Smoothie ဖျော်ရည်များသည် ဗီတာမင် သတ္တုဓာတ်များနှင့် အာဟာရဓာတ်များ စုံလင်ကြွယ်ဝစွာပါဝင်တဲ့အတွက်ကြောင့် မနက်ခင်းနိုးထလာချိန်မှာ သောက်သုံးသင့်တဲ့ မနက်စာတစ်ခုပဲဖြစ်ပါတယ်။ အထူးသဖြင့် ဝိတ်ချချင်တဲ့ ယောကျာ်းများအတွက် Smoothies ဖျော်ရည်များသည် အရွေးချယ်သင့်ဆုံး မနက်စာတစ်ခုပါ။
ဘယ်လို Smoothies မျိုးကို ဖျော်သောက်ရမလဲဆိုတာကို ဆက်လေ့လာကြည့်လိုက်ရအောင်။
သကြားမုန်လာနှင့် လိမ္မော်သီးဖျော်ရည်
သကြားမုန်လာ ၁ လုံးကို အတုံးသေးသေး တုံးထားပါ။ လိမ္မော်သီး ၁ လုံးကိုလည်း အခွံခွာကာ အမြွှာလိုက် ခွာထားပါ။ ထို့နောက် ဂျင်း အနည်းငယ်ကို လက်ဖက်ရည်ဇွန်း ၁ ဇွန်းစာခန့် ရရှိအောင် ပါးပါးလှီးထားပါ။ လိမ္မော်ရည် စားပွဲတင်ဇွန်း ၁၆ ဇွန်းခန့်လည်း လိုအပ်ပါလိမ့်မယ်။ ရေခဲတုံး နှစ်သက်ပါက ရေခဲတုံးအနည်းငယ် ထည့်ပါ။
ထိုပါဝင်ပစ္စည်းများအားလုံးကို ဖျော်စက်ထဲထည့်ပြီး သမအောင် ဖျော်ပေးလိုက်ပါ။ ရရှိလာတဲ့ဖျော်ရည်ကို အရသာရှိရှိသောက်သုံးလိုက်ပါ။ ဒီဖျော်ရည်သည် ဝိတ်ကျစေရုံသာမကဘဲ ကိုယ်ခံစွမ်းအားကိုလည်း မြှင့်တင်ပေးနိုင်ပါသေးတယ်။
ထောပတ်သီး Smoothie
ထောပတ်သီး တစ်ခြမ်းကို အသားများ ခပ်ထုတ်ထားပါ။ ပရိုတင်းအမှုန့် စားပွဲတင်ဇွန်း ၁ ဇွန်း လိုအပ်ပါမယ်။ ဟင်းနုနွယ်အနည်းငယ်၊ နွားနို့ စားပွဲတင်ဇွန်း ၁၆ ဇွန်းတို့ လိုအပ်ပါလိမ့်မယ်။
ပါဝင်ပစ္စည်းများကို ဖျော်စက်ထဲထည့်ကာ သမအောင် ဖျော်လိုက်ပါ။ ထို့နောက် ဖန်ခွက်ထဲထည့်ကာ အရသာရှိရှိ သောက်သုံးနိုင်ပါပြီ။
ငှက်ပျောသီးနှင့် ရွှေဖရုံသီးဖျော်ရည်
ငှက်ပျောသွး ၁ လုံး၊ ရွှေဖရုံသီးအနှစ် အနည်းငယ်၊ ရွှေဖရုံသီးအတုံး အနည်းငယ်၊ အယ်လ်မွန်နို့ စားပွဲတင်ဇွန်း ၁၆ ဇွန်းနှင့် ရေခဲတုံးကြိုက်ပါက ရေခဲတုံးအနည်းငယ် ထည့်နိုင်ပါတယ်။
ပါဝင်ပစ္စည်းများအားလုံးကို ဖျော်စက်ထဲထည့်ကာ သမအောင် ဖျော်လိုက်ပါ။ ရရှိလာတဲ့ဖျော်ရည်ကို မနက်ခင်းအချိန်အခါမှာ ဝိတ်ချဖို့အတွက် သောက်သုံးနိုင်ပါပြီ။
Source: Eatthis.com
Featured Image Source: Freepik.com