ကမ္ဘာ့လူဦးရေရဲ့ (၂၀-၃၀) ရာခိုင်နှုန်းဟာ ခြေထောက်ပုံပျက်ခြင်း ဝေဒနာကို ခံစားနေကြရပါတယ်။ တစ်ချို့တွေဆိုရင် ဒူး၊ တင်ပါး နဲ့ နောက်ကျော စတဲ့နေရာတွေမှာ ပုံပျက်ခြင်းဝေဒနာကို ခံစားနေကြရပါတယ်။ အခု kwee page ကခြေထောက်ပြားတဲ့သူတွေအတွက် အထောက်အကူဖြစ်စေမယ့် လေ့ကျင့်ခန်းလေးတွေအကြောင်း ပြောပြပေးသွားမှာပါ။
မျက်နှာသုတ်ပဝါ အသုံးပြုခြင်း
- ထိုင်ခုံတစ်ခုပေါ်မှာ ထိုင်လိုက်ပါ။ မျက်နှာသုတ်ပဝါကို ခြေထောက်အောက်မှချထားလိုက်ပါ။
- ခြေချောင်းတွေကို အသုံးပြုပြီး ပဝါကို ဆုပ်ညစ်လိုက်ပါ။ ခြေမနောင့်တွေက ကြမ်းပြင်ကိုဖိထားရပါမယ်။
- ပဝါကို ခြေချောင်းများဖြင့် ဆုပ်ညစ်ပြီး ကိုယ့်ဖက်ကို ဖြည်းညင်းစွာ ဆွဲယူလိုက်ပါ။
- ပြီးရင်ခြေထောက်နောက်တစ်ဖက်ပြောင်းပြီး လေ့ကျင့်ပေးပါ။
- ဒီလေ့ကျင့်ခန်းကို (၁၀) ကြိမ် (၃) ခါပြုလုပ်ပေးပါ။
Raise and scrunch
- ခွေးခြေပုလေးပေါ်မှာ ပုဝါတစ်ထည် တင်ထားလိုက်ပါ။ ရှေ့မှာ ထိုင်ခုံတစ်လုံးကို ထားလိုက်ပါ။
- ခြေချောင်းတွေအသုံးပြုပြီး ပဝါကို လုံးခြေပစ်လိုက်ပါ။ ပြီးတာနဲ့ ခြေဖနောင့်ကို ကြမ်းပြင်ဖက်သို့ နှိမ့်ချလိုက်ပါ။
- နောက်ခြေတစ်ဖက်ကို ခွေးခြေပုပေါ် ရောက်အောင် မတင်လိုက်ပါ။ ဒီလိုလုပ်တဲ့အချိန်မှာ ခွေးခြေပုပေါ်က ခြေထောက်အားကိုပဲ အသုံးပြုပါ။
- ဒီလေ့ကျင့်ခန်းကို ခြေထောက်တစ်ချောင်းစီအတွက် (၁၀) ကြိမ်စီ (၂) ခါပြုလုပ်ပေးပါ။
ဘောလုံးလှိမ့်ခြင်း
- ထိုင်ခုံပေါ်မှာထိုက်လိုက်ပါ။ ခါးကို မက်မက်ထားဖို့ လိုပါမယ်။ တင်းနစ်ဘောလုံးကို ခြေထောက်အောက်မှာ ထားပါ။
- ဘောလုံးကို ရှေ့နောက်လှိမ့်ပေးပါ။ ခါးကို မက်မက်ထားဖို့ မမေ့ပါနဲ့။
- ဒီလေ့ကျင့်ခန်းကို ခြေထောက်တစ်ချောင်းစီအတွက် (၃) မိနစ်ခန့် ပြုလုပ်ပေးပါ။
ခြေဖဝါးအခုံးကြွက်သားများကို ဆန့်ခြင်း
- ထိုင်ခုံပေါ်မှာ ထိုင်လိုက်ပါ။ ခြေထောက်တစ်ချောင်းကို အခြားခြေထောက်ရဲ့ ပေါင်ပေါ်တင်လိုက်ပါ။
- ခြေထောက်ကို ပုံမှာပြထားတဲ့အတိုင်း မျှော့ကြိုးနဲ့စည်းလိုက်ပါ။ အခြားခြေထောက်က တွဲကြနေတဲ့ကြိုးကို နင်းထားရပါမယ်။
- လက်ကိုအသုံးပြုပြီး ခြေထောက်ကို မလိုက်ပါ။ ပြီးတာနဲ့ ဖြည်းဖြည်းချင်း ခြေထောက်ကို မူလအတိုင်းပြန်ချထားလိုက်ပါ။
- ဒီလေ့ကျင့်ခန်းကို ခြေထောက်တစ်ချောင်းစီအတွက် (၁၀) ကြိမ်စီ (၂) ခါပြုလုပ်ပေးပါ။
ခြေချောင်းယောဂ
- ပထမဦးစွာ ထိုင်လိုက်ပါ။ ခြေချောင်းတွေကို အာရုံစိုက်ပါ။
- ခြေမကို မြောက်လိုက်ပါ။ ခြေမမြောက်နေတဲ့အချိန်မှာ ကျန်တဲ့ခြေချောင်းလေးတွေက အောက်ကိုဖိထားရပါမယ်။ ဒီပုံစံအတိုင်း (၅) စက္ကန့်နေပေးပါ။
- ပြီးတာနဲ့ ခြေမကို အောက်သို့ဖိချလိုက်ပြီး ကျန်တဲ့ခြေချောင်းလေးတွေကို အပေါ်သို့ မတင်လိုက်ပါ။ (၅) စက္ကန့်ခန့်နေပေးပါ။
- ခြေထောက်တစ်ချောင်းစီအတွက် (၁၀) ကြိမ်စီ ပြုလုပ်ပေးပါ။
Source: Bright Side
