လေထု ညစ်ညမ်းမှု၊ ဖုန်မှုန့်နှင့် အညစ်အကြေးများနဲ့ ထိတွေ့မှုများခြင်း၊ နေလောင်ဒဏ်၊ အိပ်ရေးပျက်ခြင်း၊ အဆီအဆိမ့်နှင့်အစပ် လွန်ကဲသောအစားအစာများ စားသုံးခြင်းတို့ကြောင့် မျက်နှာပေါ်တွင် ဝက်ခြံများပေါက်ခြင်း၊ အမဲစက်များဖြစ်ခြင်း၊ အရေးအကြောင်းနှင့် ပါးရေတွန့်ခြင်းတို့ကို ခံစားရနိုင်ပါတယ်။
အသားအရေပျက်စီးကြမ်းတမ်းလို့ စိတ်ညစ်နေရတဲ့ ယောကျာ်းများအတွက် ထောပတ်သီးက ကူညီဖြေရှင်းပေးနိုင်ပါတယ်။
ပြုလုပ်ရမယ့်နည်းလမ်းကတော့ လွယ်လွယ်လေးပါပဲ။ ပါဝင်ပစ္စည်းများသည်လည်း အလွယ်တကူရှာဝယ်နိုင်တဲ့အတွက်ကြောင့် သင့်အိမ်မှာပဲ အလွယ်တကူပြုလုပ်နိုင်ပါတယ်။
နည်းလမ်း (၁)
Source: Experiencelife.lifetime.life
ထောပတ်သီးမှည့် တစ်ခြမ်းကို ခက်ရင်းဖြင့် အနှစ်များရအောင် ချေမွလိုက်ပါ။ ပျားရည် လက်ဖက်ရည်ဇွန်း ၁ ဇွန်းကို ရေနွေးပူ စားပွဲတင်ဇွန်း ၂ ဇွန်းဖြင့် သမအောင် ရောမွှေလိုက်ပါ။ ထို့နောက် ပျားရည်အရောအနှောနှင့် ထောပတ်သီးအနှစ်တို့ကို သမအောင် ရောမွှေလိုက်ပါ။ ရရှိလာတဲ့ အနှစ်များကို မျက်နှာပေါ်တွင် သုတ်လိမ်းပေးလိုက်ပါ။
၁၀ မိနစ်ခန့်ကြာမှ ကြက်သီးနွေး ရေနွေးဖြင့် မျက်နှာသစ်ပေးလိုက်ပါ။
နည်းလမ်း (၂)
Photo Source: Pinterest.com
ထောပတ်သီးမှည့် လေးစိတ် တစ်စိတ်ကို ဒိန်ချဉ် လက်ဖက်ရည်ဇွန်း ၁ ဇွန်း၊ ပျားရည် လက်ဖက်ရည်ဇွန်း တစ်ဝက်ဖြင့် သမအောင် ရောမွှေလိုက်ပါ။ ထို့နောက် မျက်နှာပြင်ပေါ်တွင် ညီညီညာညာသုတ်လိမ်းလိုက်ပါ။ ၁၀ မိနစ်၊ ၁၅ မိနစ်ခန့်ကြာမှ ကြက်သီးနွေးရေနွေးဖြင့် မျက်နှာသစ်လိုက်ပါ။
ဒီနည်းလမ်းကတော့ အသားအရေခြောက်သွေ့သူများနှင့် ဝက်ခြံသမားများအတွက် အထူးကောင်းမွန်ပါတယ်။
နည်းလမ်း (၃)
Photo Source: Liezljayne.com
ထောပတ်သီးမှည့် ၁ လုံး၊ ငှက်ပျောသီး ၁ လုံးနှင့် ကြက်ဥ အနှစ် ၁ လုံးတို့ကို သမအောင် ရောမွှေလိုက်ပါ။ ထို့နောက်မျက်နှာပေါ်တွင် ညီညီညာညာသုတ်လိမ်းပေးလိုက်ပါ။ ၁၀ မိနစ်၊ ၁၅ မိနစ်ကြာမှ ကြက်သီးနွေးရေနွေးဖြင့် မျက်နှာသစ်လိုက်ပါ။
ဒီပေါင်းတင်နည်းကတော့ မျက်နှာအဆီပြန်သူများအတွက် အထူးသင့်တော်ပါတယ်။
Source: Experiencelife.lifetime.life
