ကိုယ်ခံအားကောင်းသူဟာ တော်ရုံ အဖျားအနာနဲ့ ရောဂါမဝင်နိုင်ဘူးဆိုတာ အားလုံးပဲ သိကြမှာပါ။ COVID-19 လို့ တရားဝင်ခေါ်နေကြတဲ့ ကိုရိုနာဗိုင်းရပ်စ်ဟာလည်း ကိုယ်ခံအားကောင်းသူတွေကို ဥပါဒ်ဖြစ်လောက်အောင်အထိ ဒုက္ခမပေးနိုင်ပါဘူး။ ဒီတော့ ကိုရိုနာဗိုင်းရပ်စ်ဘေးကနေ လွတ်ကင်းနိုင်ဖို့ ဒီနည်းလမ်းလေးတွေနဲ့ ကိုယ့်ရဲ့ ကိုယ်ခံအားစနစ်ကို မြှင့်တင်လိုက်ရအောင်ပါ။
(၁) ကောက်ပဲသီးနှံအမျိုးမျိုးစားပါ
Photo: Pexels
သင်နေ့စဉ်စားတဲ့ အစားအသောက်တွေထဲမှာ သစ်သီးဝလံနဲ့ ဟင်းသီးဟင်းရွက်တွေ ပိုပြီး စုံစုံလင်လင် ပါလေလေ ကိုယ်ခံအားစနစ်ကောင်းဖို့အတွက် လိုအပ်တဲ့ အာဟာရဓါတ်တွေ ရလေလေပါပဲ။ ကိုယ်ခံအားကောင်းစေဖို့အတွက် ပန်းသီး ၊ အာလူး ၊ ဂျုံ ၊ ပြောင်း ၊ ကြက်ဥ ၊ ချယ်ရီသီး ၊ စပျစ် ၊ လိမ္မော် ၊ ကန်ဇွန်းဥ ၊ ရွှေဖရုံသီး ၊ သရက် ၊ မန်ကျည်း ၊ ကီဝီ ၊ ဂေါ်ဖီစိမ်း ၊ ငှက်ပျော ၊ ဂေါ်ဖီ ၊ နာနတ်သီး စတဲ့ အသီးအနှံမျိုးစုံ စားပေးသင့်ပါတယ်။
(၂) တရားထိုင်ပါ
Photo: askmen
တရားထိုင်ခြင်းဟာ စိတ်ပိုင်းဆိုင်ရာ အေးချမ်းဖို့အပြင် ကိုယ်ခံအားကောင်းဖို့အတွက်ပါ အထောက်အကူပြုပါတယ်။ တရားထိုင်ခြင်း နဲ့ စိတ်တည်ငြိမ်စေမယ့် ထိုက်ချိ ၊ ချီဂွန်းနဲ့ ယောဂလိုမျိုး အလေ့အကျင့်တွေကလည်း အဒရီနယ်လိုင်းနဲ့ ကော်တစ်ဆိုးထုတ်ပေးနိုင်တာကြောင့် တွယ်ဆက်တစ်သျှူးတွေနဲ့ ကိုယ်ခံအားစနစ် ပျက်စီးမှုကို လျှော့ချပေးနိုင်ပါတယ်။
(၃) လမ်းလျှောက်ပါ
Photo: Freepik
လေ့ကျင့်ခန်းတွေဟာ လူကို ကျန်းမာကြံ့ခိုင်စေပြီး ကိုယ်တွင်းစနစ် မြန်မြန်ဆန်ဆန် ပြန်ကောင်းအောင် တည်ဆောက်ပေးနိုင်ပါတယ်။ တစ်နေ့ကို မိနစ် ၂၀-၃၀ လောက် ပုံမှန် ရေရှည်လမ်းလျှောက်ပေးရုံနဲ့တင် ကိုယ်ခံအားစနစ်မြင့်တက်လာတာ သိသာပါတယ်။ အိမ်ပြင်ထွက် လမ်းလျှောက်ခြင်းဟာ အညောင်းအညာ ပြေစေသလို နေရောင်ခြည်နဲ့ ထိတွေ့ရလို့ ဗိုက်တာမင်ဒီ ရပြီး ကိုယ်ခံအားကို ကောင်းမွန်စေပါတယ်။
(၄) အိပ်ရေးဝဝအိပ်ပါ
Photo: Knowledge Center
တစ်နေ့ကို ၇ နာရီ နှစ်နှစ်ခြိုက်ခြိုက် အိပ်စက်ခြင်းဟာ ထူးခြားတဲ့ အကျိုးပေးပါတယ်။ အိပ်စက်ခြင်းဟာ သူ့ကိုယ်တွင်းအင်္ဂါစနစ်တွေကို ပြန်ကောင်းစေဖို့ အချိန်ပေးလိုက်တာ ဖြစ်ပြီး အဆိပ်အတောက်တွေလည်း ဖယ်ရှားပေးနိုင်ပါတယ်။ အိပ်ရေးမဝရင် HDL ကိုလက်စထရောတွေ နည်းစေပြီး နှလုံးရောဂါဖြစ်စေနိုင်တဲ့ Triglyceride နဲ့ကိုယ်တွင်းအဆီတွေ မြင့်တက်လာစေနိုင်တဲ့ ဆိုးကျိုးတွေ ရလာနိုင်ပါတယ်။
