ပန်းသီးကို တစ်နေ့တစ်လုံး စားသုံးခြင်းသည် ကျန်းမာရေးကို ကောင်းမွန်စေတယ်လို့ လူအများက ယုံကြည်လက်ခံထားကြပါတယ်။ ပန်းသီးသည် ကျန်းမာရေး လိုက်စားသူများအတွက်သာမက ကိုယ်အလေးချိန် လျော့ချချင်တဲ့ယောကျာ်းများအတွက်ပါ အထောက်အကူပြုတဲ့ အစားအစာတစ်ခုပဲဖြစ်ပါတယ်။
ကိုယ်အလေးချိန်လျော့ချချင်သူများအတွက် အာဟာရကျန်းမာရေးပညာရှင်များက ဘာ့ကြောင့် ပန်းသီးစားသုံးခိုင်းသလဲဆိုတာကို အတူတူဆက်ဖတ်ကြည့်လိုက်ရအောင်။
ပန်းသီးက ဗိုက်ပြည့်စေတဲ့အတွက်ကြောင့်
ဝိတ်ချခြင်းရဲ့အဓိကလျှို့ဝှက်ချက်ကို သိချင်ပါသလား။ ထိုလျှို့ဝှက်ချက်ကတော့ ဗိုက်မြန်မြန်ပြည့်အောင် ပြုလုပ်ခြင်းပဲဖြစ်ပါတယ်။ မြန်မြန်ဗိုက်ပြည့်ဖို့ဆိုရင် ကယ်လိုရီနည်းသောအစားအစာများ၊ ပရိုတင်းများ၊ ကာဘိုဟိုက်ဒြိုက်ဓာတ်နှင့် အမျှင်ဓာတ်တို့ ကြွယ်ဝသောအစားအစာများကို စားသုံးရပါမယ်။ ပန်းသီးထဲမှာတော့ ထိုဓာတ်များအားလုံး ပါဝင်တာကြောင့် စားသုံးပေးပါက အချိန်အတော်ကြာကြာ ဗိုက်ပြည့်နေအောင် ကူညီပေးပါတယ်။
ပန်းသီးသည် ကယ်လိုရီနည်းပါးတဲ့အစားအစာဖြစ်တဲ့အတွက်ကြောင့်
ပန်းသီးသည် အမျှင်ဓာတ် ကြွယ်ဝစွာပါဝင်ပြီး ကယ်လိုရီဓာတ် နည်းပါးတဲ့အတွက်ကြောင် ဝိတ်ချချင်သူများအတွက် အသင့်တော်ဆုံးအစားအစာတစ်ခုဖြစ်တယ်လို့ အစားအစာနှင့် အာဟာရကျွမ်းကျင်ပညာရှင် Megan Byrd က ပြောကြားထားပါတယ်။ ရေဓာတ်ကြွယ်ဝတဲ့အတွက်ကြောင့်လည်း ခန္ဓာကိုယ်ကို ရေဓာတ်ဖြည့်တင်းပေးမှာပဲဖြစ်ပါတယ်။
ပန်းသီးက အမျှင်ဓာတ် ကြွယ်ဝတဲ့အတွက်ကြောင့်
ဝိတ်ချချင်သူများအတွက် အမျှင်ဓာတ်သည် အဓိကအရေးကြီးဆုံးပဲဖြစ်ပါတယ်။ အမျှင်ဓာတ်သည် အစာချေစနစ်ကို နှေးကွေးသွားစေတာကြောင့် သင်သည် အချိန်အကြာကြီး ဗိုက်ပြည့်သလို ခံစားနေရမှာဖြစ်ပြီး ကယ်လိုရီဓာတ်ကိုလည်း ထိန်းပေးထားတဲ့အတွက်ကြောင့် ဝိတ်မတက်လာအောင်လည်း ကူညီပေးပါတယ်။
ပန်းသီးသည် အစားအလွန်အကျွံ မစားအောင် ကူညီပေးသောကြောင့်
သင်သည် အစားတွေကို တစ်ခုပြီးတစ်ခု စားချင်စိတ်ကို ထိန်းမရတာကြောင့် အချိန်တိုင်း အစားနှင့် ပါးစပ်မပြတ်တဲ့သူတစ်ယောက်လား။ ဒါဆိုရင်တော့ ပန်းသီးကို နေ့စဉ်စားသုံးပေးလိုက်ပါ။ ပန်းသီးကို စားသုံးပေးခြင်းအားဖြင့် အစားအလွန်အကျွံ မစားမိအောင် ကာကွယ်ပေးပြီး သင့်ရဲ့ကိုယ်အလေးချိန်ကိုလည်း ထိန်းညှိပေးနိုင်ပါတယ်။
သွေးတွင်းသကြားဓာတ် မြင့်မားခြင်းမှ ကာကွယ်ပေးခြင်း
ပန်းသီးထဲမှာပါဝင်တဲ့ Anthocyanins ဓာတ်သည် ခန္ဓာကိုယ်ရှိ အဆီတစ်သျှူးများနှင့် ကျောရိုးကြွက်သားများ သွေးတွင်းသကြားဓာတ်များကို စွမ်းအင်အဖြစ်လောင်ကျွမ်းသွားအောင် ကူညီပေးပြီး အသည်းထဲတွင် ဂလူးကို့စ်များ ထုတ်လုပ်မှုကိုလည်း လျော့ချပေးပါတယ်။ ရလာဒ်အနေနဲ့ သွေးတွင်းသကြားဓာတ်များကို လျော့နည်းစေပြီး သွေးလည်ပတ်မှုကောင်းအောင် ကူညီပေးပါတယ်။
Source: Eatthis.com
Featured Image Source: Netdoctor.co.uk