အလုပ်ခွင်မှာ စွမ်းဆောင်ရည်ကောင်းတဲ့ ဝန်ထမ်းတစ်ယောက်ဖြစ်ချင်ပါသလား။အလုပ်ခွင်မှာအမြဲတမ်းတက်ကြွလန်းဆန်းပြီး စွမ်းဆောင်ရည်ကောင်းဖို့ဆိုတာ လွယ်လွယ်နဲ့တော့ မဖြစ်နိုင်ပါဘူး။ဒါပေမယ့်သင့်အနေနဲ့ အခုပြောပြမယ့် အချက်လေးတွေကိုလုပ်ဆောင်ကြည့်မယ်ဆိုရင်တော့ ဝန်ထမ်းတိုင်း အားကျလေးစားရတဲ့ စွမ်းဆောင်ရည်ကောင်းသူတစ်ယောက်ဖြစ်လာမှာဖြစ်ပါတယ်။
(၁) အလုပ်စားပွဲကိုရှင်းလင်းပါ
Source : www.bayshorestaffing.com
အလုပ်စားပွဲဆိုတာ ဝန်ထမ်းတိုင်းအတွက် အချိန်အများဆုံးနေရတဲ့ နေရာတစ်ခုဖြစ်ပါတယ်။ကိုယ့်ရဲ့ အလုပ်စားပွဲက သန့်ရှင်းသပ်ရပ်မှုမရှိ ရှုပ်ပွနေရင် အလုပ်လုပ်ရတာ Feeling ကောင်းမှာမဟုတ်ပါဘူး။ဒါကြောင့်ကိုယ့်အနေနဲ့ သပ်ရပ်ရှင်းလင်းနေတဲ့အလုပ်စားပွဲလေးဖြစ်ဖို့ အမြဲထိန်းသိမ်းသင့်ပါတယ်။အလုပ်စားပွဲအစားအစာတာမျိုး စာရွှက်စာတမ်းတွေကိုပြန့်ကျဲထားတာမျိုးလုံးဝမဖြစ်ပါစေ။မနက်ခင်းအလုပ်ရောက်ကတည်းက ကိုယ့်ရဲ့စားပွဲကိုသန့်ရှင်းရေးအလုပ်သင့်ပါတယ်။သပ်သပ်ရပ် ရပ်နဲ့သန့်ရှင်းမှုရှိတဲ့အလုပ်စားပွဲကသင့်စိတ်ကိုလည်းရှင်းလင်း နေစေမှာဖြစ်ပြီးစိတ်ကူးစိတ်သန်းကောင်းကောင်းနဲ့ အလုပ်လပ်နိုင်မှာဖြစ်ပါတယ်။
(၂) တိုးတက်မှုကိုအမြဲမှတ်တမ်းတင်ထားပါ
Source : YouWorkForThem
ကိုယ့်အနေနဲ့ အလုပ်စဝင်တဲ့အချိန်ကစပြီး ယနေ့အထိအလုပ် မှာဘာတွေတိုးတက်လာလဲ။ဘယ်လိုအောင်မြင်မှုတွေလုပ်ဆောင်ပြီးပြီလဲဆိုတာ အမြဲမှတ်တမ်းတင်ထားသင့်ပါတယ်။ဒါမှ လည်းကိုယ့်ရဲ့ လုပ်ဆောင်ချက်တွေကိုပြန်ကြည့်ပြီး အားအင်တွေရရှိကာ နောက်ထပ်ဖြတ်သန်းရအုန်းမယ့်အနာဂတ်အတွက် တက်ကြွနေမှာဖြစ်ပါတယ်။ဒါကြောင့်ဖြစ်နိုင်ရင်စာအုပ်လေးတစ်အုပ်သီးသန့်ဆောင်ထားပါ။ပြီးရင်တော့ ကိုယ့်ရဲ့အောင်မြင်တိုးတက်မှုကိုအမြဲမှတ်တမ်းတင်ထားဖို့အကြံပြုချင်ပါတယ်။
(၃) လေ့လာသင်ယူပါ
Source : About | Lightspeed
အလုပ်ခွင်မှာ စွမ်းဆောင်ရည်ကောင်းတဲ့ သူတိုင်းဟာဒီတိုင်းနေရင်းထိုင်ရင်းတော့ ဖြစ်လာတာမဟုတ်ပါဘူး။မသိသေးတဲ့ ပညာရပ်တွေဆက်လက်လေ့လာမယ်။ကိုယ့်အထက်ကစီနီယာတွေစီမှာ လေ့လာသင်ယူမယ်။အတွေ့အကြုံတွေထဲကပြန်လည် သင်ယူမယ်စသည်ဖြင့် လေ့လာသင်ယူမှုကိုအဆက်မပြတ်လုပ်ဆောင်ခဲ့ကြတာပါ။သင့်အနေနဲ့လည်း ကိုယ်မှာလိုအပ်နေသေးတဲ့အရာတွေအတွက် တက်ချင်ယောင်ဆောင်မနေနဲ့ ပဲ တခြားစီနီယာတွေစီကသင်ယူသင့်သလို ကိုယ်တိုင်လည်း လေ့လာမှုတွေပြုလုပ်သင့်ပါတယ်။ဒါမှလည်းလိုအပ်တဲ့ပညာတွေအကုန်ပြည့်ဝပြီး စွမ်းဆောင်ရည်ကောင်းတဲ့သူတစ်ယောက်ဖြစ်မှာဖြစ်ပါတယ်။
(၄) အလုပ်ကိုစေတနာထားပါ
Source : coreaxis.com
အလုပ်ကိုစေတနာထားရင် အလုပ်ကလည်းသင့်ကိုပြန်လည် စေတနာထားမှာဖြစ်ပါတယ်။တာဝန်ကျေဆိုရုံလောက်ပဲ အလုပ်လုပ်ပြီး အချိန်တန်လစာယူမယ်စိတ်ကူးနေရင်တော့ အလုပ်ခွင်မှာ ထက်မြတ်တဲ့ဝန်ထမ်းတစ်ယောက်ဖြစ်လာနိုင်မှာမဟုတ်ပါဘူး။ဒါကြောင့်ဘာပဲလုပ်လုပ်စေတနာအရင်းခံပြီးလုပ် ပါ။ကိုယ့်ဘက်ကအတက်နိုင်ဆုံးကြိုးစားပြီးအကောင်းဆုံးလုပ်ဆောင်ပေးပါ။သင့်ရဲ့ကြိုးစားမှုအတွက်ထိုက်သင့်တဲ့ခံစားခွင့်ပြန်လည်ရရှိမှာဖြစ်သလို စွမ်းဆောင်ရည်ကောင်းတဲ့ လူတစ်ယောက်အဖြစ်လည်း အများကချီးကျူးလေးစားမိကြမှာအမှန်ပါပဲ။
