ကွီးက Jeans ဝတ်ရတာ စွဲလမ်းသူမျိုးလား။ ဒါဆို Denim Jacket ကို Jeans ဘောင်းဘီနဲ့ အထာကျအောင် ဝတ်လို့ရတဲ့နည်းလမ်းလေးတွေ သိထားဖို့ လိုပါတယ်။ Jacket နဲ့ Jean ကို စတိုင်ကျအောင် ဝတ်ရာမှာ လိုက်နာသင့်တဲ့ နည်းလမ်းအလွယ်လေးတွေ ရှိပါတယ်။

(၁) Contrast ဖြစ်တဲ့ ကာလာတွေ ရွေးပါ

Photo: toptrendsguide

လူအတော်များများက အပေါ်အောက် Jeans နှစ်မျိုးဝတ်တဲ့ ဝမ်းဆက်ဖက်ရှင်ကို မကြိုက်ကြပါဘူး။ အပေါ်ရောအောက်ရောမှာ Jeans လိုမျိုး ချည်သားတစ်မျိုးတည်းပဲ သုံးတဲ့ဖက်ရှင်ဝတ်မယ်ဆိုရင် အရောင်မတူအောင် ဂရုစိုက်ပါ။ ဥပမာ- Denim Jacket အနက်ရောင်နဲ့ အပြာရောင်/အပြာဖျော့ Jeans ဘောင်းဘီတို့ တွဲဝတ်တာမျိုး ဖြစ်ပါတယ်။ Contrast ဖြစ်တဲ့ ကာလာတွေက ဆွဲဆောင်မှုဖြစ်စေပါတယ်။

(၂) Shades မတူတာ ရွေးပါ

Photo: stitchfix

ကာလာနဲ့ Contrast ဖြစ်တဲ့ ဖက်ရှင်ရွေးသလိုမျိုး Shade မတူတဲ့ ဒီဇိုင်းကိုလည်း ရွေးချယ်ဖို့ လိုပါတယ်။ ဒါက ဂျက်ကတ်နဲ့ Jeans လိုက်ဖက်မှုကို ဖြည့်စွက်ပေးနိုင်လို့ ဖြစ်ပါတယ်။ အရောင်တွေထဲကမှ ကွဲထွက်လာတဲ့ အရိပ် Shades တွေက တစ်မျိုးဆန်းသစ်မှုကို ဖြစ်စေပါတယ်။

(၃) အပေါ်အောက် Fit မှန်ပါစေ

Photo: thetrendspotter

Outfit တွေအကြောင်းပြောတဲ့အခါ Fit ဖြစ်တာ ရွေးချယ်ဖို့ လိုပါတယ်။ ကြည့်ကောင်းတဲ့ဖက်ရှင်တိုင်းက Fit ဖြစ်တဲ့ ဖက်ရှင်တွေပါပဲ။ ဒီဥပဒေက Jeans စတိုင်တွေပေါ်လည်း သက်ရောက်မှုရှိပါတယ်။ အပေါ်အောက် Double Jeans စတိုင်တွေ ဝတ်မယ့်သူဟာ အပေါ်ရော အောက်ပါ ဟန်ချက်မျှတဲ့ Fitting စတိုင် ဖြစ်နေဖို့ လိုပါတယ်။

(၄) Jacket နဲ့ Shirt ကာလာဆန့်ကျင်ဘက် ဖြစ်နေပါစေ

Photo: apetogentleman

တကယ်တော့ Jeans နဲ့ Denim Jacket စတိုင်အတွက် အကြံပေးချက်က Color & Shade Contrast ဖြစ်ဖို့ပါပဲ။ Denim Jacket ဝတ်ရာမှာ အောက်က တီရှပ်ကို Jacket နဲ့ ကာလာကွဲတာ ရွေးပါ။ ဥပမာ- Dark Denim ဝတ်ရင် တီရှပ်အဖြူ ဒါမှမဟုတ် မီးခိုးဖျော့ ဝတ်နိုင်သလို Light Denim နဲ့ဆို နက်ပြာဒါမှမဟုတ် အနက်ရောင် တီရှပ်ဝတ်ဖို့ အကြံပေးချင်ပါတယ်။

Featured Photo: greenmatters