ကမ္ဘာပေါ်တွင် ပလတ်စတစ်စွန့်ပစ်ပစ္စည်းများသည် မရေမတွက်နိုင်အောင် များပြားလွန်းလှပြီး ထိုပလတ်စတစ်စွန့်ပစ်ပစ္စည်းများသည် နှစ်ပေါင်းအတော်ကြာသည်အထိ မပျက်မစီးမဆွေးမမြည့်ဘဲ သဘာဝပတ်ဝန်းကျင်ကို ဒုက္ခပေးနေတာဖြစ်ပါတယ်။
မကြာသေးမှီကမှ ပြုလုပ်ထားတဲ့ စမ်းသပ်ချက်အရ ပင်လယ်ထဲတွင် စွန့်ပစ်ပလတ်စတစ်အမှိုက်များ ၈၅ ရာခိုင်နှုန်းခန့် စုပုံနေကြောင်း သိရှိရပါတယ်။ ထိုပလပ်စတစ်အမှိုက်များကြောင့် ရေနေသတ္တဝါများရဲ့အသက် မဆုံးရှုံးသင့်ဘဲ ဆုံးပါးနေကြရပါတယ်။
ထိုအချက်များကြောင့် အချို့ကုမ္ပဏီများသည် သဘာဝပတ်ဝန်းကျင်ထိန်းသိမ်းရာရောက်အောင် ပလတ်စတစ်ထုတ်ကုန်များကို လျော့ချကာ Eco-Friendly ထုတ်ကုန်များကို အစားထိုးထုတ်လုပ်လာကြပါတယ်။ ထိုထဲတွင် ယောကျာ်းများအတွက် မရှိမဖြစ်လိုအပ်တဲ့ မုတ်ဆိတ်ရိတ်စက်များလည်း တစ်ခုအပါအဝင်ဖြစ်ပါတယ်။
သင်သည်လည်း သဘာဝပတ်ဝန်းကျင်ထိခိုက်မှုကို လျော့ပါးသက်သာချင်တယ်ဆိုရင်တော့ ဘယ်မုတ်ဆိတ်ရိတ်တံတွေက ပလတ်စတစ်မပါဘဲ သဘာဝကုန်ကြမ်းများနှင့်သာ ထုတ်လုပ်ထားသလဲဆိုတာကို သိဖို့တော့ လိုပါလိမ့်မယ်။
AkHippy
ဒီမုတ်ဆိတ်ရိတ်တံသည် ၄ ဒေါ်လာပဲ ကုန်ကျမှာဖြစ်ပါတယ်။ အလက်စကာရှိ ကုမ္ပဏီက ထုတ်လုပ်တာဖြစ်ပြီး ဘလိတ်ဓားသွားကတော့ ဆွီဒင်နိုင်ငံထုတ် Stainless Steel ကို အသုံးပြုထားတာ ဖြစ်ပါတယ်။ လက်ကိုင်နဲ့ ဘလိတ်ဓားအိမ်ကိုတော့ ဂျုံပင်ကရရှိတဲ့ မာကျောကျစ်လျစ်တဲ့ ဂျုံရိုးနဲ့ ပြုလုပ်ထားတာဖြစ်ပါတယ်။
Schick Xtreme 3 Eco Glide
ဒီတံဆိပ်ကတော့ စွန့်ပစ်ပလပ်စတစ်ကို ပြန်လည်အသုံးပြုကာ ထုတ်လုပ်ထားတဲ့ မုတ်ဆိတ်ရိတ်တံပဲဖြစ်ပါတယ်။ သူ့ရဲ့ထုတ်ကုန်သည် ပြန်လည်အသုံးပြုနိုင်တဲ့ Recycled ပလပ်စတစ်များဖြင့် ရာနှုန်းပြည့် အသုံပြုထားတာဖြစ်ပါတယ်။ ပစ္စည်းထုတ်ပိုးတာကအစ Recycled ပလပ်စတစ်နဲ့ အသုံးပြုထားတာဖြစ်ပါတယ်။ ဈေးနှုန်းကတော့ ၈ ဒေါ်လာပါ။
Shavegreen Bioshave
ဓားသွားရာ ၃ ခု ပါဝင်ပြီး လက်ကိုင်နဲ့ ဘလိတ်ဓားအိမ်ကအစ အပင်ကရရှိတဲ့ ကုန်ကြမ်းများနဲ့ ပြုလုပ်ထားတာဖြစ်ပါတယ်။ ဘလိတ်ဓားကိုတော့ သံချေးမကိုက်စေမယ့် စတီးလ်နဲ့ ပြုလုပ်ထားတာဖြစ်ပါတယ်။ ဈေးနှုန်းကတော့ ၁၈ ဒေါ်လာ ပေးဝယ်ရမှာဖြစ်ပါတယ်။
Cartridge Razors
ဒီမုတ်ဆိတ်ရိတ်ဂျုတ်ကတော့ လက်ကိုင်အစ ထုတ်ပိုးမှုအဆုံး သဘာဝပတ်ဝန်းကျင်မထိခိုက်စေမယ့် ကုန်ကြမ်းများနဲ့ ထုတ်လုပ်ထားတာဖြစ်ပါတယ်။ တန်ဖိုးကတော့ ဒေါ်လာ ၂၀ ပေးချေရမှာဖြစ်ပါတယ်။
Preserve Shave
သူကတော့ လက်ကိုင်အရောင် (၆) မျိုးနဲ့လာပြီး မိမိနှစ်သက်ရာကို ရွေးချယ်ဝယ်ယူနိုင်ပါတယ်။ တစ်ခုဝယ်ယူပါက Refill ပြန်လည်ပြုလုပ်နိုင်မယ့် ဘလိတ်ဓားအိမ် (၅) ခု ပါဝင်တာဖြစ်ပါတယ်။ ဘလိတ်ဓားအိမ်ကိုတော့ ပြန်လည်အသုံးပြုလို့မရပေမယ့် လက်ကိုင်ကိုတော့ Recycle ပြန်လုပ်နိုင်ပါတယ်။ ဈေးနှုန်းကတော့ ၁၃ ဒေါ်လာ ပေးချေရမှာဖြစ်ပါတယ်။
Bulldog
သူ့တန်ဖိုးကတော့ ဒေါ်လာ ၂၀ ရှိပါတယ်။ သူသည်လည်းပဲ Refill ထပ်လုပ်လို့ရမယ့် ဘလိတ်ဓားအိမ် (၅) ခုပါဝင်ပါတယ်။ သူ့ရဲ့လက်ကိုင်ကတော့ ဘီယာဘူးကို ပြန်လည်အသုံးပြုကာ ထုတ်လုပ်ထားတာဖြစ်ပါတယ်။ အရောင်ကတော့ အစိမ်းရောင်လက်ကိုင်နှင့် အပြာရောင်လက်ကိုင်ဆိုပြီး နှစ်မျိုး ထုတ်လုပ်ထားပါတယ်။
Source: Themanual.com
Featured Image Source: The Telegraph