ဆရာဝန်တွေပြောတဲ့ ဝမ်းဗိုက်မှာအဆီပိုတွေစုနေခြင်းရဲ့ အန္တာရာယ်များ

ခန္ဓာကိုယ်ရဲ့ ဘယ်အစိတ်အပိုင်းမှာဖြစ်ဖြစ် အဆီတွေစုလာရင် လူတွေကစိုးရိမ်တက်ကြတယ်။ အထူးသဖြင့် ဝမ်းဗိုက်မှာ အဆီတွေစုလာရင် ပိုပြီးစိုးရိမ်တက်ကြတယ်။ အမျိုးသမီးတစ်ယောက်ရဲ့ ခါးဆိုဒ်က (၃၅) လက်မဖြစ်ရင်၊ အမျိုးသားတစ်ယောက်ရဲ့ ခါးဆိုဒ်က (၄၀) လက်မရှိနေမယ်ဆိုရင် ဝမ်းဗိုက်မှာ အဆီတွေစုနေပြီဆိုတဲ့ သဘောပါပဲ။ ဆရာဝန်တွေရဲ့ ပြေားကြားချက်အရ ဒီလို ဝမ်းဗိုက်မှာ အဆီပိုတွေရှိနေခြင်းက ကျန်းမာရေးအတွက် မကောင်းပါဘူး။

ဆီးချိုဖြစ်နိုင်ခြေမြှင့်မားတယ်

Source: Diet Doctor

အသည်းမှာအဆီတွေဖုံးနေမယ်ဆိုရင် သွေးတွင်းသကြားပါဝင်မူကို စစ်ထုတ်ပေးဖို့ အနှောက်အယှက်ဖြစ်စေပါတယ်။ ဒါက သွေးတွင်းသကြားပါဝင်မှုနှုန်းမြင့်မားလာစေပြီး ဆီးချိုရောဂါကို ဖြစ်စေပါတယ်။

ဇီဝကမ္မဖြစ်စဉ်တွေပျက်စီးလာမယ်

Source: Healthline

ခါးမှာအဆီတွေပိုတွေ စုလာခြင်းက ဇီဝကမ္မဖြစ်စဉ်တွေပျက်စီးလာရခြင်းရဲ့ အကြောင်းအရင်းပါပဲ။ ခါးမှာအဆီပိုတွေ စုနေရင် နှလုံးရောဂါ၊ ဆီးချိုရောဂါ နဲ့ လေဖြတ်ခြင်း စတဲ့ရောဂါတွေ ဖြစ်လွယ်ပါတယ်။

နှလုံးသွေးကြောဆိုင်ရောဂါတွေ ဖြစ်နိုင်ခြေများမယ်

Source: Lifeline24

လေ့လာမှုတွေအရ visceral လို့ခေါ်တဲ့ ဝမ်းဗိုက်အဆီ ဆဲလ်တွေက သွေးကြောတွေကိုကျုံ့သွားစေတဲ့ ပရိုတင်းတစ်မျိုးထုတ်လုပ်ပါတယ်။ ဒါက သွေးတွင်းသကြားပါဝင်မူနှုန်းကို မြှင့်မားစေပါတယ်။ နောက်ဆက်တွဲအနေနဲ့ လေဖြတ်တာနဲ့ နှလုံးရောဂါဖြစ်စေနိုင်ပါတယ်။

စိတ်ဖောက်ပြန်နိုင်ခြေမြင့်မားတယ်

Source: Healthcare in America

လေ့လာမှုတွေအရ ဝမ်းဗိုက်မှာအဆီပိုတွေစုနေခြင်းက ပုံမှန်လူထက် စိတ်ဖောက်ပြန်နိူင်ခြေ (၃) ဆပိုမိုများပြားကြောင်း သိရပါတယ်။

ဒီလိုအန္တရာယ်များတဲ့ ဝမ်းဗိုက်အတွင်းအဆီတွေစုပုံလာခြင်း မရှိရလေအောင် လေ့ကျင့်ခန်းလုပ်ခြင်း၊ အစားအသောက်ကို ကျန်းမာရေးနဲ့ ညီညွတ်စွာစားသုံးခြင်းတွေအပြင် အိပ်ရေးဝဝ အိပ်ခြင်းတို့ကို ဂရုစိုက်ပေးသင့်ပါတယ်။