ဝိုင်နီကို တချို့က အစာကြေစေဖို့အတွက်သောက်ကြသလို တချို့က နာမကျန်းဖြစ်မှုတွေကို ကုသဖို့အတွက် သောက်သုံးကြတာတွေ ရှိပါတယ်။ ကျွမ်းကျင်တဲ့ ဆရာဝန်တွေကလည်း ဝိုင်နီကို ကျန်းမာရေးအရ မှီဝဲကြဖို့ ညွှန်ကြားလေ့ရှိ ကြပါတယ်။ ဒီနေ့မှာတော့ ဝိုင်နီသောက်ခြင်းမှ ရရှိလာမဲ့ ကျန်းမာရေးအကျိုးကျေးဇူးတွေကို ဖော်ပြပေးသွားမှာပါ။

Photo : MarketWatch

ပြင်သစ်နိုင်ငံသားများရဲ့ ပုံမှန်အစားအသောက်များတွင် ဝိုင်နီလည်းပါဝင်သောကြောင့် ၎င်းတို့ကျန်းမာခြင်းဖြစ်ကြောင်း သုတေသနပြုမှုများစွာက ဖော်ပြသည်။ ဝိုင်နီတစ်ခွက်သောက်ခြင်းဖြင့် ရရှိနိုင်မည့် ကျန်းမာရေးအကျိုးကျေးဇူးများကို ဖော်ပြပေးလိုက်ပါသည်။ ဝိုင်တွင် နှလုံးသွေးကြောများထဲ မလိုလားအပ်သည့်အဆီများစုဝေးမှုကို လျှော့ချပေးနိုင်သည့် အားအကောင်းဆုံးဓာတ်တိုးဆန့်ကျင်ဒြပ်ပေါင်းတစ်မျိုးပါဝင်သည်။ ဝိုင်နီတွင် နှလုံးသွေးကြောဆိုင်ရာရောဂါများ ကို ကာကွယ်ပေးသည့်ဒြပ်ပေါင်းများလည်း ပါဝင်ပါတယ်။ သို့သော် ဝိုင်ကို အတန်အသင့်သာသောက်သုံးသင့်ပါတယ်။

ဝိုင်နီသောက်ခြင်းဖြင့် သွားများပျက်စီးမှုနှင့် ဘက်တီးရီးယားများ ပေါက်ဖွားမှုကိုကာကွယ်ပေးနိုင်သလို သွားဖုံးရောင်ရမ်းမှုကို လျှော့ချပေးပြီး သွားဖုံးရောဂါများကိုလည်း ကာကွယ်ပေးပါတယ်။ဝိုင်နီတွင် နှစ်ခြိုက်စွာအိပ်စက်နိုင်ရန် အထောက်အကူပြုတဲ့ ဟော်မုန်းလည်းပါဝင်နေပါတယ်။  ပြီးတော့ဝိုင်နီသောက်ခြင်းခြင်းက အသက်ပိုရှည်နိုင်တယ်လို့ သိပ္ပံပညာရှင်များက ယုံကြည်ထားကြတယ်။ အယ်လ်ဇိုင်းမား (ဇရာကြိုရောဂါ)နှင့် အသိဉာဏ်ဆိုင်ရာပျက်စီးမှုရောဂါကိုလည်း ကာကွယ်ပေးပါတယ်။

Photo : Vox

ဝိုင်နီတွင်ပါဝင်သော ဇီဝဒြပ်ပေါင်းတစ်မျိုးက ကိုယ်ကာယစွမ်း ဆောင်ရည်ကိုတိုးတက်စေပြီး နှလုံးလုပ်ဆောင်ချက်ကို အားကောင်း စေကာ ကြွက်သားများကို ပိုမိုသန်မာလာစေကြောင်း သုတေသီများက လေ့လာတွေ့ရှိထားသည်။ ဒါပေမဲ့ တန်ဆေးလွန်ဘေးဆိုသောဆိုရိုးစကားအတိုင်း ဝိုင်နီကို အတန်အသင့်သာသောက်သုံးသင့်ကြောင်း ကျန်းမာရေးကျွမ်းကျင်သူများက လမ်းညွှန်ထားကြပါတယ်။

Featured Photo : Expert Reviews