သိပ်ချစ်ရတဲ့လူတစ်ယောက်ကို ဆုံရှုံးလိုက်ရတဲ့ခံစားချက်က ဘာနဲ့မှမတူအောင်ကို နာကျင်ခံစားရပါတယ်။ ဒီထက်ဆိုးတာတစ်ခုက အဲ့ဒီလူတစ်ယောက်ကို လုံးဝမေ့ပစ်လိုက်ဖို့ပါပဲ။ လူနှစ်ယောက်လမ်းခွဲပြတ်ဆဲပြီးချိန်မှာ ပိုချစ်ရသူတိုင်းက အမှတ်တရတွေ တိုက်ဆိုင်မှုတွေကြုံလာတိုင်းမှာ ပိုပြီးနာကျင်ခံစားကြရတာသဘာဝပါပဲ။ ဒီတော့ရှေ့ဆက်ဖို့လည်းမလွယ် ၊ မေ့ပစ်ရန်လဲခက်ခဲနေသူတွေအတွက် ဒီတစ်ခေါက်တော့ လူတစ်ယောက်ကို ဘယ်လိုမေ့ဖျောက်ပစ်ရမလဲဆိုတဲ့ နည်းလမ်းတွေပြောပြပေးချင်ပါတယ်။
(၁) လက်ခံပါ
Photo : Bethany Global University
ပထမဆုံးသင်လုပ်ရမှာက လက်ရှိဖြစ်ပျက်နေတဲ့ အခြေအနေအမှန် အားလုံးကိုလက်ခံဖို့ပါပဲ။ ပြီးခဲ့တဲ့အတိတ်က အဖြစ်အပျက်အားလုံးကို လွှတ်ချပြီး အကောင်းဆုံးရှေ့ဆက်နိုင်ဖို့ ပထမဆုံးခြေလှမ်းက အခြေအနေအကြောင်းအရင်းတွေကို သင်ကိုယ်တိုင်လက်ခံလိုက်ဖို့ပဲ ဖြစ်ပါတယ်။
(၂) ဖွင့်ချလိုက်ပါ
Photo : Verywell Mind
ခံစားချက်တွေဆိုတာ အမြဲလိုလိုမြိုသိပ်ဖျောက်ကွယ်ထားလို့ မရနိုင်ပါဘူး။ သင့်ရဲ့ဝမ်းနည်းမှု ၊ နာကျင်ခံစားရမှုတွေကို လွတ်လွတ်လပ်လပ်ခံစားခွင့်ပြုလိုက်ပါ။ ဟန်ဆောင်ထားလေ ပိုပြီးနာကျင်ခံစားရလေပါပဲ။ ခံစားချက်တွေဆိုတာ မုန်တိုင်းထန်ပြီးတာနဲ့ တဖြည်းဖြည်း ပျောက်ကွယ်သွားမှာ သေချာပါတယ်။
(၃) ခွင့်လွှတ်ခြင်းနဲ့မေ့ဖျောက်ပါ
Photo : BetterHelp
နာကျင်မှုတွေ ဒေါသတွေကို ဆုပ်ကိုင်ထားသ၍ သင်အဲ့ဒီလူအပေါ်မေ့ပစ်လို့ မရနိုင်တာသေချာပါတယ်။ ကိုယ်နာကျင်ခံစားခဲ့ရမှုတွေကို အကောင်းဆုံးလက်ခံခွင့်လွှတ်ပြီး မေ့ပစ်ခြင်းနည်းကသာ သင့်အတွက်ပိုမိုကောင်းမွန်စွာ ရှေ့ဆက်လက်လျောက်လှမ်းသွားနိုင်မှာပါ။
(၄) ကောင်းကွက်တွေပဲမတွေးပါနဲ့
Photo : The Health Examiner
များသောအားဖြင့် လူတစ်ယောက်ကို ဆုံးရှုံးရတဲ့အခါ သူတို့နဲ့ ပတ်သက်တဲ့ ကောင်းတဲ့အချက်တွေကိုပဲ သတိရတတ်ကြပါတယ်။ တကယ်တော့ကိစ္စတိုင်းက အကောင်းအဆိုး အကြောင်းအကျိုးတွေရှိနေပြီးသားပဲ မဟုတ်လား။ သင်အနေနဲ့ ပြတ်ပြတ်သားသားတွေးပြီး ဒီဆက်ဆံရေးရဲ့ ချို့ယွင်းချက်တွေ ဆိုးကွက်တွေကို ပြန်စဉ်းစားတာက မေ့ဖျောက်နိုင်ဖို့ ပိုလွယ်ပါလိမ့်မယ်။
(၅) အချိန်ယူပါ
Photo : HiConsumption
အသိဉာဏ်နဲ့စိတ်အာရုံထဲက ပုံရိပ်တွေကို လွယ်လွယ်မေ့ဖျောက်ဖို့ ခက်ခဲတယ်ဆိုတာ လက်ခံထားပါ။ လူတစ်ယောက်ကို ကောင်းစွာမေ့ဖျောက်နိုင်ဖို့ လုံလောက်တဲ့အချိန်လိုပါတယ်။ ဒါကြောင့် အချိန်ယူပါ။ ကိုယ့်ကိုယ်ကိုပြန်လည်တည်ဆောက်နေဆဲကာလမှာ မေ့ပစ်ဖို့လိုတဲ့လူတစ်ယောက်အကြောင်း တက်နိုင်သလောက်မတွေးမိအောင်နေပါ။ ကိုယ့်ကိုယ်ကိုအရင်ကထက်ပိုဂရုစိုက်ပါ။ သင်တန်းတွေတက်တာ ၊ ဘော်ဒါတွေနဲ့အချိန်ဖြုန်းတာ ၊ ခရီးတွေထွက်တာ စသဖြင့်တခြား အရာတွေနဲ့ အာရုံပြောင်းလဲထားဖို့လည်း အကြံပြုချင်ပါတယ်။
Featured Photo : Inspiring Tips
