ဝိတ်လျှော့ဖို့ ကြိုးပမ်းတာက ရေရှည်လုပ်ဖို့တော့လိုပါတယ်။ မဟုတ်ရင် ခဏပဲ အဆင်ပြေပါလိမ့်မယ်။ ကိုယ့်ရဲ့နေ့စဉ်နေထိုင်မှုကို မထိခိုက်စေဘဲ ကိုယ်အလေးချိန်လျှော့ချနိုင်ဖို့လည်းလိုအပ်ပါသေးတယ်။
ကိုယ်အလေးချိန်လျှော့ဖို့ လုပ်တဲ့နေရာမှာလည်း ပြင်းထန်တဲ့ လေ့ကျင့်ခန်းတွေလုပ်တာမျိုး အစားအသောက်ကို အလွန်အမင်း ကန့်သတ်ထိန်းချုပ်တာမျိုးတွေ လုပ်စရာမလိုအပ်ပါဘူး။ ဒီနေ့မှာတော့ အဆီကျစေမယ့် နေထိုင်စားသောက်မူပုံစံလေးတွေအကြောင်း ပြောပြပေးသွားမှာပါ။
အိပ်ရေးဝဝအိပ်ပါ
Source: Sand Canyon Urgent Care
ကျန်းမာရေးအတွက် ကောင်းစွာအိပ်စက်ချင်းက အလွန်အရေးကြီးပါတယ်။ နေ့စဉ် အချိန်မှန်မှန်အိပ်ပါ။ ၈ နာရီပြည့်အောင် ကြိုးစားအိပ်ပါ။ ဒါမှသာ ခန္ဓာကိုယ်က သဘာဝအတိုင်းလုပ်ဆောင်တဲ့ အဆိပ်အတောက် ဖယ်ရှားတဲ့ စနစ်ကို ပြည့်ပြည့်ဝဝ ဆောင်ရွက်နိုင်မှာဖြစ်ပါတယ်။
ကျန်းမာရေးနှင့်အညီစားသောက်ပေးပါ
Source: Funender
ကျန်းမာရေးနှင့်ညီညွတ်သော အသီးအရွက်တွေကို များများစားပေးပါ။ အသီးအရွတ်တွေက ဝိတ်ချနေစဉ်ကာလအတွင်းမျာ အကောင်းဆုံးရွေးချယ်မူပါပဲ။အနောက်နိုင်ငံတွေမှာရှိတဲ့ တော်တော်များမျာဟာ အဝလွန်နေကြတဲ့အတွက် သူတို့နိုင်ငံတွေမှာ အသီးအရွက်တွေစားသုံးကြဖို့ လှုံဆော်နေကြရပါတယ်။ ဒါကြောင့် သင်အစားစားတဲ့အချိန်တိုင်းမှာ ခန္ဓာကိုယ်အတွက် တကယ်အကျိုးရှိသလားဆိုတာ သင့်ကိုယ်သင်မေးပါ။
နေ့တိုင်းပုံမှန်လေ့ကျင့်ခန်းလုပ်ပါ
Source: Showbiz Cheat Sheet
တစ်နေ့ကို (၂၀-၃၀) မိနစ်ကြာတဲ့ ပုံမှန်လေ့ကျင့်ခန်းလုပ်ပါ။ နှလုံးသွေးကြောဆိုင်ရာ လေ့ကျင့်ခန်းနဲ့ ကိုယ်ခံအားကောင်းစေတဲ့ လေ့ကျင့်ခန်းတွေကို အလှည့်ကျလုပ်ဆောင်ပါ။လက်မောင်းလေ့ကျင့်ခန်း၊ ထိုင်ထလုပ်တာ၊ အိပ်ထမတင် စတဲ့ ရိုးရှင်းတာလေးတွေကို သင်အိပ်ယာထ ရေမချိုးခင်မှာ လုပ်နိုင်ပါတယ်။ အချိန်ရရင် အနီးနားက လေကောင်းလေးသန့်ရတဲ့ ပန်းခြံထဲမှာလည်း လုပ်နိုင်ပါသေးတယ်။
ဒီလိုနေ့စဉ်လေ့ကျင့်ခန်းလုပ်တာက သင့်ခန္ဓာကိုယ်အချိုးအစားနဲ့ ကယ်လိုရီလောင်ကျွမ်းမှုဖြစ်စဉ်ကို ပြောင်းလဲစေနိုင်ပါတယ်။ ကိုယ်လက်လေ့ကျင့်ခန်းလုပ်တာက နှလုံး၊ စိတ်နဲ့ ခန္ဓာကိုယ်ကို အလုပ်ပေးထားတဲ့ သဘောပါပဲ။ မနက်ခင်းလေ့ကျင့်ခန်းက သင့်ခန္ဓာကိုယ်ရဲ့ ဇီဝကာမဖြစ်စဉ်တွေကို အထောက်အကူဖြစ်စေပြီး တနေကုန်လန်းဆန်းတက်ကြွစေနိုင်တဲ့ အန်ဒိုဖင်ဟော်မုန်းကို ထုတ်လုပ်ပေးနိုင်ပါတယ်။
