COVID - 19 ကြိုတင်ကာကွယ်ဖို့ စနစ်တကျလက်ဆေးကြပါစို့

လက်ရှိမှာတကမ္ဘာလုံးအတိုင်းအတာအရ Covid – 19 ခေါ် ကိုရိုနာဗိုင်းရပ်ပိုး ကူးစက်နှုန်းအရမ်းကိုမြင့်တက်နေပါတယ်။ မြန်မာနိုင်ငံမှာလည်း ကိုရိုနာဗိုင်းရပ်ပိုးရှိသူ (၃) ဦးအထိရှိလာခဲ့ပါပြီ။ဒီလိုအချိန်မှာ ရောဂါကူးစက်မခံရဖို့ အထူးဂရုစိုက်နေသင့်ပြီး ကြိုတင်ကာကွယ်ရေးလုပ်ဆောင်ချက်တွေလိုက်နာရန် အရမ်းကိုအရေးကြီးပါတယ်။

Covid – 19 ရောဂါပိုးကြိုတင်ကာကွယ်တဲ့နေရာမှာ အရေးကြီးဆုံးက လက်ကိုစနစ်တကျနဲ့ မကြာခဏဆေးကြောသန့်စင်ဖို့ဖြစ်ပါတယ်။ ဒီနေ့မှာတော့ WHO မှညွှန်ကြားထားတဲ့ စနစ်တကျလက်ဆေးနည်းအဆင့်ဆင့်ကို ပြောပြပေးချင်ပါတယ်။ အချိန်အားဖြင့် စက္ကန့် (၃၀) လောက်ပဲကြာတာဖြစ်တာကြောင့် စနစ်တကျလက်ဆေးပြီး Covid – 19 ကြိုတင်ကာကွယ်ဖို့ တိုက်တွန်းချင်ပါတယ်။

Source : precision research institute

အဆင့် (၁) အရင်ဆုံး ရေဘုံဘိုင်ကိုဖွင့်ပြီး ရေဖြင့်လက်ကိုစိုအောင် စွတ်ပေးပါ။

အဆင့် (၂) လက်ဆေးရန် လုံလောက်တဲ့ ဆပ်ပြာပမာဏကို လက်ထဲသို့ထည့်ပါ။

အဆင့် (၃) လက်ဖဝါးနှစ်ဖက်ကို သေချာစွာပွတ်တိုက်ဆေးကြောပါ။

အဆင့် (၄) ဘယ်ဘက်လက်ဖမိုးပေါ် ညာဘက်လက်ဖဝါးထပ်ပြီး လက်ချောင်းများကြားကို သေချာစွာပွတ်တိုက်ဆေးကြောပါ။ထို့နောက် လက်ကိုဘယ်ညာပြောင်းပြီး ထိုနည်းအတိုင်းဆေးကြောပါ။

Source : Elemental – Medium

အဆင့် (၅) လက်ဖဝါးအချင်းချင်းချိတ်ဆက်ပြီး လက်ဖဝါးနဲ့ လက်ချောင်းများကြားကို သေချာစွာပွတ်တိုက်ဆေးကြောပါ။

အဆင့် (၆) လက်ခေါက်ချိုးပြီး သေချာစွာပွတ်တိုက်ဆေးကြောပါ။

အဆင့် (၇) ဘယ်ဘက်ဘက်မကို ညာဘက်လက်သီးဆုပ်ထဲမှာထည့်ပြီး သေချာပွတ်တိုက်ဆေးကြောပါ။ ထို့နောက် ညာဘက်လက်မကိုလည်း ထိုနည်းအတိုင်းဆေးကြောပါ။

အဆင့် (၈) လက်ချောင်းထိပ်များကိုဆေးကြောရန် ဘယ်ဘက်လက်ဖဝါးအားဖြန့်ထားပြီး ညာဘက်လက်ချောင်းထိပ်လေးတွေနဲ့ စက်ဝိုင်းပုံစံ သေချာစွာပွတ်တိုက်ဆေးကြောပါ။ထို့နောက် ဘယ်ဘက်လက်ချောင်းထိပ်များကိုလည်း ထိုနည်းအတိုင်းဆေးကြောပေးပါ။