ယောကျာ်းများအတွက် သရက်သီး နေ့တိုင်း စားသုံးခြင်းကြောင့် ခံစားရရှိမယ့် အကျိုးကျေးဇူးများ

သရက်သီးကို အသီးများရဲ့ဘုရင်လို့တောင် တင်စားခေါ်ဝေါ်ခြင်း ခံရတာပါ။ သရက်သီးသည် အရသာရှိရုံမျှမကဘဲ ကျန်းမာရေးအကျိုး ကျေးဇူးများလည်း များစွာပေးစွမ်းနိုင်ပါတယ်။ အာဟာရမပြည့်ဝသော သွားရေစာများ စားသုံးမယ့်အစား သရက်သီးများ အစားထိုးစားသုံးပေးပါက အခုဖော်ပြပေးမယ့် အကျိုးကျေးဇူးများကို ခံစားရရှိနိုင်ပါတယ်။

အရေးအကြောင်းများ လျော့နည်းစေခြင်း

လေ့လာတွေ့ရှိချက်များအရ တစ်ရက်လျှင် သရက်သီးတစ်လုံး မှန်မှန်စားသုံးပေးပါက နှစ်လကြာတဲ့အခါ ပါးရေတွန့်ခြင်း၊ အရေးအကြောင်းများ လျော့နည်းသွားခြင်း စတဲ့ အကျိုးကျေးဇူးများကို ခံစားရပါလိမ့်မယ်။ အသားအရေလှပစိုပြေချင်တဲ့ ယောကျာ်းများအတွက်တော့ သရက်သီးက အကောင်းဆုံး အဖော်မွန်ပါပဲ။

အမြင်အာရုံ စူးရှလာခြင်း

သရက်သီးထဲတွင် Lutein နှင့် Zeaxanthin ဓာတ်များ ပါရှိပါတယ်။ ထိုဓာတ်များသည် သင့်မျက်လုံးကို ကျန်းမာစေရုံသာမကဘဲ မျက်စိရောဂါများ မခံစားရအောင်လည်း ကာကွယ်ပေးပါတယ်။ ထိုသစ်သီးထဲတွင် ဗီတာမင်အေဓာတ်လည်း ကြွယ်ဝစွာပါဝင်တဲ့အတွက်ကြောင့် မျက်ခမ်းခြောက်ခြင်း၊ ညဘက်တွင် မျက်စိအားနည်းခြင်းတို့ကို ကာကွယ်ပေးပါတယ်။

အစာချေစနစ် ကောင်းမွန်လာခြင်း

သရက်သီးများသည် အမျှင်ဓာတ် ကြွယ်ဝတဲ့သစ်သီးတစ်မျိုးဖြစ်တာကြောင့် အစာချေစနစ်အတွက် အထူးကောင်းမွန်ပါတယ်။ အမျှင်ဓာတ်များသည် ကြီးမားသော အစာမော်လီကျူးများကို ဖြိုကွဲပေးနိုင်တာကြောင့် အစာအာဟာရများကို အလွယ်တကူ စုပ်ယူပေးနိုင်ပါတယ်။ ဒါ့ကြောင့် ဝမ်းချုပ်ခြင်းမှလည်း ကင်းဝေးပြီး ဝမ်းမှန်စေပါတယ်။

သွေးတွင်းသကြားဓာတ်ကို ထိန်းညှိပေးခြင်း

သရက်သီး စားသုံးခြင်းသည် သွေးတွင်းကလူးကို့စ်ဓာတ်ကို လျော့ချပေးနိုင်ပါတယ်။ သရက်သီးသည် ချိုပေမယ့်လည်း ဆီးချိုသမားများအတွက်တော့ အကောင်းဆုံး သစ်သီးတစ်မျိုးပါ။ ဒါ့ကြောင့် ဆီးချိုသမားများအနေနဲ့ သရက်သီးကို ပုံမှန်မှီဝဲသင့်ပါတယ်။

ဆံကေသာ ကျန်းမာရေးအတွက် အထူးကောင်းမွန်ခြင်း

သရက်သီးထဲတွင် ဗီတာမင်အေနှင့် ဗီတာမင်စီဓာတ်များ ကြွယ်ဝစွာပါဝင်ပါတယ်။ ဒါ့ကြောင့် မှန်မှန်စားသုံးပေးပါက ဆံကေသာ အရှည်မြန်စေပြီး ဆံပင်အစိုဓာတ်ကို ထိန်းသိမ်းပေးပါတယ်။ ဆံကေသာ ကျိုးကြေပျက်စီးခြင်း၊ ဆံပင်ကျွတ်ခြင်းတို့မှလည်း ကာကွယ်ပေးပါတယ်။

Source: Brightside.me