ပရိသတ်များ ဆန္ဒပြသည်အထိ ဖြစ်ခဲ့ရတဲ့ ဖူလ်ဟမ်အသင်း လက်မှတ်ဈေးနှုန်းများ

ယခုဘောလုံးရာသီမှာ ဖူလ်ဟမ်အသင်း လက်မှတ်ဈေးနှုန်းများ အဆမတန်မြင့်မားနေမူအပေါ် ပရိသတ်တွေအနေနဲ့ မကျေနပ်ဖြစ်နေကြပြီး လက်ကမ်းစာစောင်များ ဗီနိုင်များကိုင်ဆောင်ကာ ဆန္ဒထုတ်ဖော်ခဲ့ကြပါတယ်။ ဖူလ်ဟမ် အသင်းဟာ လက်ရှိပရီးမီးယားလိဂ် အမှတ်ပေးဇယားရဲ့ အဆင့် (၁၉) နေရာမှာရပ်တည်နေပြီး တန်းဆင်းဇုန်ထဲရောက်နေသည့် အသင်းတစ်သင်းလည်းဖြစ်ပါတယ်။ အခုလိုဆန္ဒပြမှုတွေကိုတော့ ပြီးခဲ့တဲ့စနေနေ့က ယှဉ်ပြိုင်ကစားခဲ့တဲ့ မန်စီးတီးအသင်းနဲ့ ပွဲစဉ်မစတင်ခင်မှာ ပရိသတ်တွေအနေနဲ့ ဆန္ဒထုတ်ဖော်ခဲ့ကြတာ ဖြစ်ပါတယ်။

Source : Football.London

အဆိုပါ ဆန္ဒထုတ်ဖော်ပွဲမှာတော့ ပရိသတ်များဟာ #STOP THE GREED လို့ရေးသားထားတဲ့ စာတန်းတွေပါ ဗီနိုင်းများ ၊ လက်ကမ်းစာစောင်များ ကိုင်ဆောင်ကာ ဖူလ်ဟမ်အသင်းရဲ့ ကရာဗန်ကော့တေ့ခ်ျကွင်း အနီးတွင် ဆန္ဒထုတ်ဖော်ခဲ့ကြခြင်းဖြစ်ပါတယ်။ လက်ရှိဘောလုံးရာသီမှာတော့ ဖူလ်ဟမ်အသင်းရဲ့ ဈေးအသက်သာဆုံး ပွဲကြည့်လက်မှတ်ဈေးနှုန်းမှာ (၄၅) ပေါင်ဖြစ်တယ်လို့သိရပါတယ်။ အဆိုပါဈေးနှုန်းဟာ ပရီးမီးယားလိဂ် အသင်းများထဲမှ ဈေးအကြီးဆုံး အသင်း (၁၀) သင်းရဲ့ လက်မှတ်ဈေးနှုန်းနှင့် ဈေးနှုန်းချင်းတူနေတာဖြစ်ပါတယ်။

Source : The Sun

အဆိုပါ ဆန္ဒပြပွဲဟာ ဘောလုံးကွင်းအနီးနားမှာတင်ပြီးမသွားပဲ ဆန္ဒပြပွဲကိုဦးဆောင်သူတစ်ချို့က ကွင်းအတွင်း ပွဲကြည့်စင်ပေါ်က ပရိသတ်တွေထံ လက်ကမ်းစာစောင်များဆက်လက် ဝေမျှခဲ့တာပဲဖြစ်ပါတယ်။ ကွင်းအတွင်းက ပရိသတ်တွေပါ အဆိုပါလက်ကမ်းစာစောင်များ ဝေ့ရမ်းပြီး ဖူလ်ဟမ်အသင်း တာဝန်ရှိသူများကို ဆန္ဒထုတ်ဖော်ခဲ့ကြတယ်လို့သိရပါတယ်။ ဖူလ်ဟမ်အသင်းဟာ လက်ရှိပွဲစဉ်ပေါင်း (၃၂) ပွဲ ကစားပြီးခဲ့ပြီး ရမှတ် (၁၇) မှတ်သာရရှိထားတာကြောင့် တန်းဆင်းဇုန်အတွင်းသို့ ရောက်ရှိနေတဲ့ အသင်းတစ်သင်းဖြစ်ပါတယ်။