အပြေးလေ့ကျင့်ခန်းဟာ သက်လုံကောင်းပြီး နှလုံးကျန်းမာရေးအတွက် အထောက်အကူပြုပါတယ်။ စိတ်နဲ့ ကိုယ်ရဲ့ ကျန်းမာမှုကို အထောက်အကူပြုတဲ့ အပြေးလေ့ကျင့်ခန်းကို လုပ်တော့မယ်ဆိုရင် ဒီအချက်ကလေးတွေလည်း သိထားဖို့ လိုပါတယ်။
(၁) Running Shoes ပဲ စီးပါ
Photo: Unsplash
ခြေညှပ်ဖိနပ်နဲ့ ပြေးဖို့ မစဉ်းစားပါနဲ့။ အပြေးဖိနပ် သက်သက် ဝယ်ပါ။ တကယ်လို့ ကိုယ့်မှာ ရှိနေတဲ့ အပြေးဖိနပ်က ပေါက်ပြဲနေပြီဆိုရင် အသစ်သာ လဲလိုက်ပါ။ Shoes အများစုဟာ မိုင် ၅၀-၆၀ လောက် ပြေးပြီးရင် သိပ်မကောင်းတော့တာ များပါတယ်။ အကောင်းဆုံးက အခုမှ ပြေးမယ့်သူဟာ သက်တောင့်သက်သာရှိပြီး ဝေးဝေးပြေးနိုင်ဖို့အတွက် အရည်အသွေးကောင်းတဲ့ အပြေးဖိနပ်တစ်ရံသာ ကြိုဝယ်ထားသင့်ပါတယ်။
(၂) ရေဓါတ်ဖြည့်ပါ။ သိပ်တော့ မများပါစေနဲ့
Photo: Freepik
အခုမှ စပြီး အပြေးလေ့ကျင့်သူအတော်များများဟာ ခဏလေးနဲ့ ရေဓါတ်ဆုံးရှုံးလေ့ရှိကြပါတယ်။ ချွေးတွေ တရစပ်ထွက် တစ်ကိုယ်လုံးက အပူချိန်မြင့်မားနေပြီး ရေလည်း တအားငတ်နေတတ်ပါတယ်။ ဒီတော့ ရေဗူးလေး ဆောင်ထားရင် ရေဓါတ်ဆုံးရှုံးမှု သက်သာပါမယ်။ အရမ်းကြီး သောက်ပစ်ရင်လည်း ဗိုက်အောင့်သွားပါလိမ့်မယ်။
(၃) အဖော်လေးနဲ့ ပြေးပါ
Photo: Freepik
တစ်ယောက်တည်း ပြေးရင် သိပ်ဝေးဝေးပြေးချင်မှာ မဟုတ်ပါဘူး။ လွယ်လွယ်လေးနဲ့ လက်လျှော့ချင်စိတ်လည်း ဖြစ်ပါလိမ့်မယ်။ သူငယ်ချင်းနဲ့ အတူတူ ပြေးမယ်ဆိုရင် ပြေးရတာလည်း ပျော်စရာပိုကောင်းလာမှာ ဖြစ်သလို မောရကောင်းမှန်းလည်း သိမှာ မဟုတ်ပါဘူး ။ ပုံမှန်လည်း ပြေးဖြစ်ဖို့ များမှာပါ။
(၄) ကိုယ့်ကိုယ်ကိုယ် အချိန်ပေးပါ
Photo: Freepik
စစချင်း ပြေးတဲ့သူတစ်ယောက်အတွက် စိတ်ရှည်မှုနဲ့ အချိန်ပေးဖို့ လိုပါတယ်။ အပြေးပြိုင်ဖို့အတွက် လေ့ကျင့်နေတာမှ မဟုတ်ရင် ကိုယ့်ကိုယ်ကိုယ် တအားကြီး နာအောင် မခိုင်းပါနဲ့။ လက်တွေ့ကျတဲ့ ပန်းတိုင်လေးတွေ ချပါ။
ဥပမာ- တစ်နေ့ကို ၁ မိုင်ပြေးမယ်။ တစ်ပတ်ကို တစ်မိုင်နှုန်းပြေးပြီး နောက်မှ တိုးတိုးသွားတာမျိုး လုပ်သင့်ပါတယ်။ ဒါဆိုရင် အမောအပန်းလည်း သက်သာ ၊ ခံနိုင်ရည်လည်း မြင့်လာပြီး များများနဲ့ မြန်မြန်လည်း ပြေးလာနိုင်မှာ ဖြစ်ပါတယ်။
