ကားဒီဇိုင်းများ မော်ဒယ်များသည် တစ်နှစ်နဲ့ တစ်နှစ်မတူအောင် ထွက်ရှိလာကြတာ ဖြစ်ပါတယ်။ နောက်ထပ် ဆက်လက်ထွက်ရှိမယ့် ကားအမျိုးအစားတွေကလည်း အများကြီးကျန်ရှိနေပါသေးတယ်။
ထိုကားအမျိုးအစား အများကြီးရှိတဲ့အနက်မှာ ၂၀၂၂ နဲ့ ၂၀၂၅ ခုနှစ်အတွင်းမှာ ဘယ်လိုကားဒီဇိုင်းတွေ ဆက်လက်ထွက်ရှိလာမလဲဆိုတာကို ကားချစ်သူအမျိုးသားများအတွက် ဝေမျှပေးလိုက်ရပါတယ်။
၂၀၂၃ Acura Integra
ဒီကားကတော့ ၂၀၂၂ ခုနှစ်မှာပဲ ၂၀၂၃ မော်ဒယ်အဖြစ် ထွက်ရှိလာမှာဖြစ်ပါတယ်။ သူ့ရဲ့အရောင်နဲ့ ဒီဇိုင်းကတော့ ကားချစ်သူတွေအတွက် မျက်စိကျချင်စရာပါပဲ။
၂၀၂၃ Alfa Romeo Tonale
ဒီအမျိုးအစားကတော့ Alfa Romeo ရဲ့ ပထမဦးဆုံး Hybrid မော်ဒယ်အမျိုးအစားဖြစ်ပါတယ်။ ဈေးနှုန်းကတော့ ဒေါ်လာ ၃၅၀၀၀ ဝန်းကျင် ကုန်ကျမှာဖြစ်ပါတယ်။
၂၀၂၄ Aston Martin Vanquish
ကားရဲ့ဒီဇိုင်းနဲ့ အရောင်ကတော့ အမိုက်စားပါပဲ။ ဇိမ်ခံကားချစ်သူတွေ စောင့်မျှော်နေကြတဲ့ ဒီဒီဇိုင်းဟာဆိုရင်ဖြင့် ၂၀၂၃ နှောင်းပိုင်း (သို့) ၂၀၂၄ အစောပိုင်းမှာ ထွက်ရှိလာမယ်လို့ ခန့်မှန်းထားပါတယ်။ ဈေးနှုန်းကတော့ ဒေါ်လာ ၃၀၀၀၀၀ ဖြစ်ပါတယ်။
၂၀၂၃ BMW XM
BMW ကားချစ်သူတွေကတော့ ဒီကားဒီဇိုင်းလေးကို ကြွေနေကြမှာအမှန်ပါပဲ။ သူ့ရဲ့ဒီဇိုင်းက ဆန်းသစ်ပြီး အင်ဂျင်ပါဝါကလည်း အကောင်းတကာ့အကောင်းဆုံးဖြစ်အောင် ထုတ်လုပ်ထားတာဖြစ်ပါတယ်။
၂၀၂၃ Chevrolet Corvette Z06
Chevrolet Corvette Z06 ကတော့ ၂၀၂၂ အကုန်၊ ၂၀၂၃ အစောပိုင်းမှာ ထွက်ရှိလာမှာဖြစ်ပါတယ်။ ဈေးနှုန်းကတော့ ဒေါ်လာ ၈၅၀၀၀ ဝန်းကျင်ကနေ စတင်မှာဖြစ်ပါတယ်။
၂၀၂၃ Ford Ranger
အကြမ်းခံတဲ့ ကားမော်ဒယ်လေးတွေကိုမှ ကြိုက်နှစ်သက်တယ်ဆိုရင်တော့ ၂၀၂၃ မှာ ထွက်ရှိလာမယ့် Ford Ranger လေးကို စောင့်မျှော်နိုင်ပါတယ်။
၂၀၂၄ Honda Prologue
Honda ကတော့ အမေရိကန်ဈေးကွက်အတွက် Prologue လို့ခေါ်တဲ့ လျှပ်စစ်ကားကို ၂၀၂၃ ခုနှစ်မှာ ၂၀၂၄ မော်ဒယ်အဖြစ် ထုတ်လုပ်မယ်လို့ အတည်ပြုသွားခဲ့ပြီဖြစ်ပါတယ်။
၂၀၂၃ Nissan Z
Classic ဆန်တဲ့ အပြာရောင်ကားမျိုးကိုမှ ကြွေတယ်ဆိုရင်တော့ Nissan က ထုတ်တဲ့ Nissan Z မော်ဒယ်အမျိုးအစားကို ဝယ်ယူသင့်ပါတယ်။ ဒီနှစ်ထဲမှာ ထွက်ရှိလာမှာဖြစ်ပါတယ်။
၂၀၂၄ Volkswagen ID.Buzz Microbus
မိသားစုဝင်အရေအတွက်များတဲ့သူတွေအတွက် Volkswagen ကနေပြီး သီးသန့်ထုတ်လုပ်ပေးထားတဲ့ ကားအမျိုးအစားတစ်ခုရှိပါတယ်။ ထိုကားကတော့ Volkswagen ID.Buzz Microbus ဖြစ်ပါတယ်။ သူ့ရဲ့ကားအင်ဂျင်ကိုလည်း အခြေခံကစတဲ့ Rear-Wheel-Drive အတွက် မြင်းကောင်ရေ ၂၀၀ အား အသုံးပြုသွားမှာဖြစ်ပြီး ဈေးကြီးတဲ့ All-Wheel-Drive အတွက်တော့ မြင်းကောင်ရေ ၃၀၀ အားဖြင့် ထုတ်လုပ်သွားမှာဖြစ်ပါတယ်။
Source: Caranddriver
Featured Image: Road & Track