ကိုယ် လိုချင်တဲ့ ရည်မှန်းချက်ပန်းတိုင်ကို မသွားခင်မှာ အောင်မြင်မှုကို ကိုယ့်ရဲ့ကိုယ်ပိုင်အဓိပ္ပာယ်ဖွင့်ဆိုချက်နဲ့ အဓိပ္ပာယ်ဖွင့်ဖို့တော့ လိုပါလိမ့်မယ်။ ကိုယ့်ရဲ့ဘဝထဲကနေ ကိုယ် ဘာကို လိုအပ်သလဲ၊ ဘယ်အရာက ကိုယ့်ကို ပျော်ရွှင်အောင် ဖန်တီးပေးနိုင်သလဲ စတဲ့အချက်များနဲ့ ကိုယ့်ကိုယ်ကိုယ် မေးခွန်းပြန်မေးကြည့်လိုက်ပါ။
ထို့နောက် သင့်ဆီမှာ အခုဖော်ပြထားတဲ့အရာများ ပိုင်ဆိုင်ထားသလားဆိုတာကို ပြန်လည်ဆန်းစစ်ကြည့်လိုက်ပါ။
သင်ယူလိုစိတ်ရှိခြင်း
အောင်မြင်လိုစိတ်ရှိတဲ့ ယောကျာ်းများသည် အသစ်အသစ်သောအရာများကို သင်ယူလိုစိတ်ရှိကြပါတယ်။ ဘဝကပေးတဲ့ အတွေ့အကြုံများကို တန်ဖိုးထားကြပြီး လုပ်ငန်းနှင့်သက်ဆိုင်သော ဟောပြောပွဲများကိုလည်း တက်ရောက်ဖို့ရန် ဝန်မလေးပါဘူး။ မေးခွန်းများ မေးရတာကို နှစ်သက်ပြီး အောင်မြင်မှုဆီသို့ မရောက် ရောက်အောင် သွားလေ့ရှိကြပါတယ်။
Network တွေကို ဘယ်လိုချဲ့ထွင်ရမလဲဆိုတာကို သိခြင်း
ဘဝမှာ အောင်မြင်ချင်တဲ့လူတစ်ယောက်အဖို့ Networking သည် အင်မတန်အရေးကြီးသောအရာဖြစ်ပါတယ်။ ရင်းနှီးမြှုပ်နှံသူများ၊ ကာစတမ်မာများ၊ လုပ်ဖော်ကိုင်ဖက်များနှင့် ကောင်းမွန်သော ဆက်ဆံရေးကို ပိုင်ဆိုင်ထားပြီး စကားအရာမှာလည်း လိမ္မာပါးနပ်မှုရှိကြပါတယ်။
တာဝန်ယူမှုရှိခြင်း
အောင်မြင်သောသူများသည် မိမိကိုယ်ကိုယ်သာ ယုံကြည်ကိုးစားကြပါတယ်။ မိမိပြုလုပ်တဲ့အရာမှန်သမျှအတွက် နောက်ဆက်တွဲအရာမှန်သမျှကို တာဝန်ယူစိတ်၊ တာဝန်ခံစိတ် အပြည့်အဝရှိကြပါတယ်။
ပြောင်းလဲရမှာကို မကြောက်ရွံ့ခြင်း
ပြောင်းလဲခြင်းသည် ရှောင်လွှဲလို့မရတဲ့အရာဆိုတာကို အောင်မြင်သောသူများသည် သိရှိလက်ခံထားကြပါတယ်။ ဒါ့အပြင် အောင်မြင်မှုကို ရရှိဖို့ရန်အတွက် အပြောင်းအလဲတစ်ခုသည်လည်း မရှိမဖြစ်လိုအပ်ပါတယ်။ ကိုယ့်ရဲ့ Comfort Zone ထဲက ရုန်းထွက်ပြီး ပြောင်းလဲခြင်းရဲ့အကူအညီဖြင့် အောင်မြင်မှုဆီ တက်လှမ်းလိုက်ပါ။
အလွယ်တကူ လက်မလျော့တတ်ခြင်း
စိတ်ညစ်စရာတစ်ခုခုနှင့် ကြုံတွေ့ပါကလည်း လက်မလျော့ဘဲ ပန်းတိုင်ဆီသို့ အရောက်လှမ်းနိုင်မှသာလျှင် အောင်မြင်နိုင်မှာပါ။ အောင်မြင်မှုလမ်းခရီးသည် ပန်းခင်းလမ်းလို ချောမွေ့မနေပါဘူး။ ဆူးညှောင့်ခလုတ်တွေနဲ့ ပြည့်နှက်နေတာပါ။ ထိုဆူးညှောင့်ခလုတ်များကြောင့် လက်မြှောက်အရှုံးမပေးလိုက်ဘဲ ကြံ့ခိုင်တဲ့စိတ်ဓာတ်ဖြင့် ပန်းတိုင်ဆီသို့ အရောက်လှမ်းရပါမယ်။
Source: Lovepanky.com
Featured Image Source: Amaris-b.com