ကားချစ်သူယောကျာ်းများအတွက် ကမ္ဘာ့အကောင်းဆုံး လျှပ်စစ်ကားများနှင့် သူတို့ရဲ့ဒီဇိုင်းများ

နည်းပညာများ တစ်စထက်တစ်စ တိုးတက်ထွန်းကားလာသည်နှင့်အမျှ တီထွင်ဖန်တီးမှုများသည်လည်း တစ်စထက်တစ်စ သစ်လွင်ကောင်းမွန်လာပါတယ်။ ထိုတီထွင်မှုများထဲမှာ လျှပ်စစ်ကားသည်လည်း တစ်ခုအပါအဝင်ပဲဖြစ်ပါတယ်။

လွန်ခဲ့တဲ့ နှစ်အနည်းငယ်တုန်းကထိ လျှပ်စစ်ကားကို ပုံတုံးတုံးနဲ့ လူကြိုက်နည်းတဲ့လျှပ်စစ်ကားမျိုးကိုသာ တီထွင်နိုင်ခဲ့ပေမယ့် ယခုအခါမှာတော့ ဇိမ်ခံကားများရဲ့ဒီဇိုင်းများနည်းတူ ဖန်တီးထုတ်လုပ်နိုင်လာကြပါပြီ။

ဒီဇိုင်းအမျိုးမျိုးနဲ့ လှပခံ့ညားတဲ့ လျှပ်စစ်ကားဘရန်းများ အများအပြားရှိတဲ့အနက် ကမ္ဘာ့အကောင်းဆုံးလျှပ်စစ်ကားများကို ဖော်ပြပေးချင်ပါတယ်။ ကားချစ်သူများအားလုံးလည်း ဒီဇိုင်းတွေကို ကြည့်ရင်းနဲ့ ဝယ်ချင်စိတ်များတဖွားဖွားပေါ်ပေါက်လာမှာတော့ အသေအချာပါပဲ။

Mercedes-Benz EQC

ဒီလိုဒီဇိုင်းမျိုးကို ကြိုက်နှစ်သက်တယ်ဆိုရင်တော့ သင့်အနေနဲ့ အနည်းဆုံး ပေါင် ၇၀၀၀၀ ခန့် အသုံးပြုရမှာဖြစ်ပါတယ်။ စမ်းသပ်မောင်းနှစ်ခြင်းများအရလည်း သူ့ရဲ့ဘက်ထရီသည် အကြမ်းခံတယ်လို့ သိရှိရပါတယ်။

Jaguar I-Pace

ပထမဦးဆုံးဇီမ်ခံလျှပ်စစ်ကားလို့ ပြောရင်လည်း မမှားပါဘူး။ သင့်အနေနဲ့ အပြာရောင်လေးကို ကြိုက်နှစ်သက်တယ်ဆိုရင်တော့ ဒီဒီဇိုင်းလေးက ဝယ်သင့်တယ်လို့ပြောရမှာပါပဲ။

Ford Mustang Mach-E

နန်းဆန်ပြီး ခမ်းနားလှပတဲ့အရောင်မျိုး ကြိုက်နှစ်သက်တယ်ဆိုရင်တော့ ဒီတံဆိပ်ကို ရွေးချယ်သင့်ပါတယ်။ ဈေးနှုန်းကတော့ ပေါင် ၄၀၀၀၀ ကနေ ၄၇၀၀၀ အထိရှိပါတယ်။

Tesla Model S

ဒီတံဆိပ်ကိုတော့ ပေါင် ၈၀၀၀၀ ကနေ စတင်ဝယ်ယူနိုင်မှာဖြစ်ပြီး Model S သည် ဇိမ်ခံလျှပ်စစ်ကားများအားလုံးထဲတွင် ဘက်ထရီအကောင်းဆုံးဇိမ်ခံလျှပ်စစ်ကားလို့တောင် ပြောလို့ရပါတယ်။