လမ်းမပျောက်အောင် ကူညီပေးမယ်လို့အဓိပ္ပာယ်ရတဲ့ သံလိုက်အိမ်မြှောင်ပုံတက်တူးများ

တက်တူးထိုးခြင်းက အရေပြားပေါ်မှာထိုးထွင်းရတဲ့ ပန်းချီအနုပညာတစ်ရပ်ပဲဖြစ်ပါတယ်။ တက်တူးချစ်သူတစ်ယောက်က တက်တူးထိုးတော့မယ်လို့ စိတ်ပိုင်းဖြတ်ထားတယ်ဆိုရင် လေ့လာချက်တွေ အများကြီးပြုလုပ်ထားသင့်ပါတယ်။

ဘယ်လိုပုံတက်တူးထိုးချင်တာလဲဆိုပြီး ကိုယ့်ကိုယ်ကို အရင်ဆုံးပြန်မေးရပါမယ်။ ရှိသမျှတက်တူးဒီဇိုင်းတွေ အကုန်လုံးကို လေ့လာထားရပါမယ်။ ဘယ်ပုံကိုတော့ အကြိုက်ဆုံးဖြစ်သလဲ၊ ကိုယ့်အရေပြားမှာ တစ်သက်လုံးထိုးထားချင်ရဲ့လား၊ ဘယ်လိုအဓိပ္ပာယ်မျိုးနဲ့ ထိုးချင်တာလဲ စတဲ့ခိုင်လုံတဲ့အကြောင်းပြချက်တွေ ရှိရပါမယ်။

ကိုယ့်အရေပြားမှာ တစ်သက်လုံးထိုးထားရမှာဆိုတော့ ကိုယ့်အကြိုက်ဆုံးဒီဇိုင်းကို သေချာရွေးချယ်ရမှာပါ။ မကြိုက်တော့လို့ဆိုပြီး ခဲဖျက်လို့ဖျက်လို့ရတဲ့မှင်အမျိုးအစားမဟုတ်ပါဘူး။ တက်တူးထိုးပြီးသွားတဲ့အခါမှာလည်း ဘယ်လိုထိန်းသိမ်းစောင့်ရှောက်မှုတွေ ပြုလုပ်ရမလဲဆိုတာကို တက်တူးပညာရှင်လမ်းညွှန်တဲ့အတိုင်း တစ်သဝေမတိမ်းပြုလုပ်ပေးသင့်ပါတယ်။ ဒီလိုအခြေခံအချက်လေးတွေသိပြီဆိုရင်တော့ တက်တူးထိုးလို့ရပါပြီ။

တက်တူးချစ်သူတွေအတွက် ဒီတစ်ခါမှာဖော်ပြပေးမယ့် တက်တူးဒီဇိုင်းတွေကတော့ သံလိုက်အိမ်မြှောင်ပုံတက်တူးဒီဇိုင်းတွေပဲဖြစ်ပါတယ်။ ရာစုနှစ်အစောပိုင်းတုန်းက သံလိုက်အိမ်မြှောင်တက်တူးရေးထိုးရခြင်းရဲ့ အဓိပ္ပာယ်ကတော့ မိမိရဲ့နေရပ်ငှာနေ၊ မိမိရဲ့အိမ်ကို ဘေးမသီရန်မခဘဲ ပြန်လည်ရောက်ရှိစေဖို့အတွက် ရည်ရွယ်တာပါ။ ရေလမ်းခရီးဖြင့် ခရီးဝေးသွားရတဲ့သူတွေက ထိုတက်တူးမျိုးကိုရေးထိုးလေ့ရှိကြပါတယ်။ ဒါမှမဟုတ်ရင်လည်း ကိုယ်ချစ်ရတဲ့သူတစ်ယောက်ယောက်က အဆင်ပြေချောမွေ့စွာခရီးသွားလာနိုင်ဖို့အတွက် ရည်ရွယ်ပြီး ရေးထိုးကြသူတွေလည်း ရှိပါတယ်။

အခုနောက်ပိုင်းမှာတော့ သံလိုက်အိမ်မြှောင်တစ်ခုတည်းမဟုတ်တော့ဘဲ နှင်းဆီပန်းပုံ (သို့) ငှက်ပုံလေးတွေနဲ့ အတူတကွတက်တူးထိုးလေ့ရှိပါတယ်။ တချို့သင်္ဘောသားတွေကတော့ သံလိုက်အိမ်မြှောင်ကိုမှ ကျောက်ဆူးပုံနဲ့ တက်တူးထိုးကြပါတယ်။ ဘယ်လိုဒီဇိုင်းပဲ ထိုးထိုးပါ။ ကိုယ့်အတွက် ပြီးပြည့်စုံတဲ့အဓိပ္ပာယ်တစ်ခုရှိနေဖို့ကသာ အဓိကပါ။

တက်တူးထိုးချင်တဲ့ကွီးတွေအတွက် အမိုက်စားသံလိုက်အိမ်မြှောင်ပုံတက်တူးတွေကိုလည်း တစ်ခါတည်း ဝေမျှပေးလိုက်ပါတယ်။