မြေခွေးပုံတက်တူးများသည် ဉာဏ်ရည်ထက်မြက်ခြင်းကိုလည်း ကိုယ်စားပြုသလို တစ်ချိန်တည်းမှာပဲ ဉာဏ်နီဉာဏ်နက်များခြင်းကိုလည်း ရည်ညွှန်းနေပါတယ်။ မြေခွေးဆိုတဲ့သတ္တဝါသည် ဘယ်လောက်ပဲ မယုံရတဲ့ သတ္တဝါဖြစ်နေပါစေ သူ့တက်တူးပုံက ချစ်စရာကောင်းပြီး မိမိုက်နေတဲ့အတွက်ကြောင့် တက်တူးချစ်သူယောကျာ်းများအကြား အထိုးများတဲ့ တက်တူးတစ်ခုဆိုလည်း မမှားပါဘူး။

ဥရောပနိုင်ငံရဲ့တက်တူးယဉ်ကျေးမှုအရ မြေခွေးပုံတက်တူးသည် အခြားသူအပေါ် လှည့်စားတတ်ခြင်း၊ ဖြတ်ထိုးဉာဏ်ကောင်းခြင်းကို ကိုယ်စားပြုပြီး ဂျပန်လူမျိုးတို့ရဲ့တက်တူးယဉ်ကျေးမှုမှာတော့ မြေခွေးပုံတက်တူးသည် အကောင်းရော အဆိုးကိုပါ ရည်ညွှန်းနေတဲ့တက်တူးတစ်ခုဖြစ်နေပြန်ပါတယ်။

ဒါ့အပြင် လူတစ်ယောက်ချင်းစီ တက်တူးထိုးထားသူတစ်ယောက်ချင်းစီရဲ့ အဓိပ္ပာယ်ဖွင့်ဆိုမှုအပေါ်မူတည်ပြီးလည်း သူတို့ရဲ့အဓိပ္ပာယ်သည် အနည်းငယ်စီပြောင်းလဲသွားနိုင်ပါသေးတယ်။

ယေဘုယျအားဖြင့်တော့ မြေခွေးပုံတက်တူးသည် ခွန်အားကြီးမားခြင်း၊ မှော်ဆန်ခြင်း၊ ဗီလိန်ဆန်ခြင်းအပြင် ဉာဏ်ပညာကြီးမားခြင်းကိုလည်း ကိုယ်စားပြုပါတယ်။

သင့်အနေနဲ့ မြေခွေးပုံတက်တူးများကို စိတ်ဝင်စားတယ်ဆိုရင်တော့ အခုဖော်ပြပေးမယ့် တက်တူးဒီဇိုင်းများကို လေ့လာနိုင်ပါတယ်။

တက်တူးဒီဇိုင်းများက အရောင်အသွေးစုံလင်တဲ့အပြင် ထောင့်ချိုးများလည်း အများအပြားထည့်သွင်းထားတဲ့အတွက်ကြောင့် သေသေချာချာရုပ်လုံးပေါ်အောင် တက်တူးရေးထိုးပေးနိုင်တဲ့ ကျွမ်းကျင်တက်တူးဆရာများထံမှာ ရေးထိုးကြဖို့ အကြံပြုလိုက်ချင်ပါတယ်။

Source: Nextluxury.com

Featured Image Source: Men’s Hairstyles Now