တစ်ယောက်တည်း အေးအေး ဆေးဆေး ဘဝကို ဖြတ်သန်းတဲ့ ကွီးတို့ ရှိပါသလား။ FA ကွီးတို့က မယ်တစ်ထမ်း မောင်တစ်ရွက် စုံတွဲတွေလိုမျိုး ဘေးနားက အတူတူ ဆိုးတိုင်ပင် ကောင်းတိုင်ပင် မရှိတဲ့အတွက်ကြောင့် အရာရာကို ကိုယ့်အားကိုယ်ကိုးကာ ဖြတ်သန်းနေကြရပါတယ်။ အားသာချက်တစ်ခုကတော့ တစ်ယောက်တည်း အေးအေး လူလူ ဖြတ်သန်းနိုင်ခြင်းပါပဲ။ အရစ်ခံရတာလည်း မရှိပါဘူး။ ဒါပေမဲ့ အားနည်းချက်ကတော့ အရာအားလုံးကို တစ်ယောက်တည်း ပြုလုပ်နေရတာပါ။ အိမ်သန့်ရှင်းရေး အပါအဝင်ပေါ့။ ဒီလိုမျိုး အရာအားလုံးကို တစ်ယောက်တည်း လုပ်နေရတဲ့ FA ကွီးတို့အတွက် အဖိုးတန် ပစ္စည်းလေးတွေ ရှိပါတယ်။
ဒီအဖိုးတန်ပစ္စည်းများကို ဝယ်ယူထားမယ်ဆိုရင်တော့ ကွီးတို့အိမ်က ကွီးတို့ကိုယ်တိုင် သန့်ရှင်းရေး လုပ်စရာ မလိုဘဲ သပ်ရပ်သန့်ရှင်းနေမှာပါ။
(၁) Roborock Q5
ဒီပစ္စည်းလေးကို ဖုန်းနဲ့ ချိတ်ထားမယ်ဆိုရင် ကွီးတို့က ဖုန်းခလုတ်ကလေး တ စ်ချက် နှိပ်လိုက်ရုံနဲ့တင် အိမ်သန့်ရှင်းရေးက သူ့အလိုလို ပြုလုပ်ပေးသွားမှာပါ။ ဈေးနှုန်းအတါက်ကတော့ ဒေါ်လာ ၄၃၀ ဒေါ်လာ ပေးဝယ်ရမှာပဲ ဖြစ်ပါတယ်။ မိမိအိမ်လေးကို သန့်သန့်ရှင်းရှင်းလေး ဖြစ်ချင်တဲ့ ကွီးတို့ ဆောင်ထားသင့်တဲ့ ပစ္စည်းတစ်မျိုး ပါပဲ။
(၂) Eufy RoboVac 11S Max
အကုန်အကျ အများကြီးလည်း မပေးဝယ်နိုင်ဘူးဆိုတဲ့ ကွီးတို့အတွက် ဒီပစ္စည်းလေးက အသင့်တော်ဆုံးပါပဲ။ သူ့ကို ဝယ်မှာဆိုရင်တော့ ဒေါ်လာ ၁၄၀ သာ ကုန်ကျမှာပါ။ ပေးရတဲ့ ဈေးနဲ့ ပြန်ရတဲ့ ကွာလတီက စိတ်ကျေနပ်စရာပါပဲ။
(၃) Ecovacs Deebot X2 Omni
ဒီအမျိုးအစားလေးကတော့ ဖန်ရှင်မျိုးစုံပါဝင်တဲ့ အတွက်ကြောင့် ဈေးက အနည်းငယ် မြှောက်သွားပါတယ်။ ဒေါ်လာ ၁၄၉၉ ဒေါ်လာ ပေးချေရမှာပါ။ ကွီး အလုပ်များတဲ့ ရက်တွေမှာဆိုရင် သူကပဲ ကွီးတို့အိမ်ကို သန့်ရှင်းရေး ပြုလုပ်ပေးသွားမှာပါ။
(၄) Shark IQ Robot Self-Empty XL RV1001AE
ဒီပစ္စည်းရဲ့ အားသာချက်ကတော့ အသံနဲ့ စေခိုင်းနိုင်တဲ့ Voice Assistant ပါဝင်ခြင်းပဲ ဖြစ်ပါတယ်။ ဘက္ထရီကတော့ ၉၇ မိနစ်ကြာ အသုံးခံပါတယ်။ ဈေးနှုန်းကတော့ ဒေါ်လာ ၃၀၀ ကျော် ကုန်ကျမှာ ဖြစ်ပါတယ်။
(၅) Bissell SpinWave Wet and Dry Robotic Vacuum
အဖြူရောင်လေးကိုမှ ကြွေတယ်ဆိုတဲ့ ကွီးတို့အတွက်ကတော့ Bissell SpinWave Wet and Dry Robotic Vacuum မော်ဒယ် အမျိုးအစားလေးရှိပါတယ်။ သူ့ဈေးနှုန်းကတော့ ဒေါ်လာ ၃၉၉ ဒေါ်လာ ကုန်ကျမှာ ဖြစ်ပါတယ်။ အသုံးပြုရလည်း လွယ်ကူပြီး ဈေးနှုန်းလည်း သင့်တင့်တာကြောင့် လူကြိုက်များနေတဲ့ မော်ဒယ် အမျိုးအစားတစ်ခုပဲ ဖြစ်ပါတယ်။
ဒီပစ္စည်းများက FA ကွီးတို့အတွက်သာမက ကိုယ့်ရဲ့ မဟေသီလေးကို သက်သာစေချင်တဲ့ ကွီးတို့အတွက် ဝယ်ယူထားသင့်တဲ့ အဖိုးတန် မျိုးမှန်လေးပဲဖြစ်ပါတယ်။
Source: Pcmag
Featured Image: Men’s Journal
