New Year ပါတီမှာပေါ့ပေါ့ပါးပါးနဲ့ Chill ချင်တဲ့ ကွီးတို့အတွက် ဗော့ဒ်ကာကော့တေး လ်တွေက တကယ့်ကို အလိုက်ဖက်ဆုံးဖြစ်ပါတယ်။ ရာသီဥတုနဲ့လည်း ကိုက်ညီမှုရှိပြီး ယောကျာ်းလေးတွေရော မိန်းကလေးတွေအတွက်ပါ သင့်တော်တဲ့အဖျော်ယမကာပဲ ဖြစ်ပါတယ်။ ကဲဒါဆိုရင်တော့ အိမ်မှာပဲ လွယ်လွယ်ကူကူဖျော်စပ်သောက်နိုင်မယ့် ဗော့ဒ်ကာကော့တေးလ် ဖျော်နည်းလေးတွေကို ကြည့်လိုက်ရအောင်ပါ။
(၁) Bloody Mary
Photo : The Manual
ပါဝင်ပစ္စည်းများ
- ဗော့ဒ်ကာ ၂ အောင်စ
- ခရမ်းချဉ်သီးဆော့စ် ၅ အောင်စ
- ငရုပ်ဆီ ၁ စက်
- Worcestershire ဆောစ့် ၂-၃ စက်
- သံပုရာသီး ၂ စိပ်
- သံပုရိုသီး ၁ စိပ်
- Celery salt အနည်းငယ်
- ငရုပ်ကောင်း အနည်းငယ်
- တရုတ်နံနံကြီး ၁ ချောင်း
ပြုလုပ်နည်းအဆင့်ဆင့်
အရင်ဆုံး Shaker ထဲမှာ သံပုရာသီး / သံပုရိုသီးတို့ကို ရေခဲနဲ့ရောထည့်ပြီး ရှိတ် ပေးပါ။ ထို့နောက် ကျန်ပါဝင် ပစ္စည်းအားလုံးကို ရောထည့်ပြီး သမအောင်ရှိတ်ပေးရပါမယ်။ ပြီးရင်တော့ ဖန်ခွက်အရှည်တစ်လုံးထဲကို ရေခဲအရင်ထည့်ပြီး ရှိတ်ထားတဲ့ ကော့တေးလ်ကို ဖြေးဖြေးချင်းလောင်းထည့်ပါ။ တရုတ်နံနံကြီးနဲ့ သံပုရာသီးကို အလှဆင်ပြီး အရသာအနည်းငယ် ချဉ်ပြုံးပြုံးနဲ့စပ်ပြင်းပြင်း အမိုက်စား ဗော့ကာကော့တေးလ်ကို သောက်သုံးနိုင်ပြီပဲ ဖြစ်ပါတယ်။
(၂) Vodka Martini
Photo : The Manual
ပါဝင်ပစ္စည်းများ
- ဗော့ဒ်ကာ ၃ အောင်စ
- Dry vermouth ၁ အောင်စ
- သံပုရိုသီးအခွံ အနည်းငယ်
- သံလွင်သီး ဆားရည်စိမ်
ပြုလုပ်နည်းအဆင့်ဆင့်
Vodka Martini လုပ်နည်းကတော့ အရမ်းကိုလွယ်ကိုပါတယ်။ ရေခဲ ၊ ဗော့ဒ်ကာ နဲ့ Dry vermouth တို့ကို Shaker ထဲ သမအောင် ရှိတ်ပေးရမှာ ဖြစ်ပါတယ်။ ထို့နောက် ရေခဲထည့်ထားတဲ့ ဖန်ခွက်ထဲကို ရှိတ်ထားတဲ့ ဗော့ကာကော့တေးလ်ကိုလောင်းထည့်ပြီး သံပုရိုသီးအခွံ / သံလွင်သီးတို့နဲ့ အလှဆင်ပြီး အသင့်သောက်သုံးနိုင်ပြီပဲ ဖြစ်ပါတယ်။
(၃) Moscow Mule
Photo : The Manual
ပါဝင်ပစ္စည်းများ
- ဗော့ဒ်ကာ ၅ အောင်စ
- Ginger beer ၄ အောင်စ
- သံပုရာရည် ၂၅ အောင်စ
- သံပုရာကွင်း ၁ ကွင်း
- ပူစီနံ
ပြုလုပ်နည်းအဆင့်ဆင့်
Moscow Mule ကော့တေးလ်ရဲ့ ထူးခြားချက်ကတော့ ကြေးနီခွက်ကိုအသုံးပြုရမှာဖြစ်ပါတယ်။ အရင်ဆုံး ကြေးနီခွက်ထဲကို ရေခဲထည့်ပါ။ ထို့နောက် ဗော့ဒ်ကာ ၊ Ginger beer ၊ သံပုရာရည် တို့ကိုရောထည့်ပြီး သမအောင်မွှေပေးရပါမယ်။ ပြီးရင်တော့ အကွင်းလိုက်လှီးဖြတ်ထားတဲ့ သံပုရာကွင်းနဲ့ ပူစီနံရွက်တို့ကိုအလှဆင်ပြီး စတင်သောက်သုံးနိုင်ပြီပဲ ဖြစ်ပါတယ်။
(၄) Vodka Gimlet
Photo : The Manual
ပါဝင်ပစ္စည်းများ
- ဗော့ဒ်ကာ ၂ အောင်စ
- Rose’s lime juice ၂ ဇွန်း
- သံပုရာသီး ၁ ခြမ်း
- ရေခဲ
ပြုလုပ်နည်းအဆင့်ဆင့်
ပါဝင်ပစ္စည်းအားလုံးကို Shaker ထဲ သမအောင် ရှိတ်ပေးရမှာ ဖြစ်ပါတယ်။ ထို့နောက် ရေခဲထည့်ထားတဲ့ ဖန်ခွက်ထဲကို ရှိတ်ထားတဲ့ ကော့တေးလ်လောင်းထည့်ပြီး အသင့်သောက်သုံးလို့ရပြီပဲ ဖြစ်ပါတယ်။
Featured Photo : The Daily Meal