Business Dress တွေကို အခုခေတ်မှာ ပေါ့ပေါ့ပါးပါး ပုံစံပြောင်း ဝတ်လာကြပါပြီ။ Shoes အရောင်နဲ့ပတ်သက်ပြီးလည်း အရင်ခေတ်ကလို Black Shoes ကိုပဲ အထိုင်ထားပြီး ဝတ်စရာတော့ မလိုပါဘူး။ ဒီတစ်ခေါက်မှာတော့ Suit အရောင်ပေါ်လိုက်ပြီး တွဲဝတ်သင့်တဲ့ Dress Shoes ကာလာလေးတွေအကြောင်း ပြောပြပေးချင်ပါတယ်။
(၁) Navy Blue Suit
Photo: Real Men Real Style
Navy Blue (နက်ပြာ) ရောင်အနောက်တိုင်း ဝတ်စုံနဲ့ လိုက်ဖက်တဲ့ Shoes ကာလာတွေကတော့ အနက်ရောင် ၊ အညိုရောင် နဲ့ နီညိုရောင်တွေပါပဲ။ လုပ်ငန်းအစည်းအဝေးလို Formal ပွဲအတွက်ဆို Black ကာလာရွေးသင့်ပြီး နည်းနည်း သက်တောင့်သက်သာရှိတဲ့ နေရာတွေအတွက်ဆို အညိုရောင် Brown ကာလာ Shoes တွေ စီးသင့်ပါတယ်။ စိတ်လက်ပေါ့ပါးပြီး ဖန်တီးမှုပိုရှိစေချင်တယ်ဆိုရင် နီညိုရောင် Burgundy ကာလာ စီးသင့်ပါတယ်။
(၂) Gray Suit
Photo: Real Men Real Style
Gray Suit ကလည်း Navy Blue လိုပါပဲ။ လိုက်ဖက်တဲ့ Shoes အရောင်တွေချင်း တူပါတယ်။ Gray Suit က Navy Blue နဲ့စာရင် သိပ် Formal မကျတဲ့ဖက်ရှင်ပါ။ ဒါကြောင့် Casual / Social ပုံစံအတွက်ဆို အညိုနဲ့ နီညိုရင့် Burgundy Shoes တွေ စီးပြီး နည်းနည်းပို Formal ကျချင်ရင် အနက်ရောင် စီးရမှာပါ။
(၃) Charcoal Suit
Photo: Real Men Real Style
ကျောက်မီးသွေးရောင် Charcoal Suit ဝတ်ရင် ရှောင်ရမယ့်ဖိနပ်အရောင်က အညိုရောင်ပါ။ အနက်နဲ့ နီညိုရင့်တွေ ဝတ်နိုင်ပါတယ်။ Plain Black Shoes တွေကတော့ အလိုက်ဖက်ဆုံးဖြစ်ပါတယ်။
(၄) Brown Suit
Photo: Real Men Real Style
Brown Suit နဲ့ အလိုက်ဖက်ဆုံး Shoes ကာလာက အညိုရောင်ပါ။ Brown Shoes က Brown Suit ထက် ကာလာရင့်လေ ပိုကောင်းလေပါပဲ။ Burgundy ကာလာလိုမျိုး နီညိုရင့်တွေနဲ့လည်း အဆင်ပြေပါတယ်။ ရှောင်ရမှာက အနက်ရောင် ဖြစ်ပါတယ်။
(၅) Black Suit
Photo: Real Men Real Style
သင်က အနက်ရောင် Black Suit ဝတ်တတ်ရင် Shoes ဖိနပ်ကို တစ်ရောင်ပဲ စီးသင့်ပါတယ်။ အဲ့ဒါကတော့ အနက်ရောင် ဖြစ်ပါတယ်။ ကျန်တဲ့ အညိုရောင်နဲ့နီညိုရောင် Burgundy ကာလာတွေကတော့ ရှောင်ရမယ့်အရောင်ထဲမှာ ပါပါတယ်။
Featured Photo: Real Men Real Style
