အားကစားလုပ်မယ်ဆိုရင် အာဟာရဟာ သိပ်ကို အရေးကြီးပါတယ်။ သက်လုံကောင်းပြီး ကြံ့ခိုင်ချင်လို့ပဲ ဖြစ်ဖြစ် Six-Pack နဲ့ အမိုက်စားဘော်ဒီ ပိုင်ချင်လို့ပဲ ဖြစ်ဖြစ် အားကစားလုပ်ရာမှာ အစားအသောက်ကိုလည်း အလေးထားဖို့ လိုပါတယ်။
မှန်ကန်တဲ့အစားအသောက် စားပေးမယ်ဆိုရင် ကိုယ်တွင်းစွမ်းအင်တက်ပြီး ကြွက်သားတွေ ကျန်းမာရေးအတွက် စိတ်ချရမှာပါ။ ဒီလိုပါပဲ တစ်ချို့ အစားအသောက်တွေကိုတော့ အားကစားလုပ်သူတွေအနေနဲ့ မဖြစ်မနေ ရှောင်ကြဉ်ဖို့လည်း လိုပါတယ်။
(၁) Diet Soda
Photo: Vox
Diet Soda ရဲ့ ပြဿနာက ဝိတ်တက်ကပြီး ကျန်းမာရေး ထိခိုက်နိုင်စေတာပါပဲ။ သဘာဝအတိုင်းမဟုတ်ဘဲ ပြုပြင် စီမံထားတဲ့အချိုစာ Sweetened Foods တွေဟာ အဆီသိုလှောင်တဲ့ အင်ဆူလင်ဟိုမွန်းတွေ ပိုထုတ်ပေးပါတယ်။ အချိုရည်တွေနဲ့ Diet Soda ဟာ ကျန်းမာရေးနဲ့ မညီကြောင်းကို သုတေသနတွေက ဖော်ပြထားပြီးသားပါ။
Purdue တက္ကသိုလ်ရဲ့ လေ့လာမှုအရ တစ်နေ့ကို Diet Soda တစ်ဗူးသောက်သူဟာ နှလုံးရောဂါ ၊ သွေးတိုး ၊ ဆီးချိုနဲ့ သွေးခုန်နှုန်းမြင့်တဲ့ ဝေဒနာတွေ ဖြစ်ဖို့ အလားအလာမြင့်တယ်လို့ ဆိုပါတယ်။
(၂) ပေါက်ပေါက်
Photo: Unsplash
ရုပ်ရှင်ရုံထဲမှာပဲ စားလို့ကောင်းပါတယ်။ အားကစားလုပ်သူတွေအတွက် မိုက်ခရိုဝေ့ဖ်ထဲ ထည့်ဖုတ်တဲ့ popcorn တွေဟာ အာဟာရလည်း မဖြစ်သလို ကျန်းမာရေးနဲ့လည်း မညီညွတ်ပါဘူး။
(၃) Sports Drinks
Photo: atowndental
ရေဓါတ်ဖြည့် အချိုရည်ဆိုတဲ့ Electrolyte တွေမှာ များသောအားဖြင့် သကြားဓါတ် ၃၄ ဂရမ်အထိ ပါပါတယ်။ အားကစားလုပ်သူတွေအနေနဲ့ ရေဓါတ်မဆုံးရှုံးစေဖို့ ရိုးရိုးရေသောက်တာ နဲ့ အုန်းရည်လို သဘာဝသစ်သီးဖျော်ရည်ပဲ သောက်သုံးသင့်ပါတယ်။
(၄) အာဟာရမုန့်ချောင်း
Photo: Bustle
ပရိုတိန်းချောင်းတွေ စားတာဟာ Muscle တက်ဖို့ အကြမ်းပတမ်းကစားနေချိန်အတွက် အထောက်အကူဖြစ်ပါတယ်။ ပေါ့ပေါ့ပါးပါး Light Workout ကစားချိန် စားရင်တော့ အလကား ဖြစ်ရုံတင်မဟုတ်ဘဲ ဝိတ်ပါ တက်ဖို့ လွယ်ပါတယ်။ အာဟာရနဲ့ အဆာပြေမုန့်ချောင်းတွေဟာ ပြည့်ဝဆီများပြီး Sugar Bombs လို့ခေါ်ကြတဲ့ သစ်သီးခြောက်တွေ ချောကလက်တွေပါ ပါတာ ဖြစ်လို့ ရှောင်သင့်ပါတယ်။
(၅) အရက်
Photo: Discovery Institute
အရက်ဟာ ရုပ်ပိုင်းသန်စွမ်းမှုကို တရိရိနဲ့ ဖြိုဖျက်တဲ့ အရာပါ။ ကြွက်သားဒဏ်တွေ ပြန်ကောင်းဖို့ နှေးစေသလို ကြံ့ခိုင်မှုလည်း ကျဆင်းစေပါတယ်။ ရေဓါတ်လည်း ခန်းခြောက်စေပြီး ကိုယ်ခံအားစနစ်ကို အားနည်းစေလို့ နာဖျားမှုနဲ့ ထိခိုက်ခြင်းတွေ ဖြစ်နိုင်ခြေလည်း များပါတယ်။
