွေကို ထိခိုက်စေပါတယ်။ အဲဒီလို ဟော်မုန်းမညီမျှမှုတွေက ဆီးချိုရောဂါ ဖြစ်ပွားနိုင်ခြေကို တိုးမြင့်စေတယ်လို့ ပညာရှင်တွေက ထောက်ပြထားပါတယ်။
🛑အိပ်စက်စဉ် အသက်ရှူရပ်ခြင်း (OSA) နဲ့ ကျန်းမာရေး
အဝလွန်တာနဲ့ အသက်ကြီးလာတာတို့ကြောင့် ဖြစ်တတ်တဲ့ ညဘက်အသက်ရှူရပ်တဲ့ ပြဿနာကလည်း အမျိုးသားဟော်မုန်း ပမာဏ နိမ့်ကျရတဲ့ အဓိက အကြောင်းရင်း တစ်ခုဖြစ်ပါတယ်။ ဒါ့အပြင် အဲဒီလို အသက်ရှူရပ်တဲ့ ပြဿနာအတွက် ကုသမှုတွေ လုပ်ဆောင်တဲ့အခါမှာလည်း ဟော်မုန်းပမာဏနဲ့ ကျန်းမာရေး အခြေအနေတွေအပေါ် သက်ရောက်မှု ရှိပါတယ်။
Ref: pmc
