ဗောက်ထခြင်းသည် အရေပြားပြဿနာတစ်မျိုးဖြစ်ပြီး ယောကျာ်းများအတွက်တော့ မိမိရဲ့Confidence Level ကို တစ်နည်းတစ်ဖုံအကျိုးသက်ရောက်မှုရှိနေပါတယ်။
ဗောက်ထခြင်းကြောင့် လူအများရှေ့ထွက်ပြီး စကားပြောရတဲ့အခါ ကိုယ့်ကိုယ်ကိုယ် မဝံ့မရဲဖြစ်နေခြင်း၊ ခေါင်းကုတ်လိုက်တိုင်းမှာ ဗောက်များက အင်္ကျီပေါ် ကျလာတဲ့အခါ အင်မတန်ကြည့်ရဆိုးစေပါတယ်။
ဗောက်ထနေလို့စိတ်ညစ်နေရတဲ့ ယောကျာ်းများအတွက် ကြက်သွန်ဖြူက ကူညီပေးနိုင်ပါတယ်။ ကြက်သွန်ဖြူသည် မည်သည့်အရေပြားနှင့် ကျန်းမာရေးပြဿနာများအတွက်ဆို အသုံးတည့်တဲ့သဘာဝဆေးစွမ်းကောင်းတစ်လက်ပဲဖြစ်ပါတယ်။
ဒါဆိုရင် ကြက်သွန်ဖြူကို ဗောက်ပျောက်ဖို့ရန်အတွက် ဘယ်လိုအသုံးပြုရမလဲ။
နည်းလမ်း (၁)
Photo Source: Howsweeteats.com
ကြက်သွန်ဖြူဆီ စားပွဲတင်ဇွန်း ၂ ဇွန်းနှင့် သံလွင်ဆီ စားပွဲတင်ဇွန်း ၅ ဇွန်းတို့ လိုအပ်ပါလိမ့်မယ်။ ထိုပါဝင်ပစ္စည်း (၂) မျိုးကို သမအောင် ရောမွှေလိုက်ပါ။ ထို့နောက် ဦးရေပြားကို အမြစ်ထဲထိ စိမ့်ဝင်အောင် စက်ဝိုင်းပုံသဏ္ဍာန် ပွတ်တိုက်ကာ နှိပ်နယ်ပေးလိုက်ပါ။
နှိပ်နယ်ပြီးတဲ့နောက်မှာတော့ မိနစ် ၂၀ ခန့်နှပ်ထားပါ။ သတ်မှတ်ချိန်ပြည့်မှ ခေါင်းလျှော်ချလိုက်ပါ။
နည်းလမ်း (၂)
ဒီတစ်ခါမှာတော့ သံလွင်ဆီအစား အုန်းဆီ အသုံးပြုရပါမယ်။ ကြက်သွန်ဖြူဆီ စားပွဲတင်ဇွန်းး ၂ ဇွန်းကို အုန်းဆီ စားပွဲတင်ဇွန်း ၄ ဇွန်းနှင့် သမအောင် ရောမွှေလိုက်ပါ။ ထို့နောက် နွေးနွေးလေးဖြစ်သွားအောင် မီးအပူပေးလိုက်ပါ။ အရမ်းကြီး ပူစရာမလိုပါဘူး။
နွေးနွေးလေးဖြစ်သွားတဲ့အခါ ဦးရေပြားပေါ်တွင် စက်ဝိုင်းပုံသဏ္ဍာန် သုတ်လိမ်းပေးလိုက်ပါ။ ထိုအချိန်တွင် ဦးရေပြားကို လက်သည်းနဲ့ မကုတ်ခြစ်ရပါဘူး။ မိနစ် ၂၀ ခန့်ကြာမှ ခေါင်းလျှော်ချလိုက်ပါ။
နည်းလမ်း (၃)
Photo Source: Boldsky.com
ပါဝင်ပစ္စည်းများကတော့ ကြက်သွန်ဖြူအရည် လက်ဖက်ရည်ဇွန်း ၂ ဇွန်းနှင့် ရှားစောင်းလက်ပတ်ဂျယ်လ် စားပွဲတင်ဇွန်း ၄ ဇွန်းတို့ပဲဖြစ်ပါတယ်။ ပါဝင်ပစ္စည်းများကို သမအောင် ရောမွှေလိုက်ပါ။ ထို့နောက် ဦးရေပြားပေါ်တွင် သုတ်လိမ်းလိုက်ပါ။
ပြီးရင်တော့ Shower Cap ဖြင့် အုပ်ထားကာ မိနစ် ၃၀ ခန့် ပေါင်းတင်လိုက်ပါ။ သတ်မှတ်ချိန်ပြည့်တဲ့အခါမှာတော့ မိမိနှစ်သက်ရာခေါင်းလျှော်ရည်ဖြင့် ခေါင်းလျှော်လိုက်လို့ရပါပြီ။
Source: Stylecraze.com
Featured Image Source:
