ကျွန်တော်တို့ရဲ့နေ့စဉ်ဘဝမှာ ခန္ဓာကိုယ်နာကျင်ကိုက်ခဲရမှုတွေကို ခံစားရလေ့ရှိပါတယ်။ ကျွန်တော်တို့အနေနဲ့ ဒီနာကျင်ကိုက်ခဲရမှုတွေကို ကျန်းမာရေးအလေ့အကျင့်ကောင်းတွေနဲ့ ဖြေလျှော့နိုင်ပါတယ်။ kwee page ကဒီနေ့ ဘယ်လိုခန္ဓာကိုယ်နာကျင်မှုမျိုးတွေက ဘယ်လိုအလေ့အကျင့်လေးတွေလုပ်ပေးရင် နာကျင်မှုသက်သာစေသလဲဆိုတာကို ပြောပြပေးသွားမှာပါ။
ခေါင်းကိုက်ခြင်း
ဖုန်း၊ လက်တော့ပ် ကွန်ပြူတာတွေကို အချိန်အကြာကြီးအာရုံစိုက်ကြည့်ခြင်းမှ ရှောင်ကျဉ်ပါ
Source: Verywell Health
မျက်စိညောင်းညာခြင်းဟာ ကွန်ပျူတာကြောင့်ဖြစ်ရတာတွေထဲမှာ အဓိက အဖြစ်များပါတယ်။ သင်အလုပ်လုပ်တဲ့အချိန်မှာ ကြွက်သားတွေကို အချိန်အကြာကြီးအသုံးချလိုက်တဲ့အခါ သူတို့ပင်ပန်းလာကြပြီး နာကျင်ကိုက်ခဲလာရတာပါ။ မျက်စိကြွက်သားတွေလည်း ထိုနည်းတူပါပဲ။ ဒီလိုဖြစ်ရတာကို ရှောင်ကျဉ်ဖို့အတွက် (၂၀-၂၀-၂၀) စည်းမျဉ်းကို လိုက်နာသင့်ပါတယ်။ (၂၀-၂၀-၂၀) စည်းမျဉ်းဆိုတာက မိနစ် (၂၀) ကြာသွားတိုင်းမှာ အနည်းဆုံး ပေ (၂၀) အကွာကို (၂၀) စက္ကန့်ကြည့်ဖို့ ဖြစ်ပါတယ်။
နေရောင်နဲ့ထိတွေ့ခြင်းကို လျှော့ချပါ
Source: Forbes
နေအပူဒဏ်နဲ့ ထိတွေ့ရခြင်းက သင့်ရဲ့ဦးနှောက်သွေးကြောတွေကို ကျုံ့သွားစေပါတယ်။ သင့်ရဲ့အရေပြားအပူချိန်ကိုလည်း မြင့်တက်စေပါတယ်။ ဒါကြောင့် သင် နာကျင်ကိုက်ခဲလာရတာပါ။ နေရဲ့ စူးရှတဲ့အလင်းရောင်ကလည်း မျက်စိကို ကျိန်းစပ်စေပြီး ခေါင်းကိုက်စေပါတယ်။ နေပူထဲထွက်တဲ့အခါ နေကာမျက်မှန်နဲ့ဦးထုပ်တစ်လုံးဆောင်းထားခြင်းအားဖြင့် နေပူဒဏ်ကြောင့် ခေါင်းကိုက်ခြင်းကို ကာကွယ်နိုင်ပါတယ်။
ဆေးလိပ်သောက်ခြင်းနှင့် အရက်သောက်ခြင်းမှ ရှောင်ကျဉ်ပါ
Source: Tip To Healthy
စီးကရက်တွေမှာ ပါဝင်တဲ့ နီကိုတင်းဟာ ဦးနှေက်သွေးကြောတွေရဲ့အရွယ်အစားကို ပြောင်းလဲစေပြီး ခေါင်းကိုက်စေပါတယ်။ စီးကရက်မီးခိုးတွေကလည်း သင့်ရဲ့နှာခေါင်းနဲ့လည်ချောင်းကို ယားယံစေပြီးတော့ ခေါင်းကိုက်စေပါတယ်။ အရက်ကလည်း သင့်ဦးနှောက်သွေးကြောတွေကို ယောင်ရမ်းစေပြီး ခေါင်းကိုက်စေပါတယ်။
ပိုပြီးဆိုးတာကတော့ ဝိုင်နီဖြစ်ပါတယ်။ဝိုင်နီမှာ ခေါင်းကိုက်ခြင်းကို ဖြစ်စေတဲ့ tyramine, histamineနဲ့ sulfitesတွေ ပါဝင်နေပါတယ်။
ကဖိန်းကိုလျှော့ချပါ
Source: American-Cancer-Society
ကဖိန်းပမာဏအနည်းငယ်ဟာ ခေါင်းကိုက်ခြင်းကို သက်သာနိုင်စေပေမယ့် ကဖိန်းကိုစွဲစွဲမြဲမြဲသောက်သုံးသူတစ်ယောက်အဖို့မှာတော့ ခေါင်းကိုက်ခြင်းတွေ ခံစားရနိုင်ပါတယ်။
လည်ပင်း၊ ပုခုံး နာခြင်း
လည်ပင်းနဲ့ ပုခုံးနာကျင်မှုဟာ လည်ပင်းနာကျင်မှုရဲ့ အဓိကအကြောင်းရင်းခံတွေ ဖြစ်ပါတယ်။ ဒီအတွက်ကတော့ လည်ပင်းကြွက်သားတွေသန်မာစေဖို့ လည်ပင်းလေ့ကျင့်ခန်းတွေ ပြုလုပ်တာပဲဖြစ်ပါတယ်။
မတ်မတ်ထိုင်ပါ
Source: Medical News Today
ထိုင်တဲ့အခါ မတ်မတ်ထိုင်ဖို့က အရေးကြီးပါတယ်။ ဖြစ်နိုင်ရင် အမှီပါတဲ့ကုလားထိုင်မှာ ထိုင်ပါ။ ကွန်ပျူတာ သို့မဟုတ် လက်တော့ပ်နဲ့ အလုပ်လုပ်မယ်ဆိုရင်လည်း သင့်လည်ပင်းကို အရှေ့ကိုင်းမနေရဖို့ သတိပြုပါ။
ယောဂကျင့်ပါ
Source: Freepik
ယောဂဟာ သင့်လည်ပင်းနဲ့ နောက်ကျောကြွက်သားတွေကို သန်မာစေပြီး နာကျင်မှုတွေကို သက်သာစေပါတယ်။
အိပ်တဲ့အခါ အနေအထားမှန်ကန်ပါစေ
Source: Business INsider
အိပ်တဲ့အခါ ဘေးတစောင်းအိပ်ခြင်းနဲ့ ပက်လက်အိပ်ခြင်းက မှန်ကန်တဲ့အနေအထားပါပဲ။ သင့်ရဲ့ဒူးအောက်မှာ တဘက်လိပ်တစ်ခု ထားထားပေးခြင်းကလည်း သင့်နောက်ကျောအတွက် ပိုကောင်းပါတယ်။
မှောက်အိပ်ခြင်းကို ရှောင်ပါ။ ခေါင်းအုံးတစ်လုံးထက်လည်း ပိုမအုံးပါနဲ့။ ခေါင်းအုံးအထူကြီးတွေ အုံးအိပ်ခြင်းကိုလည်း ရှောင်ကြဉ်ပါ။အထူးပြုလုပ်ထားတဲ့ ခေါင်းအုံးသုံးတာက ပိုအဆင်ပြေပါတယ်။
နောက်ကျောနာကျင်ခြင်း
ထိုင်တဲ့ခါ မတ်မတ်ထိုင်ပါ။ မတ်မတ်ထိုင်ခြင်းက ကျောရိုးမှာ ဒဏ်ပိခြင်းကို လျှော့ချစေပြီး နောက်ကျောနာကျင်မှုမှ ကင်းဝေးစေပါတယ်။
ကျောအောက်ပိုင်းကြွက်သားတွေကို ဆန့်ထုတ်ပါ
Source: Pinterest
ကျောရိုးကိုလှည့်ခြင်းနဲ့ psoas stretches စတဲ့ လေ့ကျင့်ခန်းတွေဟာ နောက်ကျောနာကျင်မှုကင်းဝေးစေဖို့အတွက် ကြွက်သားတွေကို ဆန့်ထုတ်ပေးပါတယ်။
Cobra stretches
Source: Workout Trends
ဒီအနေအထားကပုခုံးကြွက်သားတွေကို ဆန့်ထုတ်ဖို့ ကူညီပါတယ်။ကျောအောက်ပိုင်းတောင့်တင်းနာကျင်တာကို သက်သာစေပြီး ကျောရိုးကို သန်မာစေပါတယ်။
ရေကူးပါ
Source: Harvard Health – Harvard University
ရေကူးခြင်းနဲ့ အခြားရေပေါ်ရေအောက်အားကစားနည်းတွေက နောက်ကျောနဲ့ အခြားကြွက်သားတွေ သန်မာစေပါတယ်။ရေရဲ့ဖော့ဂုဏ်ကလည်း အဆစ်တွေရဲ့ဖိအားကို လျော့ကျသက်သာစေပါတယ်။
