လေ့လာမှုတွေအရ အမျိုးသားအများစုဟာ အသားအရေထိန်းသိမ်းခြင်းလုပ်ငန်းစဉ်အတွက် အချိန်အများကြီးမပေးဘဲ ငယ်ရွယ်နုပျိုစေမယ့် နည်းလမ်းတွေကို သိချင်ကြပါတယ်။ စာဖတ်သူကွီးတို့လည်း ထို့နည်းတူဖြစ်ပါတယ်။ ဒါကြောင့်ဒီနေ့ဆောင်းပါးမှာတော့ အမျိုးသားတို့အတွက် ကျန်းမာပြီးငယ်ရွယ်နုပျိုတဲ့ပုံပေါက်စေမယ့် လျို့ဝှက်ချက်တချို့ ကိုဖော်ပြပေးလိုက်ပါတယ်.
(၁) ရေခပ်နွေးနွေးသုံးပါ
Photo : Rocky Mountain Barber Company
ကြက်သီးနွေးရေဖြင့် မျက်နှာသစ်ခြင်း ရေချိုးခြင်းက အသားအရေပေါ်ရှိအညစ်ကြေးများကို ထိရောက်စွာဖယ်ရှားသန့်စင်ပေးပြီး ငယ်ရွယ်နုပျိုတဲ့ရုပ်ရည်အသွင်ပြင်ကို ရစေပါတယ်။ သတိပြုရမှာပါ အရမ်းပူတဲ့ရေမျိုး မဖြစ်ဖို့ပါပဲ။ နောက်ပြီး ရေချိုးတဲ့အခါမှာ အချိန်အကြာကြီး ချိုးတာက အသားအရေခြောက်သွေ့စေပြီး အရေးကြောင်းများဖြစ်စေနိုင်ပါတယ်။ အကောင်းဆုံးကတော့ ၁၀ မိနစ်ခန့်အချိန်က အသင့်တော်ဆုံး ရေချိုးရန်ကြာချိန် ဖြစ်ပါတယ်။
(၂) မှန်ကန်သောမျက်နှာသန့်စင်ဆေးသုံးပါ
Photo : Pinterest
ကိုယ်တိုက်ဆပ်ပြာတုံးတွေဟာ ပါးလွှာတဲ့မျက်နှာအရေပြားအတွက်တော့ အလွန်ပြင်းထန်တဲ့ ဆပ်ပြာတွေလို့ ဆိုရမှာပါ။ အကောင်းဆုံးက ကိုယ့်မျက်နှာအသားအရေနဲ့ ကိုက်ညီမှုရှိတဲ့ မျက်နှာသန့်စင်ဆေးကိုသာ အသုံးပြုဖို့အကြံပြုချင်ပါတယ်။ ဒါမှလည်း သင့်မျက်နှာပေါ်က အညစ်ကြေးနှင့် ချွေးပေါက်တွေကို ထိထိရောက်ရောက်ဖယ်ရှားသန့်စင်ပေးပြီး အသားအရေခြောက်သွေ့ခြင်းနှင့် ယားယံခြင်းမဖြစ်စေမှာပါ။
(၃) သင့်အသားအရေကိုဂရုစိုက်ပါ
Photo : Barbermania
အပေါ်မှာပြောခဲ့သလိုပဲ မျက်နှာအသားအရေးဟာ အလွန်ပဲနုနယ်ပါးလွှာတဲ့အတွက် လုံလောက်တဲ့ ဂရုစိုက်မှုမရှိပါက အရေးအကြောင်းများဖြစ်ပေါ်လာဖို့ ရာခိုင်နှုန်းပိုများပါတယ်။ ငယ်ရွယ်နုပျိုတဲ့ အသားအရေကိုရဖို့အတွက်ဆိုရင် လိုက်နာရလွယ်ကူတဲ့အချက်အချို့ရှိပါတယ်။
- မျက်နှာသန့်စင်ဆေးသုံးတဲ့အခါ ညင်သာစွာပွတ်လိမ်းပြီး ဆေးကြောပါ
- နူးညံ့ပြီးခြောက်သွေ့တဲ့ မျက်နှာသုတ်ပုဝါကို အသုံးပြုပါ
- မျက်နှာအသားအရေးကို ကြမ်းကြမ်းတမ်းတမ်းပွတ်တိုက်ခြင်း ၊ သုတ်ခြင်းတို့ကိုရှောင်ကြဉ်ပါ
- Moisturizer နှင့်အခြား lotion များကို ပုံမှန်ဂရုတစိုက်လိမ်းပေးပါ
(၄) Eye Cream လိမ်းပါ
Photo : Gentleman’s Thought
အမျိုးသားတွေအနေနဲ့ Eye Cream လိမ်းဖို့အမှန်တကယ်လိုအပ်ပါသလား။ သင်က ငယ်ရွယ်ပြီး နုပျိုလန်းဆန်းတဲ့ အသွင်ကိုပိုင်ဆိုင်ချင်တယ်ဆိုရင်တော့ Eye Cream မဖြစ်မနေလိမ်းပေးဖို့လိုပါတယ်။ Eye Cream ဟာ မျက်လုံးတစ်ဝက်က အရေးအကြောင်းများကို လျော့ပါးသက်သာစေပြီး ငယ်ရွယ်တက်ကြွတဲ့အမျိုးသားတစ်ယောက်အသွင်ကိုရစေမှာပါ။
(၅) ကျန်းမာတဲ့နေထိုင်မှု ပုံစံအသစ်ကိုမွေးမြူပါ
Photo : Healthline
လေ့ကျင့်ခန်းပုံမှန်ပြုလုပ်ခြင်း ၊ ကျန်းမာရေးနှင့် ညီညွှတ်မျှတအောင်စားခြင်း ၊ တစ်ရက်ကို ၇ နာရီပြည့်အောင် အိပ်စက်အနားယူခြင်း စတဲ့အလေ့အထတွေဟာ ငယ်ရွယ်နုပျိုခြင်းအတွက် လိုအပ်ချက်တွေပဲ ဖြစ်ပါတယ်။ ကျန်းမာပြီး ငယ်ရွယ်နုပျိုတဲ့အမျိုးသားတစ်ယောက်ဖြစ်ဖို့ ကျန်းမာတဲ့နေထိုင်မှုပုံစံတွေကို သေသေချာချာလိုက်နာဖို့ အကြံပြုချင်ပါတယ်။
Featured Photo : Larastock
