လူတိုင်းကတော့ အမှားနဲ့ မကင်းကြပါဘူး။ ဒါပေမယ့် တစ်ချို့အမှားတွေက သင့်ရဲ့ Relationship အပေါ် ဆိုးဆိုးရွှားရွှားအကျိုးသက်ရောက်မှုတွေဖြစ်သွားစေတယ်ဆိုတာကိုတော့ သတိပြုသင့်ပါတယ်။ ဘယ်လိုအမှားတွေလဲဆိုတာ ဆောင်းပါးလေးကိုဆက်ဖတ်ကြည့်လိုက်ပါအုန်း။
(၁) ပြောင်းလဲဖို့ကြိုးစားခြင်း
Photo : freepik
လူတစ်ယောက်ကိုပြောင်းလဲပစ်ဖို့ဆိုတာ လွယ်ကူတဲ့ကိစ္စတစ်ခုမဟုတ်ပါဘူး။ ကိုယ့်ချစ်သူရဲ့ ဖြစ်တည်မှုကိုလက်ခံပြီး ချစ်ပေးနိုင်ရင် ချစ်ပေးလိုက်ပါ။ ကိုယ်လိုချင်တဲ့ ပုံစံအတိုင်း အတင်းလုပ်ယူဖို့ ပြောင်းလဲဖို့ ကြိုးစားရင်တော့ အဆုံးသတ်အချိန်တွေကိုရောက်သွားနိုင်ပါတယ်။
(၂) နှိုင်းယှဉ်ခြင်း
Photo : freepik
တခြားသူတွေနဲ့ နှိုင်းယှဉ်ခြင်းဟာ တစ်ယောက်ကိုတစ်ယောက် အမုန်းတွေပွားပြီး နာကျည်းမှုတွေဖြစ်လာရုံမှအပ ကောင်းကျိုးမရှိနိုင်ပါဘူး။ ကိုယ့် Relationship ရဲ့လိုအပ်ချက်ကို နှစ်ဦးသားကိုယ်တိုင်ပဲ ညှိနှိုင်းပြီး အကောင်းဆုံးရလဒ်ဖြစ်အောင် အဖြေရှာသင့်တာပါ။
(၃) ချုပ်ခြယ်ခြင်း
Photo : freepik
Relationship တစ်ခုမှာလူတစ်ယောက်ရဲ့ လုပ်ပိုင်ခွင့်နဲ့ လွတ်လပ်မှုတွေကို လုံးဝမပိတ်ပင်မိပါစေနဲ့။ ဘယ်သူငယ်ချင်းနဲ့မတွေ့ရဘူး။ ဘယ်မသွားရဘူး အချိန်တိုင်းကိုယ်နဲ့ပဲ ဆက်သွယ်နေရမယ် စသည်ဖြင့် ပိတ်ပင်မှုတွေကိုရှောင်ကျဉ်သင့်ပါတယ်။ ဖြစ်နိုင်ရင် တစ်ယောက်နဲ့တစ်ယောက် သီးသန့်ကိုယ်ပိုင်အချိန်လေးတစ်ခုထားပါ။
(၄) လိမ်ညာခြင်း
Photo : freepik
သေးသေးမွှားမွှားကိစ္စလေးတွေကအစ မကြာခဏလိမ်ပြောနေမိမယ်ဆိုရင် တစ်ဖက်လူရဲ့ စိတ်ထဲမှာ သံသရတွေကြီးထွားလာနိုင်ပြီး မလိုလားတဲ့ ပြဿနာတွေဖြစ်လာနိုင်ပါတယ်။ ဘာပဲဖြစ်ဖြစ်ပွင့်ပွင့်လင်းလင်းပြောပြတိုင်ပင်ပါ။ ခွင့်တောင်းဖို့ (သို့) အသိပေးဖို့ကိစ္စကြုံလာရင် ကြိုတင်ပြီးပြောပြပါ။ လွယ်လွယ်လေးလိမ်လိုက်တာမျိုးကို လုံးဝရှောင်ကျဉ်ဖို့ အကြံပြုချင်ပါတယ်။
