အဝတ်အစားရွေးချယ်ကြတဲ့အခါမှာလည်း ကိုယ်ရွေးချယ်တဲ့ အဝတ်အစားအရောင်သိပ်ကိုအရေးပါပါတယ်။ ကြုံရာ အဆင်ပြေသလိုဝတ်ဆင်တာထက် ကိုယ့်အသားအရေနဲ့ လိုက်ဖက်တဲ့အရောင်တွေကို ရွေးချယ်ဝတ်ဆင်ပါက သင့်ကိုပိုပြီးဖက်ရှင်ကျစေမှာဖြစ်ပါတယ်။
ဒီနေ့မှာတော့ ကွီးတို့ ရဲ့ အသားရောင်နဲ့ လိုက်ဖက်တဲ့ အဝတ်အစားဖက်ရှင်တွေကို ဘယ်လိုရွေးချယ်ဝတ်ဆင်သင့်လဲဆိုတာ ပြောပြပေးသွားမှာဖြစ်ပါတယ်။
အသားဖြူသူ
Photo : Ape To Gentleman
အသားဖြူတဲ့ အမျိုးသားတွေဟာ အရောင်တော်တော် များများနဲ့ လိုက်ဖက်မှုရှိတာတော့ ထူးခြားတဲ့ကံဇာတာလို့ပဲ ပြောရပါမယ်။ အဖြူရောင်၊ အမဲရောင် ၊ အပြာနုရောင် ၊ အညိုရောင် ၊ ပန်းရောင် ၊ ကာကီရောင် စတဲ့အရောင် တော်တော်များများနဲ့ ဝတ်ဆင်လို့ အဆင်ပြေပါတယ်။ ဒါအပြင့် အရောင်အရင့်တွေနဲ့လည်း လိုက်ဖက်ပါတယ်။ လိမ္မော်ရောင်၊ ခရမ်းရောင် ၊ အနီရောင် စတဲ့အရောင်တောက်တောက်တွေတော့ ရှောင်သင့်ပါတယ်။
အသားညိုသူ
Photo : Ape To Gentleman
အရှေ့တောင်အာရှသားတွေ တော်တော်များများမှာ အညိုဆင်တွေများပါတယ်။ အညိုဆင် အသားရေပိုင်ရှင် ယောကျ်ားလေးတွေအတွက် အလိုက်ဖက်ဆုံးအဝတ်အစား အရောင်တွေကတော့ သနပ်ခါးရောင် ၊ ကြက်သွေးရောင် ၊ အပြာရင့်ရောင်၊ အမဲရောင် စတဲ့အရောင်လေးတွေ ဝတ်ဆင်ပေးသင့်ပါတယ်။
စစ်စိမ်းရောင်၊ အညိုရင့်ရောင်၊ စိမ်းဝါရောင်၊ အနီရောင်တွေကတော့ အသားညိုတဲ့ အမျိုးသားတွေနဲ့ အနည်းငယ် လိုက်ဖက်မှုသိပ်မရှိတာကြောင့် ရှောင်ဝတ်သင့်တဲ့ အရောင်လေးတွေဖြစ်ပါတယ်။
အသားလတ်သူ
Photo : Ape To Gentleman
အသားလတ်သူ ဆိုတာကတော့ အရမ်းလည်းမဖြူ အရမ်းလည်းမညိုတဲ့ အသားရေပိုင်ရှင်တွေကို ပြောချင်တာဖြစ်ပါတယ်။ ဒီလိုအသားရေပိုင်ရှင်တွေကတော့ ကြက်သွေးရောင် ၊ အပြာရင့်ရောင် ၊ ကာကီရောင် ၊ အမဲရောင်၊ မီးခိုရောင် စတဲ့အရောင်လေးတွေနဲ့ ပိုပြီးလိုက်ဖက်ပါတယ်။ အသားလတ်တဲ့ အမျိုးသားတွေအနေနဲ့ မော်ဒယ်စိမ်းရောင်၊ ခရမ်းနုရောင် စတဲ့အရောင်ခပ်နုနုတွေကို ရှောင်ကြဉ်ပေးမယ်ဆိုရင် အဆင်ပြေဆုံးဖြစ်မှာပါ။
